حاولت إغاظته بكلامي مع غيره فانقلب حاله لزوج لخائن

add_commentأضف إجابتك

thumb_downلم يعجبني0

حاولت إغاظته بكلامي مع غيره فانقلب حاله لزوج لخائن
انا قصتي قصة بعرف انو في كتير زيي بس بصراحة عم بفكر بالطلاق لانو ما عاد فيي اتحمل انا صارلي متجوزة 8 سنين ونص ومن اول زواجنا عملت مشكلة بأني حكيت مع صديقي القديم بقصد إغازة زوجي لانو كنا متفقين عاشياء قبل الزواج ولما تزوجنا ما عملها وانغزت كتير وما عرفت شو اعمل عشان ادايقو زي ما دايقني المهم انكشف الموضوع وصارت قصة كبيرة عليه وطلبت من زوجي يسامحني وسامحني وعانيت كتير بعدها لانو صار زوجي يتعرف عبنات وستات ويجاكرني وكنت اشيل انا من عندو البنات عالفيسبوك والايميل وهو يرجعهم وياما لقيت مواقع مش مزبوطة هو مشترك فيها وضايف بنات عندو كمان وكمان لقيتو عامل أكاونت تاني باسمو وحاطط بنات عليه كل ما اكتشف اشي كنت اتخانق معو وتصير مشكلتو اني بفتش من وراه تحليلي لشخصيات زي الي د كان بدو يثبت رجولته بينو وبين حالو بسبب اللي انا عملتو وضليت من بعد الموقف تبعي اعاني من ورا قصصو 4 سنين متواصل لوصل الموضوع بسبب قصة بنت كان مواعدها لمدة ايدو علي بطريقة كانو عم يضرب شب ونزلت وقتها عند اهلي وكنت ناوية عالطلاق طبعا عندي ولد وبنت منو وصار الحمل بالولد وصراحة ما كنت بدي اياه لانو وضعي ما كان مستقر معو وفكرت كتير انزلو بس خفت من ربنا واني أحمل زنبو المهم من بعد هالموضوع وعدني انو ما عاد يعمل هاي للأشياء وبعدها اتفقنا انو يصير في التزام بالعلاقة بطريقة مزبوطة أو كل واحد يروح بحالو ومن يومها نوعا ما صارت الأمور أفضل رغم شكي أوقات من تصرفاتو بس كنت استعيذ من الشيطان وعملت حياتي بناء على الثقة الي رجعت بيننا والي عانيت كتير بيني وبين حالي ورجعتها عشان اقدر ارجع أثق فيه وسنة 2016 نزلت اجازة عند اهلي شهر زمن وكان عامل مفاجأة انو نزل عنفس البلد الي انا فيها بقصد المفاجأة النا كل اللي نزلهم 6 ايام بالعدد ورجعنا مع بعض بالمكان الي مقيمين فيه شفتو كزا مرة بهالكم يوم الي نزل فيهم ومعظم وقتو قضاه مع اصحابو وشاءت الصدف انو اجا عند اهلي تالت يوم واتغدا وقبل ما يتغدا كان نايم وانا والله ما عدت امسك تلفونو أو افتح سي إلا ازا قلبي حسني بشي وبهالوقت هيك صار فتحت تلفونو ولقيت محادثة بينو وبين وحدة وهو حس انو انا شفت المحادثة وواجهتو صارت مشكلة بيننا وصار يحلف يمين انو ما عمرو شافها وأنها اخت صاحبو محمد وحكى معها لانو ىقم صاحبو مو عندو بس طبعا المحادثة مبين فيها انو عم يتغزل فيها طبعا انا ما دخل مخي التبرير وكنت ماخدة رقمها ولما طلع من عند اهلي اتصلت فيها وطلع فعلا في عندها اخ اسمو محمد زي ما جوزي قللي واضطريت أصدق رغم اني مش قادرة أصدق ومشيت الحال ورجعنا عالبلد الي قاعدين فيها وبعد شهرين جاب جوزي تلفون جديد وكان بدو ينزل كل الصور والفيديوهات عاللاب توب وانا كملت تنزيل باقي الصور والفيديوهات وبحسن الصدفة لقيت صورة لنفس الشخص الي لقيت المحادثة صورة هو واياها ماخدينها سلفي وهي قريبة منو وراسها ملزق براسو وبضحكو وقتها بعتلو اياها وطلبت طلاق وقلتلو هاي الي انت حلفت يمين عشانها وانها اخت صاحبك وانو ما عمرك شفتها طبعا هو انجن وانا ما عاد عندي مجال اتحمله واتحمل مراهقتو انا ما راح احكي عن حالي قديش بعمل وبسوي عشانو بس ما بستاهل منو خيانة ورا خيانة والمفروض من بعد ما رجعت الثقة بيننا تكون هاي الامور خلصت نهاءي انصعقت طبعا لما شفت الصورة ووقتها اعترفلي انها وحدة كان بعرفها من 10 سنين وتواصل معها وأنها ست محترمة كتير وهو الي عزمها عفنجان قهوة وقعدو بكافيه وصارت