الرئيسية / الحب والعلاقات العاطفية / تعلقت بها وأصبحت جزءاً من حياتي لأكتشف بأنها شاب!

السؤال

صورة علم Jordan
مجهول
قبل 7 شهر (16 اجابه)
16 اجابه

تعلقت بها وأصبحت جزءاً من حياتي لأكتشف بأنها شاب!

تعلقت بها وأصبحت جزءاً من حياتي لأكتشف بأنها شاب!

مرحبا هل من الممكن ان تجدوا حلا لي انا من لما نولدت ما قدر لي انه اصادق حد او حتى يكون عندي صديقه وهاد بيرجع للظروف يلي مرقة فيهم وانا بشوف بابا فغربته وماما بتلعب اكتر من دور ومش فاضيه لالي ولخواني حتى صار كل شيء عادي ومعنديش ثقه بحدا وكل ما اتعرف ع حد وبحكي هاي هي الإنسانه المنتظره بتخذلني وكل وقتي بالدراسه والعلامات المرتفعه وانه ماننزل عن الاوائل بأقسامنا بالجامعه وبس حياتي انا واخواني كتب وكتب ثم كتب معندي ولا اي صديقه يعني 22سنه بلا اصدقاء ومن سنتين تعرفت ع بنت عن طريق الإنسته من العراق حبيتها وتعلقت فيها واربعه عشرين ساعه انا وهي بنحكي مع بعض بحبها كثير يمكن اكتر من امي وحالي بعشقها كتتتتتير وبتعرف كل اسراري وبعرف تفاصيل حياتها وكثير شغلات ونمط حياتي وكتير كانت السبب لاعدل عن محاولاتي الإنتحاريه الكثيره لحتى اخلص من روتيني الممل وبتعرفوا القشه يلي بتمسك فيها الغريق ها هي بالنسبه لالي وقبل خمس اسابيع من هلأ قررت اتعرف عليها وانزلت على اربيل ع اساس التقيها بالمطار ونتصور مع بعض وانها راح تفرجيني كل شي حلو باربيل وقررنا كل شي مع بعض واول ما نزلت ما لقيتها ولكن بعتتلي صوري وانا بالمطار وتاني يوم ع اساس التقيها بالمول ونفس الشيء وتالت يوم نفس الشي ورابع يوم صار لازم ارجع ع الاردن ولما قربت طيارتي تطلع اجت وطلعت شاب مش بنت وطلب اسامحه وانه ما بده ياذيني وانه تعود علي ومش متخيل شو راح يصير اذا بطلنا نحكي مع بعض وانه بشفق علي واعتبره اخ وصديق وظلي وحكالي وداعتك الله تظلك تراسليني كل ما تشوفين نفسك متضايقه... طيب انا هلا شو بدي اعمل وكيف بدي اخلص من تعلقي فيها وحبي لالها وتعود عليها هدول سنتين مش لعبه لهلأ مش قادره اتخيل او اصدق يلي صار ... لهلأ بتبعتلي انه انسى يلي صار واظلني مكمله بكذبته انه بنت


قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

صورة علم United States
أخصائية نفسية ميساء النحلاوي
قبل 7 شهر

اقطع علاقتك بهذا الشاب المخادع باسرع وقت ، كنت تظنه فتاه فأحببتها وتعلقت بها ولكن هو منذ البدايه يعلم بأنك شاب واستمر في هذه الخدعه ربما لاهداف خاصه . انت احببت وهما غير موجود وما تعلقك بالفتاه الخدعه سوى كذبه كبيره يجب ان تستفيق منها . عالم الكتب افضل بكثير من الانزلاق في المجهول ، عد ثانيه الى كتبك ومنزلك الهادئ وفكر في مستقبل لامع ينتظرك نتيجه دراستك اما فكره الانتحار فانتزعها من تفكيرك نهائيا ، لماذا تنتحر ؟ لانك لا تجد رفيقا ؟ اشترك في ناد رياضي ، في جمعيه خيريه ، ابحث عن هوايه ما ، فهذه الامكنه ستوفر لك الصحبه الجيده المستقيمه وابتسم للمستقبل بكل تفاؤل.

صورة علم Algeria
مجهول
قبل 3 شهر

ان لم تملأ قلبك بمحبة الله و قراءة القرآن. فاعلم انك سوف تبقى طوال عمرك تعيس و قلبك خربان و يتعلق باي شيء وهذا لمرضه وضعفه. كن الاقوى ودعك من تفكير الضعفاء

صورة علم Morocco
مجهول
قبل 7 شهر

احنا هنا كلنا اصدقائك واخوانك عزيزي،لاتهمل مسقبلك وافضل صديق للانسان هو الكتاب والعلم،انت اخدت درس انو لا تتق في احد وصار عندك يقين انو الصديق هو العلم ولا غير العلم،عندك اخوانك خليك قريب منهم،ونصيحة لا تتق في هدا الشخص وانساه ولا تعيره اي اهتمام المهم سافرت وغيرت جو،وانت رجال ماتخلي هدي المشكلة تعكر مزاجك،وخد بالك من نفسك

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

 


احجز استشارة أونلاين

اختر الخبير الأنسب لك واحجز معه جلسة استشارية خاصة على الإنترنت في الوقت الذي يناسبك.

احجز الآن