انا واقعة بين الأخوان

مشكلتي بدات من شهور ، ما اعرف كيف ابدأ ، من سنين انا و اكبر اولاد عمتي كنا في علاقة نتكلم و كذا لمن كنا في سن المراهقة و بعدها لمن كبرنا و عرفنا الي بنسويه غلط و كنت احبه في ذيك الفترة بجنون قررت انني انفصل عنه و انفصلنا ل٣ سنوات او اكثر و كل واحد فينا عايش حياته ، و قبل ٥ اشهر تقريباً كنت في مطعم مع بنات عمتي و كان معاهم اخوه الي اصغر منه و اخواته الاثنين قامو و راحو الى دورة المياة و كنت جالسة معاه في الطاولة هو بطرف وانا بطرف وقرب مني و اعترف لي انه يحبني من سنين و يبغا يخطبني طبعاً انا انشليت و قتها و ما قدرت ارد و هو قالي انه مو مستعجل في الرد ، كنت في صدمة الى ان رجعت البيت ووقتها جلست افكر كيف اني اخبره برفضي و السبب الرئيس لرفضي كان اني كنت احب اخوه الكبير و كنا نكلم بعض فكيف اني اجي دحين و اتزوج منه بغض النظر على انه اصغر مني سناً و انا ما قد فكرت فيه اكثر من انه واحد من عيلتي لاننا اتربنا سوا ، اتشجعت و ارسلت له رسالة واتس اني ما اقدر ابادله المشاعر و بحماقتي و عشان ابغاه يطلعني من راسه نهائي قلت له اني كنت في علاقة من قبل من غير ما اقوله انه اخوه لاني ما حبيت اني اسوي مشاكل ، بس للاسف كان مصر جداً و ما اقتنع بالاسباب الي رفضته عشانها و قلي انه اول ما يتخرج بيجي يخطبني رسمي وبعدها ان ارفضه رسمي .... طبعاً الموضوع عيشني في رعب و تعاسة لي اسابيع لدرجة اني كنت احلم بكوابيس و احياناً ما كنت اقدر اتنفس وانا صاحيه ، و من سوء الحظ بعدها بأسبوعين كل العيلة سافرنا مع بعض وكان متواجد فيها ، فكان كل ما مر من جنبي سمعني كم كلمة غزل و كان الموضوع زاعجني جداً ، فقررت اني ارسل له رسالة ثانية و لازم هاذي المرة اقنعها بانه ينساني و يخرجني من راسه ، كلمته واتس وكانت نهاية نقاشنا انو ماراح يتخلى عن فكرة انو يخطبني الا اذا احد خطبني قبله و اتزوجته و راح يوقف يزعجني ، و عند هذا الحد انتها الموضوع و حسيت اني ارتحت من الهم الي كنت حاسه فيه لاني حسيت انه اقتنع اني ما راح اقبل فيه بسبب اني مو مستعدة لزواج ... و بعد شهر بضبط من ذاك اليوم اخوه الكبير ارسلي انو في موضوع مهم يبغا يكلمني فيه و لمن اتكلمنا قلي انه خلال الفترة الي انفصلنا فيها حس بانه يحبني و يبغا يخطبني بس بعد سنة .... انصدمت للمرة الثانية و كانت هذي الصدمة اشد من الاولى .. ما عرفت كيف اتصرف وله ايش اقول ،ما رديت عليه لا بالقوبل وله بالرفض لاني ما كنت و مازلت ما اعرف ايش هيا مشاعري بالضبط و عشان الي صار من اخوه الصغير و في النهاية قلت له لمن تعدي السنة تعالي اتقدم رسمي و ان حصل فيه نصيب الي ربي كاتبه راح يصير ، و في خلال هذي الفترة لا تكلمني نهائياً . وفعلاً هذا الي صار ، و في الفترة الي بعدها كان يشغل بالي بين كل فترة و فتره انو هل اقوله على انو اخوه الصغير قالي انه يبغا يخطبني قبله او لا ، ما كنت حابه اني اعمل مشاكل بين اخوان بسببي ... كان الموضوع يسهرني ليالي و بعد تفكير طويل ما اطلع باي نتيجة. *و قبل يومين جاني الاخ الكبير يقولي في موضوع شاغلني و حسيت اني لازم اقولك عليه ، ولمن قلي عليه انصدمت للمرة الثالثة لمن قال لي ان اخوه الصغير قال له انو يبغا يخطبني و هوا ما عرف ايش يقول له فقاله يكلم امه ...