قصة ما الها أو ولا اخر هو اعتزر ورجع وعدني امو ما راح يرجع يعيدها بس انا لهلا ما عم بقدر انسى وما عم بتحمل وما عم بشوف إلا صورتو هو واباها قدامي نفرت منو ومن الي عملو تفاجأت من امي بتقلي لازم اتحمل عشان الاولاد وانو ما عندي حل تاني لانو ترباية الاولاد صعبة بلا أب بس انا قلبي محروق ومجروحة وعدملي انوثتي بهادا الموقف الأخير اللي صار وما عدت اعرف شو اعمل هل استمر بموضوع الطلاق والا لا ما عم بقدر اتحمل ما عم بقدر اشوفو ما عم بقدر احكي معو عم بلتزم الصمت معظم الوقت عشان ما اتخانق معو هو بالنسبة الو اعتزر ونهى الموضوع واخد الأمور بالساهل بس لو هو بمكاني هل كان حيرجع يسامحني والله العظيم ما عدت اقدر ارجع أثق فيه من اول وجديد وما فيني ارجع اعيش حرب الأعصاب الي كنت فيها معو من قبل بال4 سنين الي كان مطلع روحي بقصصو شو اعمل اعطوني حلول هو مستهين باللي عملو وصار يقول ازا بدك الطلاق خلص اعملي طلاق زي اللي مستغني معظم الي حوالي قالولي انو حيعيدها وحيل زي ما هو وانا راح انجن من كتر التفكير ساعدوني
add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • أخصائية علم النفس والتثقيف الصحي ميساء النحلاوي
    أخصائية علم النفس والتثقيف الصحي ميساء النحلاوي verified_userتصرفاتك وتصرفاته فيها الكثير من الإستهتار وقله النضوج ، الزواج ليس حربا بين إثنين ، الزواج يجب أن يقوم على الإحترام المتبادل فإذا فقد الإحترام تغيرت المواقف من كل مشكله . ابدئي بإستعاده إحترامك له وإستعاده إحترامه لك ، اتركيه واحترمي خصوصيته في أول فتره وفكري جيدا قبل أن تتخذي أي موقف فلديك أطفال بحاجه الى وجود والدهم . غيري من طريقه تعاملك معه ، اهتمي به واهتمي أيضا برشاقتك وأناقتك، غيري روتين حياتكما وأعطي نفسك مهله لا تكلميه فيها عن موضوع الخيانه أبدا . هو على ما يبدو لا يخونك فعليا ، ذلك ليس عذرا طبعا ولكن يخفف من حده المشكلة اذ أن ما يقوم به مجرد تسليه لا أكثر سيأتي يوم ويمل منها وذلك يتوقف على تصرفك معه . أعطي نفسك بعض الوقت واذا وجدت أن لا شيء نافع معه وأنه مصر على الإستمرار في هذه العلاقات ، لا يبقى عندك حلا سوى ان تطلبي تدخل اهلك واهله علهم يساعدوكم وينصحوه. أعطه فترة ليثبت فيها توبته ولا تستعجلي الطلاق فالزواج يحتاج لكثير من العمل والصبر حتى ينجح وستسطيعين ذلك ان شاء الله.
animate
  • صورة علم Jordan
    صورة علم Jordan
    مجهول
    ما بصير انك تخوني انتي الرجل مش متل المره خيانه المرأه اصعب من خيانه الرجل وهو سامحك بس من تصرفك ما عاد يثق فيكي وبلش ينتقم هلا انتي بدك تستحملي وتعيشي عشان ولادك ادعيله واستغفري واعطيه الثقه من اول خليه يثق فيكي وان شاء الله الله يهدي بالكم
  • صورة علم Saudi Arabia
    صورة علم Saudi Arabia
    مجهول
    كالعادة موضوع معقد..لكن تحليلي باختصار..اولا...انتي غلطتي غلط كبير وبحجة غير مقنعة طبعا لما فكرتى تكلمي صديق قديم عشان تغيظيه حتى لو كان زي ماقلتى المبدأ غلط واعتقد انتى عارفة انه غلط.ثانيا...انتي اعطتيه مدخل لانه يقتحم عالم النساء بجرأة تحت اي مسمى سواء انتقام او اثبات رجولة او اي شيء تاني وده لا يعفيه من المسؤلية لكن ده سبب قوي...ثالثا...انتي واضح مقضية اغلب وقتك في البحث باهتمام غير عادى في جواله او اللاب بتاعه لاثبات انه بيخونك وكأن لو مالقيتي في مرة بتتمنى تلاقيها بعدين زى متكونى لما تثبتي ده بتهربي من عقدة الذنب القديم جواكي وتقولى بعدين هو السبب...اخيرا...لا شك ان كل تصرفاته غلط في غلط هو غلطاان في استمراره لخيانات بلا نهاية وانتي مستمرة في اثبات انه خاين طول الوقت مصممة تعذبي نفسك وتكسري عينه الحل....اولا...طول منتى مقتنعة انه هيفضل كدة وهتفضلي وراه يبقى صعب تكملوا مع بعضثانيا...احيانا الرجل بيعاند لما يحس انه زي الطفل متراقب من زوجته لاثبات انه مش تحت وصية حدثالثا....لازم يكون بينكم قعدة مصارحة صادقة لبدء الحياة من جديد باحترام متبادلاما لو محصلش وكل طرف مصمم على موقفه انصحك بالانفصال لانه هتفشلوا تماما...وكل واحد هيكره التانى عاجلا أم اجلا
  • صورة علم Jordan
    صورة علم Jordan
    مجهول
    بتستاهلي لانك خنتي زوجك عمل هيك فيكي
  • صورة علم Algeria
    صورة علم Algeria
    مجهول
    انا ما راح الومك علي كلامك مع صديقك الّي في الحقيقة هوالسبب في المشكلة لكن اقول لك ان زوجك لم يسامحك منذ البداية,,,في البداية حاول ينتقم منك ويعرف بنات وبعدين تعود واصبح مدمن علاقات هو لم يسامحك وخسر نفسو مش كل الرجال لهم نفس القدرة علي تجاوز أخطاء زوجاتهم هو من النوع الي ما يقدر يتجاوز الخطأ ويعيش حياتو ..الحل يا إما تسترجعي زوجك وتقفي جنبو وتحاولي زيارة أخصائي في العلاقات الزوجية وراح تتعبي كثير لكن يمكن إسترجاع زوجك وحياتك الاسرية وإما تطلقو وتعيشي حياتك بعيدا عن مشاكلو لأن بصراحة أصعب شيء انعدام الثقة والخيانة الزوجية راح دمرك نفسيا.
  • صورة علم Algeria
    صورة علم Algeria
    مجهول
    من كلامك تظهرين انك مازلتي طفلة و غير ناضجة تماما عليك ان تعيدي حساباتك في طريقة تفكيرك و شخصيتك حتى تقدري تحافظي على زوجك و بيتك
  • صورة علم United States
    صورة علم United States
    مجهول
    انت السبب كيف تحكي مع واحد غريب من الاساس وتحكي صديق خفتي من الله انك اتنزلي البيبي وماخفتو منو لما كلمتي شب غريب عنك شو هالتناقض بعدين الي صار لزوجك ردت فعل غصب عنو انتي الي خليتي هيك اتحملي نتيجة افعالك
  • صورة علم Jordan
    صورة علم Jordan
    مجهول
    الحل كل الاتي بدك توفري فلوس وتجيبي شباب ولما يكون معها يعملولوا بدن تكسير امامها تنكسر شائمته قدامها والي يضربوا يفهوا انو قريبينها همه وبس يرجعلك للدار وهوه مبهدل يضل اقل اشي خمس سنيين عاقل ومحترم وان عاد عدتم لنفس الوصفه
  • صورة علم Algeria
    صورة علم Algeria
    مجهول
    المشكلة تبدأ دوما يوم يبدأ سوء الظن ويليه التجسس على الهاتف أو الفايس بوك ،لذلك نهانا الله تعالى عن مثل هذه الأمور ،قال تعالى : اجتنبوا كثيرا من الظن إن بعض الظن إثم ولا تجسسوا . ولذلك فموقفك من زوجك أنت المسؤولة عنه بداية كان الخطأ منك والرجل بطبعه لا يغفر خطأ الزوجة مهما تابت والتزمت ،والطلاق ليس بحل لأن المتضرر هم الأولاد ،لذلك عليك بفعل ما يلي ،حاولي أن تجعلي من بيتك جنة لزوجك وكوني دائما مثل العروس في لبسك واستقبالك له وسترين النتيجة ،ولكن بشرط إياك والتجسس على هاتفه .
  • صورة علم Saudi Arabia
    صورة علم Saudi Arabia
    مجهول
    لا تطلقي وعندك اطفال استمتعي بوجودهم بتربيتهم بس تشكي فيه هالمراهق روحي التهي بولادك تركيه بالناقص منو احكيلو لولا الولاد كان من اول موقف تركتك بس ما رح اتركهم لاب طايش والله يعلم حياتهم كيف رح تكون طنشي اتركيه لا تعطيه اهتمام الجأي لربك يهديه ويرجعلك ويباركلك بولادك عندك ولاد الف واحد بتمناهم ركزي ع بيتك وولادك وهو اتركيه طنشيه اخرتو برجعلك من بعد ما يشوفك هيك او دوريلك ع شغل ولا تطلقي قبل الاولاد ما يكبرو عشان ما يلوموكي ليش تركتيه وهنن زغار وحرمتيهم منه وعليك بهالدعاء اللهمم الف بين قلوبنا واصلح ذات بيننا واهدنا سبل السلام
صورة علم United States
أضف إجابتك على السؤال هنا