تركني بعدما علق قلبي وخطب غيري

حبيت واحد قريبي وهو اللي كان بيحاول يقرب مني وكان بيحاول معايا بانه يشغلي تفكيره واهتم بيه ولثقتي فيه على اعتبار انه اخ ليا قبل مايكون صديق او حبيب قربت منه وحبيته جداااااااااااااا وكان في كلام بينا غير مباشر عن الارتباط الرسمي لما ينزل من السفر لانه كان مسافر وفجأة قالي انا حاسس انك اتعلقتي بيا جامد واتعودتي عليا وانا بعتبرك زي اختي وصديقتي وان في اسباب كتير تمنع ارتباطنا ونزل من السفر وخطب واحدة مايعرفهاش واحتمال كبير انه يسيبها لان الاهل مش اتفقوا المشكلة بقى هنا انا مصدومة انه كان بيحاول معايا وبعد ما قربت منه سابني وخطب غيري وانا ماقدرتش اعرف ايه الاسباب اللي خلته اتصرف كده غير سبب واحد خمنته ان اخوه من 9 سنين كان بيحبني وعايز يخطبني وانا رفضت علشان كنت صغيره واخوه اتجوز ومعاه بنتين والموضوع اتنسى فلو كان هو ده السبب طيب ما كان هو عارف من الاول الامر ده ليه علقني بيه للدرجة دي وبعدين سابني انا عمري ما حبيت حد لاني مش بثق في حد ده الوحيد اللي ارتحت ليه وحبيته وهو طلع شبهي اوي في اسلوبه وطريقته نفس كل حاجة فيا قربني منه اوي للدرجة اني بقيت بعشقه دلوقتي انا مش عارفة اتصرف ازاي او اعمل ايه كل اللي واثقة منه انه كان بيحبني قربه مني وغيرته عليا الجامدة وطريقته معايا واحساسه العالي اللي كان بيوصلني انه فعلا بيحبني ولما خد قرار انه يخطب حد غيري كان حزين من جواه انا مش سألته بس حسيته كده وواثقة انه مازال بيحبني وما زال بيعاني من بعدي عنه وانا قررت اني ابعد عنه بس مش قادرة انساه انساه ازاي وهو حته مني نفسي اعرف ليه عمل كده وليه اتصرف كده وليه قرر انا يتعامل كده وكانه مجبر وليه وليه وليه وانا ذنبي ايه في كل ده