بعد حب 4 سنوات علاقتنا تدهورت والسبب ..

سلام عليكم انا محتاجة مساعدتكم انا بحب شخص من 4 سنوات وكان معايا كويس جدا وحصلت ظروف كتير ومشاكل كانت خارجة عن ارادتنا وكنا نسيب بعض ونرجع وانا عارفة انه بحبني وخاصة ان لما بيحصل بينا اي مشكلة بنرجع مش بنقدر نبعد المشكلة ان ظروفه صعبة جدا وانا وعدته ان حستناه وكان ليا مواقف كتير كويس معاه وعشان كده هو متمسك بيا وخصوصا ان من حوالي سنتين تقريبا اكتشفت انه بيكلم واحدة غيري وكان بيكلم واحدة كان بيحبها قبل ما يعرفني او بمعني اصح هي اللي كانت بتشغله بعد ما سبته واتجوزت وهي دلوقتي متزوجة وعندها طفلين ولسه بتكلموا وسببت في مشاكل كتير بينا وكل مرة نتخانق ونتصالح بس اللي لاحظته ان لما هي رجعت تكلمه من فترة بدأ يتغير عليا رغم انه متأكد انه ما ينفعش يبقي ليها وكنا بنتخانق بسببها عشان كانت بتوقع بينا ونرجع نتصالح وكان ديما يقولي انه ما يقدرش يبعد عني واهله معايا لانهم مش عاجبهم علاقته بالبنت دي لانها متزوجة ولانها هي اللي سبته واذيته وبيحبوني وبيدافعوا عني وهو لما حد من اهله يسأله عليا يقولهم ان انا اللي بحبها وعاوزها وينكر انه بيكلم البنت التانية ولما يتصلوا بيها عشان تبعد تقول انه هو بيجري وراه وتعقد تشتم فيه بس انا باحاول معاه كتير انه يرجع زي الاول يبدا يبقي كويس معايا شوية وبعدين يتغير ويقولي علي طول الظروف ونفسيته تعبانة وبدأ يكدب عليا ونتخانق ونتصالح وكل مرة اقول انا حاصبر لحد ما يرجع زي الاول بس مش عارفة اعمل ايه ممكن تساعدوني عشان اخليه يبقي معايا زي الاول وابعد البنت دي عنه