صورة علم
من سارا
منذ سنتان 15 إجابات
3 0 0 3

العنصرية والتعصب القبلي تتحكم بمستقبلي !

انا سارا سعوديه بس عايشه بامريكا من لما كنت صغيره بحكم شغل ابوي وتنقله الدائم الحين انا ادرس بالجامعه ومستقره بامريكا عشان دراستي ومع اهلي، لما دخلت الجامعه تعرفت على واحد سعودي معي هناك ومع الوقت تعلقت فيه وحبيته وهو بعد. بعد فتره قرر انه يخطبني ونرتبط بشكل رسمي وتقدم لابوي وخطبني والصدمه جات لما رفض ابوي بحجه انه مب قبيلي!! انا طول عمري عايشه برا ومع مجتمع متفتح وماقد عانيت من سالفه قبيلي ومب قبيلي ومب قادره استوعب ان هالموضوع بيوقف زواجي من الشخص الي حبيته!!   طلع حبيبي مب قبيلي وعلى قولة ابوي وجدي ماينفع لنا ومايناسبنا ومب من مواخيذنا وماينفع اتزوجه ولازم اخذ واحد من ربعنا وقبيلتنا وانا رافضه هالمبدء! كيف اعيش طول عمري بحريه وانفتاح ولما يجي الموضوع لمستقبلي تتحكم فيه عادات وعنصريه قبليه!! ابوي متفهم الموضوع ومتعاطف ويحاول يساعدني لكن الموضوع اكبر مني ومنه لان عمامي وجدي رافضين ويهددون ابوي ويحذرونه انه مايزوجني لاحد من من ربعنا وقبيلتنا!!ليش يصير كذا!! وكيف اطلع من عقليه اهلي المتخلفه الرجعيه!!