هجرتها 3 سنوات كي تنساني ولكن بلا فائدة

مشكلتي اني كنت احب وحده مدة خمس سنين وكنا كثير متفقين مع بعض والحمدلله ما صار شيء بيننا يغضب ربنا حتى لما كنت اشوفها عمري ما كنت المس حتى يدها خوف من الله وان ربنا يوفقنا بزواجنا بعد كذا تقدمت لها لكن ابوها رفض لانه هي من قبيله وانا من قبيله ثانيه وهي قالت ان ابوها مستحيل يوافق علي فقلت لها دام مافي نصيب خلينا نفترق لانه غلط اللي نحنا نسويه قالت لي مش مشكله حتى لو مافي نصيب يكفي انك تكون لي حبيب ونبقى نحب ونتواصل مع بعض حتى لو بدون زواج وانا احبها كثير لكن فكرت بعقلي انه وش رح تكون نهاية العلاقه نجلس نحب بعض وبعدين الى متى راح يجي يوم وراح نفترق ابعد الحين عنها واتعذب ولا انتظر اجلس معها ويكبر الحب اكثر اكثر ويصير الجرح اكبر دام علاقتنا محكوم عليها بالفراق في النهايه ولان البنت رافضه تتزوج اي احد غيري قلت ابعد عنها عشان تنساني قررت اني اهجرها وتركتها 3 سنين وخلال هذي السنين هي جلست ترسل وتتصل علي كل اسبوع تقريبا وانا ما ارد واقرا رسايلها واتقطع من داخلي عليها لكن قلت بنفسي ان هذا هو الصح الان انا عمري 32 سنه وهي عمرها 30 سنه ومن رسايلها هي تقول انها تعرف انها مش راح تقدر تتزوجني ولكني ماراح اتزوج غيرك وكل سنه خلال 3 سنين من تركتها ترسل لي بيوم ميلادي كيكه لمكان شغليانا ما اقدر اغير رقم هاتفي لأنه قديم معي وكل شغلي عليه قبل اسبوعين انا خطبت بنت ثانيه قلت اتصل عليها اقولها اني خطبت لعلها بس تعرف تفقد الامل وتشوف حياتها قلت لها اني خطبت بنت ثانيه بكت البنت وقالت انها فرحانه لي وانها مبسوطه اني راح اتزوج وتقولي احلفك تسمي اول بنت لك على اسمي عشان تتذكرني قفلت الخط منها بعد شوي لقيتها محوله لحسابي البنكي 20 الف ريال سعودي اتصلت عليها قلت لها وش هذا قالت هذي هديه زواجك منها رجعت لها الفلوس قلت لها ارجوك انسيني خلينا نقدر نعيش حياتنا لا تصعبين علي الموقف اكثر يكفي اللي انا فيه قالت لي اطلبك طلب اعتبرني صديقتك او اختك انا ما ابي منك شيء كل اللي ابيه انه كل فترة بتصل عليك رد علي اطمن عليك قلت لها ما اقدر انا صحيح احترمك ولك تقدير بقلبي ولكن ما ابي اكون انسان خاين للبنت اللي راح ارتبط فيها قالت انا مش راح انساك وراح اظل اتصل واطمن عليك كل فتره ورجعت حولت لحسابي الفلوس وتحلفني اني ما ارجعها هذي هديتها لزواجي تقولي صحيح انه ربي ما كتب بيننا نصيب لكن هذا ما يمنع انه نحب بعض النصيب شيء والحب شيء ثاني وانا حبيتك وخلاصانا ماني عارف وش اسوي معها حتى لو خاطرت وغيرت رقم جوالي هي تعرف كل شيء عني وتعرف حتى وين بيتنا وممكن تسوي اي شيء بس عشان توصل لي هجرتها 3 سنين وبدون فايده انا بقلبي احبها ولكن ما قلت لها عشان ما تزيد تعلقها فيني ولانه مكتوب انه ما بيننا نصيب