اكتشفت أن حبيبي غير حقيقي ماذا افعل

قبل سنتين دخل حياتي شخص غريب بدأ الموضوع بكلمة تطورت إلى حديث ثم إلى تعلق لين وصلنا لمرحلة الحب كنت أعيش معه تفاصيل صغيرة وكبيرة نخطط نحلم نضحك كنت أحس إن أخيرا لقيت الإنسان اللي يخليني أحس بالأمان كان يرسل لي صور رجل وسيم أبيض البشرة رياضي الجسم وكل ما سألته عن حياته كان جوابه حاضر أنا من الدولة الفلانية وأشتغل كذا وأهلي كذا وكل التفاصيل كانت تطابق الصورة المثالية اللي رسمتها في خيالي

سنتين وأنا أعيش في وهم جميل أو يمكن كنت أصدق الكذبة لأني كنت أحتاج أصدقها لين جاء اليوم اللي تغير فيه كل شيء اكتشفت إن الصور مو له لا هو أبيض ولا رياضي ولا حتى من الدولة اللي قال عنها طلع من جنسية ثانية ووجهه الحقيقي ما يشبه أي شيئ شفته منه كل شيئ كان كذب اسمه صورته حياته وحتى صوته تغير لما عرف إني عرفت الحقيقة

اكتشفت أن حبيبي غير حقيقي واجهته وكان رده جارح أكثر من الكذب نفسه قال لي أنت تحبين الشكل مو القلب لا أنا ما حبيت الشكل أنا حبيت الإنسان اللي كنت أظنه صادق الحين أنا جالسة وسط مشاعر مؤلمة خذلان صدمة وحدة أهلي مسافرين وما عندي أحد أقدر أتكلم معه أبي أحد يقول لي وش تسوين لما يتحول شخص تحبينه إلى شخص ما تعرفينه كيف تتجاوزين كذبة دامت سنتين تعبت وودي أرتاح