زوجي يتركني في بيت أهلي بالأسبوع ولا يسأل عني

السلام عليكم ، بكتب لكم مشكلتي مع زوجي واتمنى القى عندكم النصيحة النافعه يارب . انا عروس مابعد كملت شهرين متزوجة تقريبا لي ٤٥ يوم بالضبط ، فتره الملكة كانت ٣ شهور كانت جدا عاطفيه من قبل زوجي كان مندفع جدا لي ويقولي كلام حلو وانه يحبني وكذا وانا كنت اقوله نفس الحكي حتى وان ماكنت احس فيه لحظتها مع اني كنت احس بعدم اقتناع تام فيه وبقرف مرات اخرى ومع ذلك ماوضحت له ابدا كان اذا دق علي استقبل اتصاله بصدر رحب واخذ واعطي معه واذا زارني استعد له كويس مرره ، تزوجنا والوضع عادي سافرنا شهر عسل اسبوع ورجعنا ورجع هو لدوامه الوضح للحين ماشي بس كان فيه مشكله انه اهلي يجتمعون يوم الجمعه فيقولي بوديك لهم الظهر ونامي عندهم ولما كنت اساله ليش انوم كان يقول انتي ماتشوفينهم زين لازم تنومين عندهم انا طبعا كنت اوضح له ان النوم ماله داعي بروح ازورهم وتعال بالليل خذني كان يرفض هالشي - انا كنت اتوقع السبب انه مثلا بينوم وماعنده استعداد يصحى عشان يجي ياخذني - فقلت اوكي طبعا ركزو معاي انا رجعت من السفر ونمت عندهم ٤ ايام والاسبوع الي بعده ٣ ايام والي بعده يوم - وفي هذي الاثناء لا يتصل ولا يرسل رساله وحده حتى يتصل اذا بغى يجي وبنفس اليوم وانا اذا اتصلت مايرد واذا ارسلت مايرد ،كنت لما اساله ليش انوم يقول انا ماحب اطلع وانتي بالبيت اكون مو مرتاح فاجلسي عند اهلك ، ولما وضحت له ان اهلي ماعندهم هالنظام كان يقول ماعلي منهم بيتعودون عالوضع الجديد انا خواتي عندهم شقق في بيت ابوي وازواجهم ياخذونهم ويرجعونهم - طبعا اصغر وحده من خواته معها ٣ عيال - واحنا لسى عرسان وضحت له هالشي قال موب معناها تزوحنا نلزق في بعض ترى كل واحد له حياه له اهل انا ساعتها سكت ، طيب انا الاسبوع الماضي اود اسبوع دوام لي وماقصر كان يوديني ويرجعني اداوم من ٨-٢:٤٥ لما اطلع نروح نتغدا بعدها :١- اما يحطني في البيت ويروح للمكتب - هو مهندس عندن مكتب خاص - من الساعه ٤-٦ وبعدها يرجع ونجلس الى ٨ وبعدها يطلع ومايرجع الا ١٢ وانا نايمه . او ٢- مايروح المكتب العصر ويجلس بالبيت واذا جت الساعه ٧:٣٠ طلع ومايرجع الا ١٢ وانا نايمه . ولما يطلع ينسى انه فيه احد وراه بالبيت لا يدق يسال ولا يرسل واذا انا ارسلت له - اشتقت لك او شي زي كذا - مايدخل يقراها مع اني اشوفه اون لاين ، مايهتم حتى اذا تعشيت او اكلت شي او لا وهو عارف اني ماراح اطبخ لحالي وماراح اطلب . هذي ٥ ايام الاسبوع كذا حتى يوم الخميس طلع ومارجع الا ٢ - مع اني كنت متوقعه انن ويكتد وبنقضيه سوا بس بطلع - ولما رجع جا نام جمبي وبدا يسوي حركات وسالته انت وين تروح كل يوم بهالوقت قال شغل قلت وش عالشغل الي كل يوم قال لا مو شغل كله مره اصدقاء مره اهل مره زملاء مهنه وكذا ، جا يوم الجمعه وقلت له بروح لاهلي وهو كان يقول نومي عاد انا قلت له بنوم اسبوع هو ارتاع ليش اسبوع قلت كم يعني قال مادري بس مو كان اسبوع واجد قلت يعني كم قال مادري بكيفك اسبوع اثنين وطبعا انا سفهته ولا دقيت ولا ارسلت له شي يوم جا امس الصباح ارسلي انتي ناسيه المكوا تشتغل ياشاطره قلت لا مانسيتها قال الا ناستها - وانا متاكده اني مانسيتها - يعني اخر شي كويته يوم الخميس الساعه ١٢:٣٠ بالليل وانا يوم الجمعه داخله الغرفه لو ناسيتها كان ظلعت الغرفه حاره يعني معقوله تجلس يومين تشتغل ماتطلع صوت !!!! المهم عصب علي وقال وش قصدك اني اتبلاك انا قلت مادري قال لادريتي علميني مع السلامه !!!!!!!! مع انه كان صوته رايق يوم كلمني انا توقعت انه بس يبغى سبب يكلمني فيه لاني متاكده مانسيته بس هو قلب الموضوع جد ، خل نفرض اني فعلا ناسيتها احد يحاسب عروسته على مكوا !!!! هذا غير انه يوم الخميس كان بيطلع العصر قلت بروح الصالون وجنبينا مره بينا ٤ دقايق قال يوووه ماله داعي وتصلحي بالبيت وماتحتاجين قلت شدعوه توديني كل يوم انت سكت وقال بالله البسي عبايتك ، يستثقل مشاويري اذا انعزمت مايوديني بوديك لاهلك وروحي معهم وارجعي ونومي عندهم !!!!! تصرفاته طبيعييه ؟!! مع ان علاقتنا احسها عاطفيه مو اننه مايواطني انا مادري هل هو ينحاش من البيت ؟ هل هو مو مرتاح لي ؟ صار يدقق على اشياء سخيفه جدااااا لا تلبسين خلهال لدوام لا تلبسين كعب لدوام عبايتك مدري وش فيها ، تعبت معاه ساااااعدوني ، ، صار الاسبوع الماضي كنت بروح الجمعه لاهلي فقلت له يوم الثلاثاء وهو رايق جدا ابي توديني بكره للمشغل حطني وانت طالع وانت راجع مرني طبعا المشغل يبعد عنا ٥ ثواني بس قال لا منيب موديك قلت ليش قال بس تصلحي بالبيت قلت انا بصلح حواجبي قال حواجبك زينه قلت انا ماعمري طلبت منك شي ترا انا صرت اخاف اطلب منك قال اطلبي اي شي الا هالشي لارحتي لاهلك الجمعه روحي المشغل