تركني خطيبي ليتزوج بأخرى في يوم موعد زفافنا

كنت مخطوبة لشخص بعد قصة حب دامت خمس سنين وحددنا موعد العرس وفجأة وبدون سبب معروف لقيتو يتخلى عني ويروح يخطب ويزوج غيري في نفس موعد عرسنا..طبعا انا ما اتحملت واصبت بمرض نفسي واكتئاب شديد وتعذبت كتير حتى قدرت اتخطى الموضوع..وبعد زواجو بيومين كلمني على الموبايل طبعا مارديت وظل يلاحقني بالشارع ووين مارحت لحتى وافقت اتكلم معاه لاني كنت مازالت احبه.. قالي انو ما قدر ينساني وانو ندمان..حاولت اصدو كتير لكن فالاخير قدر يتغلب عليا واتجددت علاقتنا بعد أقل من شهر على زواجو.. ولما سألتو ليش تركني قالي انو سمع عن علاقة ليا بشخص قبل ما اعرفو هو وانو ما يقبل يزوج من وحدة عندها ماضي مع غيرو وانو هي مرتو مستحيل تكون على علاقة قبلو.. أنا استفزني كتير هاد الكلام وحسيت بالإهانة ورحت بدافع الانتقام بحثت في ماضيها واكتشفت كل علاقاتها ورسلتلو رسالة فيها كل الحقائق من رقم مجهول فقام هو ضربها وبهدلها واجا لعندي مهموم وقالي سامحيني انا دفعت ثمن اللي عملتو فيكي وانا لاني عمري ما آذيت حد ما قدرت استحمل واعترفت له اني انا من بعثت الرسالة وقلت لو انو كل اللي فيها كذب وافتراء مع انو كان حقيقي..وبعدها تركتو وحلفت اني ما اكلمه ثاني..الآن مرت سنتين هو رجع مراتو وانا ماقدرت اتخلص من عقدة الذنب..اريد ان اطلب منها السماح ومش قادرة اواجهها واحيانا اقول انو مالازم ادخل بحياتها وانو الابتعاد هو الحل الأمثل في نفس الوقت خايفة ما تكون سامحتني وانو قدام رب العالمين أنا مذنبة..مذنبة لاني تبعت الشيطان وانتقمت من الشخص الخطأ