السؤال

M&O
قبل 9 شهر (18 اجابه)
18 اجابه

كيف اتخلص من الشك في زوجي ؟

السلام عليكم انا متجوزة من 4 سنين وعندي بنت 3 سنين بحب جوزي اوي وهو كمان كان بتحبني اوى أو كان بيقولي كدة   حتى عملنا حاجات كتير اوى عشان اهلنا يرضو نتخطب واحنا بندرس ..   سافر بعد خطوبتنا بسنه وانا اتخرجت واتجوزنا وسافر بعد الفرح ب 25 يوم شفت معامله وحشه اوى اوى من اهله مكنتش  بقوله ولا ببين حاجه لأهلي وبعدين اكتشفت انى حامل وسافرتله  وعدنا ف نفس البلد مع اكتر واحدة من إخوانه بتضايقني أو كانت بتضايقني لحد ما اكتشفت انها مبتحبش حتى نفسها منفسه على كل الناس فبتعامل معاها على أنها مش موجودة عمري ماضايقته ولا قلتله اختك إلا اهلك مع انهم كانو بيقوموه عليا حسيت انى عملت حسابه  وطنشت لحد ما بقا حق مكتسب ليهم انهم يضايقوني ولا اسكت وصلت لمرحله انى عملت طيبه ومش واخده بالي علشان بحبه لحد مابقت مش من حقي اعترض ولا أتضايق طبعا انا اللى غلطانه عارفه  بس المهم انى تعايشت وقلت المهم هو  طالما بتحبني وبيخاف عليا ومش بيضايقني.من فترة  اتغير اوى مش عاجبه اى حاجه بعملها حتى العلاقه...كانت مش زى العادي استغربت بس اخر ماتوقعت انى الاقيه على علاقه بواحدة تانيه اتصدمت صدمه عمري لانى عمري مافكرت ادور وراه ولا شكيت ثانيه فيه هو عينه زايغه زى اى راجل بيبص لو شاف واحدة مش تمام ودة عادى عندي  بس انه يعرف واحدة ويكلمها ويفكر فيها لدرجه انه يعورني على عيوب ومبقاش شايفني مهما اعمله كانت واحدة  ومتجوزة لنا دورت على الفيس بوك لقيت صورها عاديه جدا حلوة يعنى  لكن مش فارقه عني انا كل الناس بتقولي انتى حلوة ومش باين عليكي جواز ولا خلفه يابخت جوزك بيكي اكتر كلمه بيوجعني لأن جوزى مبقاش شايفني كدة انا مش جميله يعني بس حلوة عاديه أو خليني اقول زى ماكنت قبل ما نتخطب ونتجوز متغيرتش لسا نفس البنت اللى كان بيتغزل فيها ويقول بيحبها المهم انى اكتشفت انى عاقله زيادة عن اللزوم اتعاملت مع الموضوع بمنتهى العقل لبست والشبكات وعملت شعري وعشيته ونامت البنت وقلتله بهدووووء ا نا عارفه كل حاجه ومحادثاتكو كلها عندي سكرين شوت وأنه انا مش مسامحه والطريق دة آخره وحش خصوصا انها متجوزة ده حتى كان فى رجاله بتتعرضلي ببصات غريبه ويبعتولي رقم موبايلهم وانا استغرب عمر ماحد عمل كدة وبعدين فهمت انه ربنا بيخلص منه تعديه على حرمه رجل تاني اتاسفلي وقالي ورحمه امي ماهعمل كدة تاني غصب عني قلتله مسامحاك بس من جوايا كنت معدياها وخلاص لكن مش مسامحه.وتانى مبحبش النكد فضلت ساكته ومبفتحش معاه موضوع المفروض انه اتقفل بس كان بيجيلي كوابيس بخصوص الموضوع ده بتحسسني انى عاوزة اقتلهفقلت هعمله اختبار صغير اتأكد عملت اميل باسمها وقلتله على لسانها انا هتطلق ومحتاجه اتكلم مع حد وخفت اطلبك عشان مراتك لو ينفع كلمني رد على الاميل وقالها مراتي شافت الواتس اب اللى بيننا ابعتيلي رقمك وانا اكلمك من رقم تانى ساعتها حسيت انى دايما براهن ع الخسران وانى فعلا لازم اتطلق وواجهته قالي انا مقدرش اعيش من غيرك انا اسف الإنسان ضعيف سامحيني وانا مش هعمل كدة ابدا وحياه بنتنا وبرضو زى الغبيه عشان انا ضعيفه سامحته بس من جوايا بقيت بشك ف اتفه حاجه بيعملها نفسيا اتدمرت مرتين اتنين يحصلي حاله اغماء بدون سبب وأول مايفوقني احس انى عادي مش تعبانه ولا ضغطي تعبان عادي كنت مستغربه اوى وخايغه وبعدين فهمت انه ده نفسي مش حاجه عضوية تخوف وف يوم وانا بنام فجأه نفسي راح وايدي ورجلي وقفو ولساني تقل مش قادرة اتكلم روحي كأنها بتطلع هو ف الاول كان فاكرني بمثل علشان الفت نظره وبعد شويه اتأكد من شكلي انى مش بمثل واتخض عليا اوى انا حسه انى بموت بالبطيء لا عارفه اسامح ولا عارفه أفضل معاه وانا شكاكه كدة مبعرفش اعيش وانا بشك فيه  33 لو رد ع الموبايل بره البيت اقول بيكلم واحدة واخد الرقم من وراه اتصل بيه اشوف مين هيرد ..  وارجع ازعل انى ظلمته ..  وحاجة تعد تفكرني انه كان بيعاملك وحش ويعد يكلمها ويهزر معاها وهى خاينه لجوزها متستاهلش  لو انتى اللى عملتي كدة كان هيقول عنك خاينه ويطلق من غير ما يفكر وانتى استحملني عشانه كتير وهو بردو خانك.انا تعبت اعمل ايه عشان ابطل شك فيه خصوصا انه اتغير جدا عن زمان دايما عصبي من الشغل  ومتضايق بييجي يسكت بسمع من مشاكل شغله من بره اقوله فضفضلي معايا عشان ترتاح  أو حتى لما تيجي البيت انسا قرف الشغل ما انت كدة كدة راجعه بكرة افصل مخك شويه واحاول تتبسط معايا انا والبنت احنا بنتنا جميله ومسليه اوى ماشاء الله وهو ابدا لدرجه انى بقالي فتره بكتبله اللى عاوزة اقوله وانا عارفه انه مش هيقراه بفضفض على الورق كانى مش عايشه مع ناسوكمان مبقاش مواظب ع الصلاه بزقه عشان يصلي وهو مكنش كدة  مبقاش ف ايدي غير انى ادعيله ساعات بقوله قله الصلاه هى اللى عملتلك مشاكل ف الشغل ومضيفه رزقنا انا فعلا مش عارفه اعمل ايه انا مش هقدر اتطلق منه انا لو سبته هموت يارب يكون عندك وحل للى انا فيه دة انا بموت بالبطيء انا حتى خايفه اخلف منه تاني خايفه ييجي يوم ونبقى حمل تقيل عليه وانا احساسي انى تقيله عليه ومش قلبني ممكن يموتني ارجوكم ابعتولي حل يريحني حتى لو كانت دعوة لله انى يهديهولي نفسي احس انى اللى بكتبه وأخرجه من جوايا حد غيري بيسمعه.

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

سيدتي قصتك محزنة، ولكن هو كذلك، سيبقى يراهق، هو ليس رجل مسؤولية وعائلة. وضعفك الشدي جعله يتمادى. لاحل أمامك إلا بالمطالبة في حقك بحياة زوجيه عادلة. فلماذا القبول بأقل من ذلك. أنت متعلمة وأمامك فرص للتطور والارتقاء، وهذه الحالة هو عبارة عن وقت يضيع منك لم تستعمليه في تطوير نفسك ومهنتك. نصيحة لاتنجبي الآن. فكري استراتيجيا في مستقبلك وكأنك لست متزوجة، ماذا ستفعلين؟ بالتوفيق سيدتي

سيدتي العزيزة ساقتبس بعض من عباراتك قلت انه تغير واي حاجة منك لا تعجبه حتى في الفراش وعزيتيها الى العلاقة ركزي هنا معي. ربما هو تعلم اشياء جديدة في الحياة والعلاقة ويرغب ان تتعلميها. ربما توجيهات لك في ادارة البيت او المصروف او الفراش ادركها وهو في موقف قوة استطاع ان ينتقدها فعليك الرجوع اليها والتفكر بها لانه قد تكون ضرورة في تقوية العلاقة وتنبيهك على مواطن الضعف لديك ليس من العيب ان يستمر الانسان بالتعلم ،،، النقطة الثانية مقتبسة منك انت قلت انك لست جميلة ولكن حلوة او على الاقل كما كنت في بداية العلاقة اريدك ان تقولي انك جميلة وتشعري انك جميلة وتظهري مواطن الجمال لديك وتكرري لنفسك دوما كم انت جميلة وتحمسي لاي شيء يزيد جمالك وبدون خجل ،، فكم من عادية جدا ولكنها تصدق نفسها جميلة جدا ويراها الناس فعلا جميلة جدا وهكذا سيرى الناس وزوجك صورتك على ما تري انت نفسك هذه حقيقة علمية نفسية ،،، وستري وادعيلي الرجل صعب ان يرفض امراة تتمسح به فكيف اذا امراة اظهرت احتياجها له كما ورد في ايميلك وهو يظن انه ان حدثها واستمع لحاجتها لن تعتبر خيانة وانما واجب عليه مقابل علاقة قديمة. او على الاقل لحظة ضعف،، اذن زوجك يحب من تحتاجه وتطلب منه حمايتها وانت لم تطلبي منه شيئا خوفا على حبكما من المشاكل وتحملت وحدك وهذا ما زاد المك لانك تحملت وضحيت وفي نفس الوقت لم تشغليه بك. احيانا يحتاج الرجل ان تشغليه بك وبطلباتك وحاجاتك حتى لا يجد وقتا للعبثواللعب. لذلك لديك الفرصة الان بما انك مع اخته التي تضايقك واجهيها ولا تسكتي ولاتهدري قيمتك من اجل اي انسان وبنفس الوقت اطلبي مساعدته ونصحه ووقوفه الى جانبك والتعاطف معك،،،، لا تقبلي ان تكوني في دور المضحية دوما والمتعاطفة مع عصبيته ومشاكله لان هذا استنفاذ لطاقته فهو يرتاح وانت تتعبي وهؤلاء يسمون مصاصي الطاقة ،،استمعي له بهدوء ولكن ليس بعمق وبكل المشاعر العميقة التي تتعبك وانتقدي وواجهي اذا استحق النقد ولا تكبتي مشاعرك فتؤذيك لاحقا ،،،وحاولي ان لاتكوني قريبة منه كثيرا اشغلي نفسك ليفتقدك ويبدا البحث عنك وعن حبك فهو ايضا يعاني الملل كما يببدومن سلوكه فلينشغل بك ويتساءل اين هي وبماذا تفكر ومالذي في داخلها وهل تحبني وهل ضاقت به. يعني بالعربي دعيه يدور حول نفسه. ،،اخيرا انت سامحتيه ولكن المسامحة لا تعني النسيان ممكن ان تسامحي على زلة ولكن تبقى في بالك اخبرك هذا حتى تعرفي مشاعرك جيدا طبقي كل هذا وستجدي ان الشك يصغر واهميته تصغر ولم يعد من اولوياتك

يا سيدتي، أنت ما شاء الله اكتسبت الذكاء مع الجمالـ وتصرفت بطريقة ممتازة، ولكني لا أعلم لماذا اصبحت حالتك النفسية صعبة، يجب أن نغفر ونسامح ونعطي فرصة للطرف الآخر، ولا تظني كثيرًا لأن بعض الظن اثم، عليك بالاحسان اليه والدعاء له وفي ذات الوقت عليك بتقوية نفسك وتطوير ذاتك اكثر لتكوني صلبة في مواجهة صعوبات الدنيا ومواقفها، وكوني له سند وكوني له معين على الحياة، وادعميه وعززي الثقة بينكما، ودعيه عندما يعود للبيت ينسى هموم العمل بما انه ارتدع ولم يعد هناك ما يؤرقه من علاقة مع تلك المرأة. اهتمي بتغذيته بشكل صحي وركزي على الخضار والفواكه، والطعام الطازج الصحي، اهتمي بساعات نومه ووفري له الحب والرعاية، على ما يبدو أنك امرأة قدوة في صمودها وراجحة تفكيرها بسم الله ما شاء الله. وفي ذات الوقت اهتمي بنفسك اكثر لتحافظي على هذه الرجاحة وفقك الله، ووفق زوجك وهداه وأصلح حاله.

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه