تغيري المفاجئ نحو صديقتي قلب موازين علاقتنا الى الأسوء، فما الحل؟

الصداقة
animate

انا كان عندى صديقة اصدقاء من واحنا فى ٢ ابتدائى كانت بتحبنى حب عمر ما حد جبهولى حتى امى و بتخاف عليا بس انا شفت خوفها و نصحها ليا انه تحكم وكنت بنزعج جدا منها كنت بحبها اوى بس بدأت ابينلها ان وجودها وغيبها مش فارق معايا مع ان كان داه العكس لغاية ما فيه ناس قربوا منى لما كانت هى مسافرة وتدريجى اقنعونى انها بتتحكم فيا وان مفيش صحاب كدا وان هى بتغير منى عشان انا بيضا عنها واجمل معرفش انا صدقت ازاى وبقيت بعاملها بأسلوب وحش جدا هى شخصيها قوية عمرها ما عيطت قدام حد بس بسببى خليتها تمشى تعيط فى الشارع بسبب اسلوبى معاها عشان كانت بتحبنى وبتخاف عليا و فى مرة واحده لقيتها بقيت بتخاف تكلمنى يعنى ممكن نمشى طريق طويل سوا وهى ساكته حتى معتدش بتمسك ايدى ولا تحضنى زى زمان وكنت بشوفها تفضل تضحك وتتكلم مع الكل واول ما تشوفنى ابتسامتها تختفى وتبدأ مرحلة الصمت هى مكنتش خايفة منى هى بس مكنتش عايزة تخسرنى وانا زى الغبيه كانت تصرفاتى كلها بتقول اخسرينى . وبعدين هى دخلت كلية قمه واتكرمت وكانت من الاوائل وانا جبت ٦٩ فى المية وكل اللي حوليا فضلوا يولدوا ناحيتها مشاعر غيرة حتى امى كانت بتقولى ياريتك طلعتى زى صاحبتك هى اول ما عرفت مجموعى جات ليا البيت وتعيط زى ما تكون هى اللي جابت المجموع داه كانت فعلا زعلانه اكتر منى الكلية فرقتنا هوضح نقطة انا اتغيرت من ناحيتها واحنا فى ٣ ثانوى قبل كدا كنت بسمع كلامها وبحبها وعمرى ما زعلتها منى ابدا جول فترة صداقتنا نكمل مشكلتى بعد ما دخلنا الكلية انا كنت كارهه نفسى وهى كانت بتتواصل معايا بإستمرار ورجعت علاقتنا تانى اقوى من الاول لغاية ما خرجنا سوا وصحبها خروجوا معانا واتكلموا عن مواد عندهم فى الجامعه وواحده منهم بتقولى انتى مبتتكلميش ليه عن كليتك مكسوفة منها هى كانت بتهزر بس انا خت كلامها بحسسية وزعلت البنت كانت فعلا متقصدش حاجة واحنا مروحين قلت لصاحبتى من النهاردة تنسينى ولا عاد لينا كلام تانى مع بعض انا كنت بتخلى عنها عشان كان فيه ناس غيرها حوليا كنت مفكراهم بيحبونى هى فضلت تعتذر وتراضينى فى عيد ميلادى جات ليا من غير ما اكون عزمتها والناس التانية اللي عزمتهم هانهوها بأسلوبهن انا سكت مع ان بصراحه ادايقت جدا لما هانوها ولما هى بتشتكيلى قولتها وفيها ايه المهم كلام طول واتخانقنا ومن يوميها علاقتنا اقل من الغرباء بمراحل بقالنا سنتين هى رجعت حياتها طبيعبة فى الاول هى كانت تعبانه من غيرى وانا كنت مفكرة ان فراقها مش هيفرق بس كل يوم بحس بفارقها فى الاول مكنتش متأثرة اوى بس دلوقتى انا محتاجها تانى جمبى من شهرين ونص كدا رجعت كلمتها ودى كانت اول مرة نتكلم اصلا كانت هى فعلا وحشانى محتاجاها تانى جمبى طلبت اشوفها قالتهالى مباشرة مش فاضية قلتلها وراكى ايه هجيلك البيت قالتلى لا ما انا خارجة مع صحابى شوية واحنا بقالنا فنرة بنتفق للخروجة دى وانا مستحيل مخرجش معاهم قولتها خلاص عادى هاجى معاكى قالتلى تمام زى ما تحبى خرجت معاهم وتعاملت معايا زى ما اكون واحده عادية حتى لما شفتها وحضنتها وعيطت هى معيطتش خالص بالعكس قالتلى فيه ايه يا بنتى بتعيطى ليه ولما روحنا من الخروجة بقولها صحابك طيبين اوى زيك قالتلى ما انا عارفه هما لو مكنوش شبهى كنت هصحابهم دخلت اكلمها نت بترد بعدها بشوية مع انها بتكون فاتحه وكل شوية تنشر فى صور ليها هى وصاحبها من اسبوع كدا لقيتها داخله تقولى خطوبتى يوم ١٨/١ هتنورينى لو جيتى الرسالة كانت بعتاها لكل زمايلها ماعدا صحبها لانهم كانوا عارفين من قبل معاد الخطوبة اصلا ولقيت واحده صحبيتها نشرة استورى ليها على الواتس بتقولها واخيرا اتلم شملكوا بعد ما قرفتونى وكلام تانى فهمت ان صاحبتى مخطوبة لشاب كانت بتحبه واهلها واصحابها المقربين بس اللي كانوا يعرفوا انا ندامنه عشان ضيعت صحبة زى دى منى انا السبب فى بعدها عنى والسبب فى كل اللي وصلناله بس انا عايزة نرجع تانى زى زمان وبصراحه تعاملها معايا مش وحش بالعكس حلو بس مش زى زمان بس معنش فيه بنا كلام يتقال رجعت تانى احكلها عن كل اللي حصلى فى غيابها فضلت تنصحنى زى ما اكون انسانه عادية فى حياتها مش بتنصحنى بعصبية زى زمان ايام ما كانت بتخاف عليا انا مكلمتهاش امبارح ولا انهاردة وهى حتى مفكرتش تدخل تسألى عنى

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • الدكتورة سناء مصطفى عبده أهلا بك يا ابنتي ويبدو انك خسرت صديقة عمر حقيقية بسبب اصغائك لكلام النميمة والحقد وهي كانت مجتهدة وواعية وعارفة طريقها وثابتة على مبدأها وجاءت لك مرة واتنين واعتذرت لك وانت في كل مرة كنت ترفضينها الى هذه اللحظة وتريدين ان تسال هي عليك، مع انها مشغولة بخطيبها وخطوبتها ومشغولة بحياتها الجديدة ودراستها، انت من يجب ان يتصل بها ويبارك لها ويسالها ان كانت تحتاج اي امر لتساعديها به، ولكن اعلمي ان الفجوة الان ستزداد لان طبيعة حياتكما اصبحت مختلفة جدا فقد دخل في حياتها رجل واصبح عندها مسؤوليات وخطيب واهل وعلاقات اجتماعية اضافة الى الاصدقاء والمعارف الاصليين، وبعد الزواج ستتغير اكثر، لذا اعتقد ان فكرة استعادتها مثل ايام زمان لم تعد موجودة، ولكن على الاقل ابق على شعرة معاوية بينكما بالعلاقة الطيبة، لا تضغي عليها ولا تعيدي تكرار ما حدث سابقا، كوني متفهمة واتركي الأمر للزمن.و لا تقلقي لما حدث ففي الحياة لقاء وفي الحياة فراق، وهذا نوع من الفقد او الفراق وقد تعرضت له وعليك ان تتعايشي معه وان شاء الله تتمكنين من تجاوز الموقف وتبحثي عن ذاتك وتعيدي لملمة امور حياتك ولا تكوني تابعة لاحد بل حاولي اعادة بناء ذاتك لتكوني قوية وتتابعي، وفقك الله.
  • صورة علم
    صورة علم
    من مجهول
    انا في يوما ما كنت بمكان صديقتك الشخص الذي يعطي من دون حساب أو مقابل حين يتوقف عن العطاء من الصعب أن يعود لأنه بيكوةن اعطى فرصة مرة واثنين وثلاثة
  • animate

  • صورة علم
    صورة علم
    من مجهول
    صديقتك طيبة القلب وصدقني لم تعتذري منها راح تتفهم وتعود لكي من جديد انتي فقط بحاجة إلى الاعتذار منها بوضوح عنما بدر منك
  • صورة علم
    صورة علم
    من مجهول
    ببساطة هناك شرخ حدث في علاقتكما وانتي في حاجة إلى اعتذار واضح وصريح وتفهي منها إذا كانت قادرة تتجاوز ما قومتي به او لا لو لا يجب أن ترضي بما وصلتي حالك له فانتي من بدأ وابحثي عن اشخاص تشبهك
  • صورة علم
    صورة علم
    من مجهول
    من الواضح انك طيبة القلب وصديقتك عارفه نقطة ضعفك انك ماتقدري تتركيها لذلك بتتمادي معك وتستفزك ولكن انت لازم تتركيها لان نفسيتك حتتعب منها وابحثي عن اصدقاء متوافقين معك بالتفكير والاهتمامات
  • صورة علم
    صورة علم
    من مجهول
    ممكن أحد بيفسد بينكم ، أو سمعت عنك كلام ، لازم تعرفي السبب حتى تعرفي كيف بدك تتعاملي معها
  • صورة علم
    صورة علم
    من مجهول
    ياما حيمرق عليكي مثل هذه القصص في ناس كذا مريضه فجأه تحبك وفجاه تكرهك وما يهمها شي عشان كذا انسي ولا تزعلي عليها الصديق الحقيقي ما يتركك ولو مهما كانت الظروف والمسافات يضلو على تواصل بس هذه ما تقدر الصحبه لذلك ما تزعلي نفسك عليها
  • صورة علم
    صورة علم
    من مجهول
    بنصحك تتركيها لان هاد النوعه ما يستاهل تعطيها وجه اصلا
  • صورة علم
    صورة علم
    من مجهول
    اكيد ما تغيرت الا بوجود سبب ، ممكن أنها بتمر بمشاكل عائلية أ بحالة نفسية سيئة ، اعذريها واعرفي كيف تتعاملي معها
  • صورة علم
    صورة علم
    من مجهول
    أكيد في سوء تفاهم روحي لعندها واحكي معها ، ما في فرق بين الصديقات ، لا تخلي حدود بينكم ، واحكي معها
  • صورة علم
    صورة علم
    من مجهول
    روحي لصديقتك وتكلمي معها ، تفاهمي معها شوفي سبب الجفاء ولا تخجلي انتي مش عاملة شيء غلط

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