قبلت أن أكون زوجة ثانية ولكنه تركني بحجة أهله

السلام عليكم مشكلتي تعرفت ع شخص وتقرب مني كصديق وهو مزوج وعندة طفلين شوي شوي بلش يتقرب اكثر وطلب مني تكون علاقتنة اكثر من صداقة وظل يطلب هل الشي حاولت اكثر من مرة ارفض كون مااحب ادمر بيت غيري بس بتاثير كلامة ولان تعلقت بي قبلت بطلبة مااعرف شلون صار هيج فجاءة وبقينة ع علاقة 3 اشهر الى ان يوم وعرفت زوجتة بعلاقتنة وتعاركت ويا وتصالحوا بس بشرط انو يتركني وفعلا ابتعد اسبوع وبعدهة رجع يتواصل وياي بس بشكل قليل وبحذر اكثر خوفا من زوجتة ورجعت علاقتنة بس هو حسيتة تغير سلبياتة زادت ومع ذلك رجعت قابلة وراضية بيهن من كثر ما حبيتة وكل مااسالة ليش هيج تغيرت يتحجج بالظروف او بالشغل الى ان اجة يوم ودزلي رسالة صارحني انو ما يكدر يتزوجني بسبب ظروفة المالية وكذلك انو تزيد مشاكلة ويا عائلتة وهو ما يريد يخسر لا زوجتة ولا اولادة انقهرت كلش لان جنت قابلة اكون زوجة ثانية ولا ردت باي لحظة يترك عائلتة وقبلت بكل شي مع العلم اني ما ناقصني شي وهو اول حب بحياتي ولا هو مقصر عن عائلتة بشي ..طولتهة عليكم المهم هسة مااعرف شسوي ما كاعد اكدر ابتعد عنة واليعذبني انو هو من بداية يعرف هذا وضعة ليش تقرب مني وبالاخير تركني مااعرف