السؤال

قبل 7 شهر (10 اجابه)
10 اجابه

تعرفت على شاب من جنسية اخرى و امي رافضة تماما !

انا بنت من الاردن تعرفت على شاب من جنسية اخرى من الفيسبوك و حبينا بعض لنا حاليا سنة و زيادة ... الشاب محترم و جاد جدا بالموضوع و كنا نوين انو يجي على الاردن و نتقابل بعدين اخبر امي و هو موجود بالاردن على اساس انو يكون قريب اذا اهلي طلبو انو يقابلو .. بس للاسف يوم و انا بحكي معو اخي سمعني و زعل مني لاني بحاكيه و خبر ماما و لما رحت لماما رفضت الموضوع لانو مش اردني و هي بدها اردني .. المهم ضليت احكي معها كتير و بفتح معها الموضوع اكتر من مرة و هي رافضة و طلبت مني ابطل احكي معو بس انا ما كنت بطلت و في يوم سمعتني بحكي معو و زعلت مني كتير بعدها قررنا انو نبطل نحكي و اخبر ماما انا بطلنا منشان نرضيها و اطلب منها تفكر بالموضوع.. بعد فترة فتحت الموضوع مع ماما مرة تانية و قالتلي انو لما بابا يجي من السفر رح تحكي معو بالموضوع فرحت كتير و خبرتو و رجعنا نحكي و خبرت ماما اني رح احكي معو و وافقت على مضض عبال ما تفتح الموضوع مع بابا المهم .. يوم من الايام قبل ما تفتح الموضوع مع بابا سالتني اذا كان عندو علاقة قبل هيك و انا حبيت اكون صريحة ف قلتلا انو اه فقالتلي امتى و هيك قلتلا وحدة بريطانيا لما كان ب يدرس ببرطانيا و هون ماما غيرت رايها تماما من الموضوع بعد ما كان في بصيص امل رجعت ترفض الموضوع كتير و كمان شافتني يوم بحكي معو و زعلت... الشاب طلب انو يحكي مع ماما و ماما رفضت و بعتلي رساءل كتير منشان فرجيها لماما بس ما رضيت ...ما حبيت ازعلها اكتر و بكم لحظة قررت ابطل العلاقة نهائيا لكن بالنهاية وصلنا لانو نبطل حكي عبال ما الامور تنحل ... بعدها كان عندي سفرة للسعودية و هو قلي خبرو لما اوصل ف لما و صلت خبرتو و رجعنا حكينا و كانو اخدنا بريك من الانقطاع ع اساس لما ارجع ع الاردن نبطل حكي و افتح الموضوع مع ماما.. كل هاد و لسا ما تقابلنا ... مع انو اجات كم فرصة و ما تسهلت اهلو ب يجو عالاردن و هو ما بيقدر يجي معهم و باخر مرة كنا ب نفس المطار بس كان معي رفقات بابا فما قدرت روح سلم عليه .. المهم لما رجعت الاردن اهلي كانو راحو على بلده علا و بس معي اخي بالبيت و كنا تعودنا نحكي كل يوم و صار صعب نبطل حكي مع انو ب نحول اكتر من مرة بس ب نرجع ب يوم خي سمعني بحكي و حكى معي و خبر ماما و زعلت كتير لانو ع بالها الموضوع انتهى خلاص و رجعت اعتزرت منا هلا مفروض نبطل حكي و لما روح بلده احكي مع ماما و هو عطاني رقم امو اعطيها اياه و كمان طلب يحكي مع اخي ... انا ما بدي زعل ماما اكتر و ما بدي اياها تحس انو رضاها اخر همي خايفة تحس اني ما بيهمني غير هاد الموضوع ما بدي اخسر ثقتها اكتر من هيك .. ب نفس الوقت بعرف انو هاد الموضوع فيو سعادتي ..امي هلا رافضة الموضوع لانه جنسيته غير و لانو موضوع علاقته السابقة دخل عندها شكوك في اخلاقه ..كمان لانها حكتلي لا و رجعت حاكيتو اكتر من مرة .. ب تحس اني بسمع حكيو اكتر من حكيها.. هل ارجع حاول ولا ارضى بالامر الواقع؟

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

قبل 7 شهر

بسم الله والصلاة والسلام على رسول الله أختي الفاضلة.. أعتقد ان من الأسلم ان تقولي له لا بد ان نوقف المحادثات الهاتفية، حتى تهدأ الأمور بالنسبة لراي والدتك بان الشاب كانت له علاقة بفتاة اخرى عندما كان في بريطانيا، فهذا رأيها ولكن هل تعتقد والدتك ان إبنها الذي في بيتها ليست لديه علاقة؟ هل هي متأكدة أن إبنها عندما يريد ان يتزوج لا بد ان يتعرف على الفتاة لفترة قبل ان يتقدم لخطبتها، وإليس من المتوقع أن لا تجري الأمور كما كان مخطط لها، إليس من الممكن ان تنقطع العلاقة بينهما، وعندها يذهب اخوك لخطبة فتاة اخرى من خلال الوالدة ولكن عندما تعلم والدة الفتاة ان اخاك كانت لديه علاقة سابقة سيتم الرفض، ماذا ستكون ردة فعل والدتك. انا اخبرك بكل هذا السيناريو لانك ستحتاجينه في يوماً ما احفظيه تماماً، ولكن يجب ان تعرفي متى تقولينه وكيف، حتى لا تفهمه والدتك بانه إتهام لإبنها. أختي.. الشاب يحبك ويريدك فعلا كما هو واضح من رسالتك وانتي كذلك. إذن فليكن بينكما اتفاق بالإبتعاد مؤقتا حتى تهدأ الأمور وستجدين فرصة مناسبة لفتح الموضوع مع والدتك، وكذلك من الممكن ان يقوم بالإتصال بشقيقك فيما بعد، ويطلب منه الكلام كرجل لرجل. ومن الممكن هنا ان يكون اخاك بجانبك ويساندك عندما يتم طرح الموضوع. وفقكم الله ويسر لكم

قبل 7 شهر

الزواج اختى قسمة ونصيب فلا تستعجلى وانتظرى شخص تتزوجيه من بيئتك ومحيطك الاجتماعى افضل لك

قبل 7 شهر

اهلك اعلم بمصلحتك منك فهم يريدون الخير لك فلا تغضبيهم وتخرجى عن طوعهم والخيرة فيما اختاره الله لك

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه