غلطته كانت خيانة و اغلاطي كانت سخيفة !

انا تعبانة نفسيا جدا .. عم بحس بفراغ كبير بعد ما كان حبيبي مالي وقتي كامل ل 3 سنين هلا تركني والي 7 شهور بحاول اتجاوز هاي المرحلة بس مو قادرة هو كان كل شي بالنسبة الي وما كان يخليني احتاج حدا او شي ما كنت حتى قريبة من اهلي ولا قادرة هلا اكون .. ليش هيك الناس شو ما بتعمل عشانهم بسرعة بينكروا كل شي.. وانه كيف حدا بيقدر ينسى حبه وعشرته.. بيحكي لاني غلطت بحقه كتير .. وهو غلط بس غلطة وحدة بس هاي الغلطة كانت خيانة وغلطاتي كانت كلها قصص سخيفة رفعت صوتي لبست شي ما عجبه من هالقصص.. وهو خاني ل 3 شهور 3 شهور وانا بحاول ارجعه بأي طريقة الله بيعلم شو قاسيت فيهم وعانيت وشو سمعت منه كلام وبهدلة وضرب 3 شهور تدمرت صحتي ونفسيتي نحفت فيهم 15 كيلو .. لحتى صحي على حاله ورجعلي وحكى انه ما كان واعي للي بصير وانا سامحته اصلا انا كنت بدي ياه ما كان هامني.. وبالآخر شو باعني عشان موقف صغير.. انا بعرف انه الي ببيع مرة رح يبيع كتير بس كنت دايما اقنع حالي بغير هيك.. وكل مرة بقنع حالي انه الي بحب حب صادق هدا الحب بعيش معه للأبد .. وبرضو حكي فاضي بيطلع.. لانه حب مش صادق.. لانه انا فعلا حبيته من قلبي لهلا ما عم بتمر ساعة ما افكر فيه ما عم بسجد سجدة الا بطلب من الله يجمعني فيه.. ما عم بتخيل حياتي مع غيره.. بس هلا تعبانة اكتر من اول مع انه المفروض اني اتجاوز هالمرحلة بس تعبانة لانه انخذلت ولانه بنكتشف انه الحياة ما فيها شي بيستاهل.. وانه الناس صارت بلا ضمير...... بكره كل شي وبجد متمنية اموت