رفضوا أهله زواجنا لأننا من قبائل مختلفة

انا احب لي شاب وهو كمان يحبني موت وكلم اهله انه بيتقدم لي لكن رفضوا اهله بسبب انه انا من قبيله وهو من قبيله وسببوا له اهله مشاكل دامت مدتها ٤ شهور كل يوم يهاوشونه يبغونه ياخذ من بنات خواله وهو رافض يبغاني وقال لاهله انه اذا ما خليتوني اخذها ما راح اتزوج ابداً واهله قالوا له هي مستحييييل تتزوجها خذ من بنات خوالك المهم يقولي مره من المرات كنا كلنا متجمعين اهلي وخوالي ويقنعوني بالزواج وانا رافض يقول وتكلم ابوي قال اسمع اذا ماتزوجت انا مو راضي عليك ابداً يقول سكتت مدري شقول بعدين قلت لابوي تم وراحوا وخلوني اخطب بنت خالي واخذتها عشان ارضي اهلي ويقولي انه يحبني ويموت فيني ويقول راح ياخذني الزوجه الثانيه يقولي انا ما اتخيلك لغيري لكن الحين بعد زواجه صاير ما يهتم فيني مثله قبل هو له شهر ونص متزوج وزوجته عشان الدراسه تركها عند اهلها بمدينه وهو دوامه في مدينه ثانيه واذا جاء الليل يجلس يراسل زوجته وانا لا مهملني ومره من المرات كنت طالبته من العصر انه بعد العشاء يجلس معي وقالي ابشري راح اجلس معك والله بالنهايه بعد العشاء ارسلت له زوجته وجلس مع زوجته وطنشني وانا ارسل عليه ساحب علي ولما جات الساعه ١٢ رد علي وقال انا بنام ياحبي ومباشره سواء لي بلوك بالواتس جلست ثلاث ايام وهو مسوي لي بلوك بعده فك عني البلوك ويقول انه يحبني وانه حاس فيني يوم مهملني كذا ويقولي لا تزعلي مني وان شاء الله اذا ربي كاتب لنا نصيب راح نتزوج بعض بس انا اللي قاهرني يقول انه مشغول وانا اغلب وقته اشوفه متصل في الواتس بس انا ما يرسلي ولا يهتم فيني وهو بعد يومين كذا يرد علي ويحلف انه لسى يحبني وان حبه لي ماتغير لكنه مشغول وانا الحين مدري ايش اسوي ابغى استشارتكم