هو الأول بحياتي لكن أهله أجبروه على الزواج بغيري

انا من ٦ شهور اتعرفت ع شاب من شغلي كان موظف في بنك بتعامل معاه في شغلي من اول مره شافني من اربع سنين ونظرة عينه بتتعلق بعيوني ورغم زياراتي للبنك كانت ع فترات متبعده نظرته ماتغيرتش وقرر يكلمني من 6 شهور بس انا اكبر منه ب 8 سنين وصارحته من اول مره بسني وهو قالي مش مهم وحبني وخلاني حبيته انا عمري 38 سنه وعمري ماقولت حب لاي راجل غيره هو المشكله ان اهله طالبوه يتجوز بنت خاله وحاول معاهم كتير هددوه وهو ابوه متوفي واكبر اخواته ومسئول عنهم وللاسف كتب كتابه . انا بدعي ربي قادر يبدل الحال بس حاسه اني مش هقدر اكرر التجربه تاني ولا حتي اتجوز لاني مش هقدر اقول للي هتجوزه بعد كده ولا اكدب عليه انه اول راجل لاني خرجت مع حبيبي ومسك ايدي ودي كانت اول مره اعملها انا ندمت واستغفرت ربنا .مش عارفه اعمل ايه دي غير وجعي انا عارفه انه ربنا قادر يخفف عني مع الايام بس ضميري بينأبني ناحية اهلي او اني اتجوز حد واخدعه. ساعدوني