خطيبتي كانت تغطي فراغها العاطفي فقط

السلام عليكم ورحمة الله وبركاته حضرتك انا عندي مشاكل كتير اوي وفاض بيا بجد انا كنت خاطب وكنت بعشق خطيبتي عشق بس محصلش نصيب وسيبنا بعض واكتشفت انها مكنتش بتحبني هي بس كانت معايا بتغطي فراغ في حياتها رغم اني خسرت ناس كتير اوي غشان خاطرها وكنت بحبها حب لدرجة انه اوقات بيجي علي كرامتي وتعبان اوي بعد ما افترقنا لدرجة اني لو قعدت مكان فيه فرح او اغاني افراح بفتكرها ومودي بيبقي وحش وبفكر في الموت وكمان بقعد احب في صورها كل مابتوحشني ولما بكون في احسن حلاتي وفرحان بمجرد اني افتكرها بزعل وصل بيا الحال لاني مبقتش اعرف اتنفس بطريقه طبيعيه كل ما افتكرها وبحس بوجع جامد اوي في القلب ومبقتش اقدر ازعق او اعلي صوتي علي حد وممكن لو حد جيه يتخانق معايا مبقاش في قوه حتي لاني ادافع عن نفسي من التعب الجسدي والنفسي اللي انا فيه ده غير اني اكتشفت ان كل اصحابي بيعرفوني لمصالح اما ان كانت ماديه او نفسيه ووصل بيا الحال للتفكير في الانتحار لما حبيبتي كانت معايا مكنش فارق معايا حد غيرها وكل اللي كنت بعمله انه انا بعيش عشان اسعدها