السؤال

قبل 6 شهر (9 اجابه)
9 اجابه

المشكله كلها بدأت من اهمال ابي لامي

قصتي طويله و معقده و بعرف اني رح طول بالحكي بس لازم احكي لانو هالمكان الوحيد يلي بقدر احكي فيه.. انا اهلي منفصلين من لما كان عمري 14 سنه و صارت مشاكل كتيره اي وحده بعمري ما كانت ستحملت الوضع يلي هي فيه .. المشكله كلهابدأت من اهمال ابي لامي و هون امي اضطرت او ما بعرف شو صار معها و صارت ع علاقه مع انسان من شغلها .. طبعا بس عرف بابا تدمر لانو كان يحبها بس هو الي اهملها و كان دايما يضربها و دايما يهينها بكلام جارح و افظع من هيك كتير قصص صعب تنحكى و تطلع . بعد ما صار الطلاق طبعا امي تزوجت من الرجال هداك و جابتلنا منو اخ و انا معلقه روحي فيه كتير و بحبو كتير .. بس مو هون المشكله المشكله انو بابا بعد فتره من الطلاق تزوج وحده بتقرب لمرت عمي .. و هي انسانه طيبه و بحالها بس احيانا بصير شويه لخبطات و بترجع بتنحل .. و وعدني بابا انو ما رح يتغير شي لو تزوج و انو ما رح يتغير شي علينا بالبيت .. بس بابا مستحيل يفهم قديش انا مجروحه . حتى لو صارت التغيرات من اصغر الامور بالبيت .. صرت اكره البيت و ما حب ادخلو .. بابا تغير معاملتو النا و صار كتير عصبي و ع اي كلمه بيقلي ممثله و كذابه .. و هو مو حاطط ببالو اني بنت و بحس و بيجرحني بحكيو احيانا .. هلأ انا عمري 18 سنه و ما عم اقدر اتخطى الموضوع ..وفي شب كنت بعرفو من زمان .. و حبينا بعض و تعلقنا ببعض كتير .. بس انا كتير متعلقه فيه و روحي معلقه فيه كأنو امي او ابي .. كانو قطعه من روحي و افكار انو يمكن ما نكون لبعض عم تلخبطلي كل عقلي و هو صغير مو طبير و ما بيشتغل يعني ما عندو مستقبل .. بس انا مستحيل اتقبل اني كون مع انسان غيرو .. و المشكله انو هو بعيد عني بمسافه منيحه و مو دايما بشوفو بس لما اشوفو بحس روحي رجعتلي و بحس اني فرحانه و الدنيا مو واسعتني .. انا صرت اقرف ادخل ع بيت ابي و اغلب اوقاتي بتكون عند امي .. ما بدي شي من الدنيا الا اني اخلص منهم و من هالحرب يلي انا عايشتها جواتي .. موجوعه و مقهوره كتير بس ما عندي مين اشكيلو الا هالانسان و هو كتير راقي و محترم بتعاملو معي .. انا عنجد خايفه من فكره انو ما نكون لبعض و انو الله ما يكتب النا نصيب انو نكون سوا و نكمل عمرنا مع بعض جد كتير مخنوقه و ما بعرف شو اعمل لما شوفو و يجي بدو يروح بحس روحي بتروح معو .. برجع ع البيت ما باكل و لا بقدر امشي بضل ابكي و مخنوقه لانو راح .. و امي بتعرف بعلاقتنا بس ما بنحكي كتير بالموضوع هاد بس انو هي بتعرف .. الله يخليكم و يجزيكم الخير لاقولي حل ما قدرت ولا لقيت حل غير اني الجئ لهاد الموقع مشان احكي يلي بقلبي لاني عنجد نخنقت . و اكتر شي خانقني موضوعي انا و الشب مشان الله شو اعمل

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

يا ابنتي أهلا بك، وصلت ان شاء الله الى بيت الأمان، وسنحاول معًا حل المشكلة وسأتحدث معك بكل المشاعر الايجابية، واية استفسارات او متابعات نحن في الخدمة، ولا تترددي في الاتصال بنا. قرأت رسالتك بهدوء وكررتها أكثر من مرة ولاحظت: وجع فراق الأم والأب صعب على كل الولاد والبنات، فما بالك وانت مراهقة. يا ابنتي حبيبتي وجعك ليس مما حدث لأن الوالدة تزوجت، ووالدك تزوج وكل منهما سعيد في حياته وانجب، وانت اصبح لك اخوة واخوات، وعندك بيتين تتنقلين بينهما بحرية، وانا متأكدة أن والدك يحبك مثل ما تحبك أمك. المشكلة عندك تريدين طريقة لتقنعي نفسك أن هذا الشاب هو حياتك ونصيبك. وهذا هو سبب الوجع، تعلقك بك جعلك تعتقدين ان روحك معه. لا حظي يا بانتي انك ما بكيت ولا فقدت الشهية لاي موقف مر معك، انت تعانين من اعراض عشق هذا الفتى. الآن الحقيقة: انت في سن مراهقة تمرين في ظروف طبيعية نوعا ما بين بيت والديك... ولكن تريدين التعلق بشيء لك، لأن كل من والديك تزوج وله حياته...فكان هذا الشاب هو ذلك التعويض. شعور انك ترتاحين لأن في قلبك حب لشخص ما، أمر لطيف، وخاصة وانت مراهقة ومع كل ما ترينه من مسلسلات وبرامج.. لا الومك- لا بأس بالحب، ان كان يملي عليك حياتك بهجة. ولكن لنعد من مدينة الحب الوردية إلى أرض الواقع.. انت قلت ان الفتى لسة في اول الطريق، وانه يصعب ان ترتبطا الان، لذا نصيحتي لك، ان تتفقي معه ان يبذل كل قصارى جهده ليدرس وينجح، وفي المقابل ان تشدي صحتك وهمتك وتدرسي باقصى طاقاتك، وتنجحين، وتحافظا على وعد المحبة الصادقة الطاهرة بينكما، وتشقا الطريق في الحياة، وان كتب الله لكما لقاء بعد عدة سنوات وكان وضع الفتى جيد وتزوجتما، سيكون فرحك كبير. وان شعرت مع الدراسة وبعد الجامعة أنك تقابلين العديد من الاشخاص ربما يتغيّر تفكيرك وقرارك- وهذا ما سيحدث- وأنا أكثر خبرة منك، ستضحكين على هذه الرسالة وسترسلين لي رسالة تخبريني فيها:" يا د. سناء كلامك صحيح، كنت احتاج لشخص اتعلق به ليعطيني حبا لي لوحدي، ولكن اكتشفت ان الدنيا كبيرة، وان هناك الكثير الذي اريده في الحياة، ولن اتوقف عند هذه المرحلة، ساتابع واتابع الاستكشاف، ثم اقرر ماذا سافعل ومن ساتزوج" نعم يا ابنتي الدنيا كبيرة وجميلة والحياة حلوة وتريد شخص مجتهد ليكتشفها، وبعدها ستقررين ماذا ستفعلين، وانا متاكدة انك فهمت رسالتي، وانك تبتسمين الان، وستتخذين قرار، ساحتفظ بحبي الاول الوردي وانطلق في حياتي، فان كان لي يا هلا، والا الدنيا كلها مفتوحة لك :) وفقك الله.

6 شهر

شكرا جدا والله يا دكتوره ساعدتيني بكلامكك و عطيتيني اما لعيش و عنجد عنجد شكرا الكم كلكم


قبل 6 شهر

يا عزيزتي ما زلتي صغيره عن هذا الكلام ,لكن اذا شايفة بان هذا الانسان سوف يكون نصيبك فاصبري على بين ما تكبري كمان و هو بهذا الوقت يحسن من وضعه كي يصير بينكم نصيب , فاخبريه على تخطيطك كي اول ما تنتهي من الدراسة تنخطبوا و هو بهذا الوقت يكون وضعه جيد

قبل 6 شهر

والله يا اختي انا امتر وحده بتفهم شو بتحسي لاني عشت زيك ,, امي و ابي نفصلوا عن بعض و انا صغيره و كل واحد ساف حياتوا وانا تربية عند تيتا , رغم محبة تيتا و جدو الي الا انا بحس بفراغ عائلي كتير و بس صار عمري 17 تعلقت بابن الجيران زي زي غيري و كان يحبني كتير و انا كنت احبه , وكان معوضني عني الحنان يلي انا فقدته والحمدالله صار بينا نصيب و رتبطنا بس بجد كان قبل الارتباط انسان مؤدب و يحكي معي بادب و اخلاق و انا عشام هيك تعلقة فيه لاني بدي انسان بجد يكون مكان اهلي و الحمدالله لقيتوا ,, وانتي يا اختي اعملي مثلي و شوفي النتيجة

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه