تمثل دور الضحية أمام زوجي حتى وجدت في هاتفه

عندى سؤال بسيط واتمنى الاقى رد هو ليه كل حاجة فى اولها بتبقى جميله ومدهشه وهنموت عليها وبمرور الوقت بينتهى حبينا للشئ ذاته على اتفه الاسباب بس للاسف انا لسه منتهاش حبى . لسه مبهورة ومندهشه بيه لسه بحبه واتمنى ميضيعنيش من ايده عشان انا تعبت ليه بيبعد عنى بعد ما كنا بنعافر وبنموت لغاية ما اتجوزنا ليه بيتخلى عنى بالسهوله دى ومحاولش يسمعنى ويطمنى يقولى انا جمبك ومش زعلان منك حتى لو غلطتى هو كان حب حياتى وخفت ليضيع منى لما موظفه عنده فى الشركة بعتتلى رسايل تشتمنى واعترفتلى انها بتحب جوزى وانا بطرقى عرفتها وروحت ليها واتخانقنا وبعدها هى راحت عيطت لجوزى ونكرت كل شئ وقالتلوا المدام هانتنى وطعنتنى فى شرفى مع ان كل الكلام داه كدب محصلش انا بس اتخانقت معاها وهى كانت فاهمه انا بتكلم عن ايه حتى موضحتش فى كلامى سبب الخناقه وسبحان الله هى عرفت لوحدها هو جيه ليا وكان زعلان وقالى دى بنت حرام عليكى تظلميها وقالى هجبلك رقمها من حد فى الشركة وكلميها طيبى خاطرها رفضت واتخانقنا ومن يوميها وهو زعلان اوى اوى اوى منى حاولت اراضيه وهو شايفنى كسرت كلمته واتغير من ناحيتى احنا متجوزين من ١٣ سنه وحياتنا مستقرة ابنى الكبير ١٢ سنه وبنتى ٩ سنين وطفل ٥ سنين احنا عرفنا نحافظ على حياتنا طول السنين دى وعلى مشكله زى دى حياتنا بتنهد قدام عينينا هو سافر شغل بره ورجع من يومين اول ما شافنى حضنى وقالى وحشتيتى وسلم على الاولاد تانى يوم لقيته صاحى مبيكلمنيش وزعلان منى بقولوا مش كنا اتصالحنا قالى احنا متخصمناش بس انتى ظلمتى بنت والشركه كامله بتتكلم عليها بوظتى سمعتها مسكت موبايله ولقيت بينهم رسايل ودى كانت اول رسايل بينهم و هو اللي دخل اعتذرلها وهى فضلت تمثل وتقوله حضرتك كفاية سؤالك عليا وعماله تدخل فى دور دلع وطيبه وحاجة تقرف هو مقلش كلمه واحده اجيب عليه الغلط فيها بس هى كل تصرفتها مش مظبوطة شكل البنت مش سهل وكل تصرف هى بتعمله حسباله كويس اوى