هل هذه مجرد أوهام أم أنه بالفعل لم يعد يحبني؟

مرحبا ، يعطيكم العافية .. أنا بنت حبيت شب من سنتين تقريباً ، وصرلي بعرفو 3 سنين ، متفاهمين جداً ، وما في بيناتنا غير كل خير ، بالسنتين هدول طلعت معو بس مرتين ، والطلعتين ما بتجاوزوا الساعة ، وأكيد ع أماكن عامة ، طبعاً هو ساكن بمدينة وأنا بمدينة وبعاد عن بعض وكان يجي لعندي حتى يشوفني ، بنحكي مع بعض مسجات كل يوم ، مستحيل يمُر يوم بدون ما يبعتلي ، وتلفونات تقريباً كل أسبوع ، هلأ المشكلة إني من حوالي شهر صرت أحسّه بتغيّر ، بكتير شغلات ، وأصير أعمل مقارنة بين زمان وهلأ ، يعني مرات بكون زعلانة وما بهتم ، أو بس يبعتلي بيحكي كلمتين وبختفي! ، بقنع حالي إني بتوهّم وإنه ممكن يكون فعلاً مشغول ، حكيتله مرتين هالحكي الأولى حكالي مشاكل مع أهلي ، والمرة التانية حكالي بعدت عشان دراستك ، مو قادرة أبعد التفكير اللي أكلني وسؤال ليش هيك صار عن راسي ، لدرجة إني بفكر نترك ، وحكيتله هالحكي بس ما رضي ، ووعدني إنه يرجع كل إشي متل ما كان بس هو بقول إنه ما في إشي متغير ، إنه معقول كل هاي توهمات ، ولو كان جد متغير شو ممكن أعمل!! آسفة طوّلت ، وبالنسبة للناس اللي راح تحكيلي لو بحبك بيجي بطلبك ، ما في أي مجال للزواج حالياً ولا بأي شكل من الأشكال ، والتأخير من عندي.