صورة علم Jordan
من مجهول
منذ سنتان 7 إجابات
1 0 0 1

على علاقة مع شاب منذ 3 سنوات

مساء الخير انا بنت عمري 27 سنة على علاقة مع شاب من 3 سنين كان كتير بحبني وبهتم فيي بدرجة مجنونة.. قبل فترة صار بينا مشاكل وقعدنا 3 شهور ما بنحكي مع بعض وتعرف على وحدة تانية وانا عملت المستحيل لحتى خليته يرجعلي ورجعنا بس ضل موضوع البنت الي عرفها جارحني ومأثر علي.. بس للعلم انا جدا بحبه وما بتخيل ما اسمع صوته او اشوفه كل يوم .. قبل اسبوع كنا مع بعض وانا ما ضليت متحسسة احسه انه مو متل اول ومتغير وهالشي عصبني وهو زعل وكان بده يروح وانا صرت اصرخ وابكي لحتى هو يضل معي ومن غير ما احس امسك بايديه واضربه عليهم لحتى يضل هو كتير عصب ودفشني وراح .. ومن وقتها مو راضي يحكي معي وبحكيلي لا يمكن اغفرلك لانك مديتي ايدك علي.. بس انا والله ما كان هيك قصدي وهو ابدا مو راضي يقتنع .. وانا يوم عن يوم بتعب اكتر صحتي كتير تعبت ومحتاجيته بترجاكم احكولي شو اعمل لحتى يسامحنني .. مع العلم هو قاسي وراسه يابس .. بس انا ما بتخيل حياتي بدونه جد تعبانة .. بترجاكم ساعدوني.