لم يعدني بالزواج وما زلت احبه

انا اتعرفت ع شاب بالغربة معي بالجامعة انا عايشة بالسعودية وهو عايش بالامارت احنا الاثنين من نفس الجنسية هو اتخرج هالسنة بس لسى مارجع عند اهلو بسبب اقامتو الامارتية انتهت اثناء الدراسة وعندوو مشاكل بهالنقطة مش قادر يرجع عند اهلو ولسى ماشتغل .. الحكاية انو هو بعد ماتخرج حاول يحكي مع اهلو بخصوص انو يساعدوه يخطبني بس اهلو حكولو تنسى الموضوع وتعتمد ع حالك وبدري ع الحكي بهالمواضيع .. ومع هاذا استمريت معو مابعرف شو مصيري معو دايما يحكيلي انو احسن شي نفترق بلاش نتعلق ببعض بزيادة وبالنهاية صعب نكون لبعض وانا قدامو كتير .. بالنهاية حكيتلو انا راح ابعد وماعاد هرجعلك .. عشان ترتاح .. لانو كل مابنسى موضوع الزواج هو بيذكرني فيه وبيضل يقول شو الفايدة لو كملنا مع بعض وصارلنا 20 يوم ماحكيت معو ولاارسلتلو شيء ع امل انو هو يرجع يحكي معي لأنو كل مرة بنتزاعل ع نفس الموضوع بس هو بيرجع يكلمني ويحكي راح احاول اعمل شيء بس اخر مرة حكالي مابيدي شيء والاحسن نبعد عن بعض لدي اياه يرجعلي كيف مش قادرة انساه وبدي اعذبو متل مابيعذبني لاني حاسة انو ظلم يتركني بعد 3 سنين لمجرد انو هو وضعو صعب وحاولت افهمو اني بستحمل ظروفو وانا راضية استناك بس هو قال لا مابيرضالي انو ابقى معو ولاتتوقعي مني شيء دايما متشاءم وهو مش ضامن وضعو يتحسن حساه بيبالغ كتير ولا هو معاه حق مش عارفة الصح من الغلط ؟؟ وهل هاذا الشخص كويس ولا لعاب ؟؟وكيف ارجعو مابدي اخسره ؟؟نفسيتي تعبانة كتيرة !نفسي احكي معو ؟ اكلمو ولا لأ ؟ استناه هيرجع ولا لأ ؟