صورة علم Jordan
من مجهول
منذ 3 شهور 15 إجابات
0 0 0 0

أم حبيبي مستفزة وأنا لا أتحمل كلامها الجارح

السلام عليكم ... انا خطبت شاب بعد معرفة في الجامعة ، و الشاب على قدر عالي من الأخلاق و الاحترام ، و هو منيح كتير معي و شخص مهتم فيني كتير و الحمدلله ما فيو اي عيب أو مشكلة و مرتاحة جدا بتعاملني معو و مبسوطة... بس مشكلتي امه .. هي ست كتير لطيفة بس مشكلتها لسانها .. ما بتقدر الا اذا حكت بصراحة جارحة ، بتنتقد كل اشي و أي اشي و بتعلق على أبسط الأشياء و مافي اي اشي يعجبها ، مع العلم انها مو مثالية بس بتضل تحكي و تعلق .. و طبعا التعليقات تشملني ، من حيث ابسط الاشياء .. و ابسط مثال .. انو في مرة طلعنا سوا على السوق ، فضلت تعلق طول الطريق انو ليش ما بلبس كعب عالي .. و أشياء بسيطة زي هيك .. بس بشكل مكرر و على كل اشي ... و هي طبعها حشري شوي و فضولية و بدها تعرف كل اشي ... انا كتير بحب الشب و بدي اياه ، بس هو وحيد أمه و لازم يكون موجود معها و عندها دائما ، و بنفس الوقت انا وحدة حساسة كتير و ما بقدر اتحمل الانتقاد الزيادة هاد كلو ... و عم بفكر كتير بانو إذا تجوزنا شو ممكن يصير ! شو اعمل !!!