زوجي مجنون عمليات تجميل

أنا بنت جميلة.. اي مناسبة اروح لها كل الناس يطالعون فيني الفت نظر الجميع والعيون عليٌ سواء كنت بعزيمة او عرس. ولما اروح لمكان او تجمعات تبدء تجي المكالمات خطاب يطلبوني من اهلي .. وبعد فترة تقدم لي واحد حسيت انه الرجل المناسب لي والحمدالله تزوجت. لكن مع الايام لاحظت ان زوجي مو مقتنع بشكل ولاعمره عبر لي عن جمالي وبدء يطلب مني اشياء ماخطر في بالي اني ابسويها .. لاني بقرارة نفسي عارفه اني مااحتاج مثل كذا!! أول طلب كان في خشمي! يقول فيه عظمة زايدة وصار يطلب مني اروح لطبيب التجميل واشيل العظمة، رحت للدكتور وترجيته يشيل العظمة وسواها لي وماكنت مقتنعه فيها لا انا ولا الدكتور ! ومن وجهة نظري كنت اول احلى! وبعدها قام يطالع في شفايفي قال أنا احب الشفايف المليانه ،ورحت للطبيب وعبا لي ياها وصرت أراجوز ،وحوّل على جسمي أردافك كبيره اشفطيها ،صدرك متهدل شدّيه!المشكله لاشكلي القديم عاجبه ولا الجديد !دخلني في دائرة ماأعرف كيف أطلع منها ،فقدت الثقه في نفسي وفيه !ساعدوني وقولوا لي ايش أسوي ،أنتظر آرائكم.