يطلب من ابنة عمي الكفيفة الزواج سراً، ساعدوني في إنقاذها

ياجماعه دي مش مشكلتي دي مشكله بنت عمي الكفيفه ...... فيدوني لو سمحتم اولا .. انا مصريه بسافر السعوديه ممرضه .. المشكله هي .... انا عندي بنت عمي كانت متجوزه ومعاها بنت وهي كانت بتشوف عادي كان نظرها ضعيف شويه بس عادي يعني المهم هي كانت بتحب واحد اكبر منها بسنه من ايام الثانوي بس اللي حصل ان الظروف ماجمعتهمش والنصيب فرقهم المهم هي ماكملتش مع زوجها لكثره المشاكل واطلقت بعد 4 سنين وحاولت ترجع لحبها القديم بس طبعا بسبب العقليه الشرقيه اللي بتظلم المطلقه مارضاش يرجع رغم انه لسه بيحبها هو عنده 25سنه وهي 24 سنه المهم ان هي كان عندها نظرها بيضعف بسبب النفسيه وبسبب الشبكيه ودلوقت شبه كفيفه وطبعا انا طول ماانا ف مصر انا اللي ماشيه بيها يعني عينها اللي بتشوف بيها وعارفه قد ايه هي اتعذبت ف حياتها احنا بنات عم وحاده معندناش اخوات فهي كانت ديما اخت ليا والعكس . وانا ف مصر فقررت ان اعرف حبيبها ده بظروفها وبالحاله اللي وصلت ليها وانها مش بتشوف فطبعا اتفاجأ جدا الحقيقه حتى مكنش مصدقني فطلب انه يقابلها فقولتلها ففرحت جدا .. فاتفقت اننا نتقابل ف كافيه فوصلتها للمكان وقعدت شويه معاهم وطبعا هو الحقيقه كان مصدوم جدا صعب عليا مانطقش كلمه حسيت انه هيعيط فقومت بعيد شويه اسيبهم لوحدهم المهم انا قعدت ابص عليهم من بعيد هي طبعا مش عارفه تتكلم وهو كلامه كان شويه صعبت عليا والحاله اللي وصلت بيها المهم هي طلبت تمشي فاخدتها ووقفتها ف حته وروحت اكلمه هو طلب انه يجوزها بس ف السر ع سنه الله ورسوله عشان هو دلوقت ظابط واهله عايزين يفرحو بيه ومستعد انه يعمل اي حاجه عشانها بس مايعرفش حد بالجواز غير لما يلاقي الوقت المناسب المهم انا جه معاد سفري واتفقنا لما انزل اجازه هقولها بس انا مش عارفه انه ده صح او غلط وهو عايزها ومعاها بنتها ومستعد يتكفل بيها كليا ويجيبلها شغاله ف المنزل ماشاء الله هو مقتدر وهو طبعا هيعرف اهلها بس اهله لا ايه العمل .....