كرهت نفسي وأصابتني الأمراض بسبب تنمر زملائي علي

مدارس وجامعات
animate

انا بقيت كارهة نفسي و شايفة اني ماليش لازمة طيب انا هطول عليكم شوية ، اولا لاني مش عارفة ابداء منين و مش عارفة هعرف ارتب الكلام صح ولا لا ، و ثانيا العربي بتاعي مش كويس خالص ، سامحوني في الاخطاء الاملائية ، انا عندي ٢٢ سنة ، و من وانا صغيرة عندي مشاكل مع نفسي و شكلي و ما عنديش ثقة في نفسي خااالص ، و يمكن اكبر سبب لده اني قعدت لسن ١٤-١٥ سنة عندي مشكلة اني ببل سريري كل ليلة ( اه i pee my bed ) و ماكنتش عايزة اقول لاي حد لان البلد الي كنا فيها صغيرة و الناس كلها عارفة بعض ، و هوا دكتور واحد الي شاطر و مراته كانت مدرسة معانا في المدرسة و صديقة امي كمان ، لحد ما وصلت ل ١٣ سنة قررت اتكلم لان الموضوع زاد اوي وانا كنت زهقت و تعبت و شكلي قدام نفسي و قدام اخويا كان وحش اوي ، رحت لدكتور و بعد كلام كتير قرر يدينا مضادات اكتأب، و كان دوا على قد ما كان بيعمل مفعول و فعلا بقوم الاقي الدنيا تمام ، بس كان بيخليني في عالم تاني ، هادية اوي و مهدودة و مش مركزك في اي حاجة و مش عارفة استوعب معظم الحاجات ، بطلته بعد سنتين و قاطعته فترة لاني حسيت اني كنت تمام لوحدي و ان المشكلة خلصت ، بعد فترة حصل مشكلة تانية في المدرسة و لقيت الموضوع رجع تاني فا رجعت اجيبه ، بس كان تاثير الهددان بتاعه اقوى عليا فا بطلته و اضريت اتعامل مع المشكلة بقى يوم تحصل و يوم لا لحد ما وقت خالص الحمدلله على ١٦-١٧ سنة ، ،من ساعة ما بداءت اكون اصدقاء و صحاب وانا على طول عندي مشاكل ، (من اول الحضانة تقريبا) و اه فاكرة الفترة دي كويس اوي لاني كنت قريبة لوحدة جدا و لقيتها مرة واحدة بعدت عني ، فترة المدرسة كانت وحشة اوي ، على طول بيتنمر عليا عشان رفيعة و انا بطبعي نشيطة جدا و دايما بتحرك و بلعب فا ما كنتش بهتم بمظهري اوي ، تملي شعري منكوش على اخر اليوم و حتى لما كبرت ما كنتش بهتم بشكلي اوي لاني كبرت على تنمرهم و مع الاسف كان هوا هوا نفس الفصل و نفس الناس من اولى لحد صف ٩، فا كان حتى اي حد بيدخل جديد في الفصل بيدموه على شلتهم و يقولو ما حدش بيحب يتعامل معاها دي مملة و nerd في نفسها ، و فعلا انا كنت مهتمة بالدراسة جدا جدا و كنت بحب المذاكرة ، بستمتع بفتح الكتب و المراجعة و اني اسطر الصفحة و الونها ، هما كانو مهتمين بالحاجات بقى بتاعة سن المراهقة ، مين مصاحب مين و دي عملت حواجبها و ده بيلبس من براند كذا بس عشان شكله و مظهره ، انا ما كانتش الحاجات دي في بالي ، مش هاممني اصاحب او احب او شكلي عامل ازاي ، كان كل الي في دماغي اني انجح بس عشان اثبتلهم اني احسن من كل التفاهات الي بيعملوها دي ، لحد صف ٩ حولت بعديها لصف تاني و نطيت سنة ، يعني بدل ما ادخل ١٠ دخلت ١١ على طول و بقيت مع ناس تانية اكير مني ، كنت مبسوطة في الاول اني اخيرا غيرت الصف و اني مش مظطرة اتعامل مع نفس الي بيتنمرو عليا كل يوم دول ، اه بالمناسبة ، والدتي كانت بتشتغل مدرسة في نفس المدرسة دي ، يعني كمان كانو بيتنمرو اني بنجح عشان واسطة و عشان ماما هيا سهل عليها تنجحني ، و كانو بينكرو انكار تام لاي مجهود انا ببذله ، لدرجة اني ساعات كنت بخاف اجاوب على الاسالة الي الميس بتسالها في المحاضرات عشان ما حدش يتريق عليا او يقول حاجة تدايقني ، المهم في الفترة الي انا دخلت فيها الصف الجديد ماما استقالت من المدرسة ، و فعلا اول سنة كان حلوة اوي و اتصاحبت على واحدة في الصف الجديد ، كانت مختلفة عني في كل حاجة الا حاجة واحدة ، المذاكرة ، كانت بتحب تذاكر زي و شاطرة بس كانت عكسي تماما ، كانت حلوة و جسمها حلو اوي و مقسوم و رشيق و بتلبس حلو اوي و على الموضة و شعرها دايما تجرب فيه حاجات جديدة - ( للعلم احنا وضعنا المادي حلو اوي الحمدلله ، كل الحكاية انه ماكانش حاجة بتيجي عليا حلو لاني رفيعة جدا و وقتها كمان كنت skinny جدا ،ف كنت بالجاء اني البس هدوم واسعة عشان ما الانش رفيعة ) بختصار كانت الpopular person في المدرسة ، السنة التانية بدات المشاكل اني لاحظت فيها عيوب وحشة و تصرفات غريبة اوي ، بدات بالتجاهل لما صحابها التانين ييجو و انها تهمشني تماما و بعدين ترجع تتكلم حلو و كويس بس لما تبقى عايزة مني خدمة ، كل شوية حركة غريبة تبين قد ايه هيا بتاعة مصلحتها اوي ، و حصلت بينا مشكلة كبيرة اوي على نهاية الترم التاني و دخول الامتحانات ، و ما بقيناش نتكلم خالص ، عملت نفس الي كنت بعمله قبل كدا اني ركزت في المذاكرة و بس و اني هفضل اذاكر عشان اثبت نفسي و اثبت اني احسن منهم و انه ده الشيء او المكسب الي بجد ، السنة الاخيرة دي انا ما دخلتش المدرسة ، كنت بعمل home schooling عشان المدرسة كانت قفلت على عدد معين في الصف ، فا كنت بروح المدرسة على المحاضرات الpractical بس بتاعك الbiology الي لازم اكيون حاضرة معاهم في الlab عشان اشوف بيتعاملو ازاي مع المحليل و الاختبارات ، اول حاجة خالص ، كانت اني اتحرمت من الحضور لحفلة الfarwell الي بتتعمل للسينيورز لما يتخرجو ، و بعدين اتحرمت من اني احضر حفل التخرج ، هيا هيا نفس المدرسة الي كنت فيها من صف اول لحد ١٢ و المدير يعرفني و يعرف ماما الي كانت بتشتغل في المدرسة و يعرف اخويا الي كان معايا في المدرسة و رفض انه يعمل استثناء اني احضر حفلة التخرج ، و دي كانت الحاجة الوحيدة الي بحلم بيها اني اتكرم مع الاوائل و اثبت لكل الي اتنمرو عليا اني كنت على حق ، راحت مني ، ما قدرتش امنع نفسي اني احضر الحفلة حتى لو ممنوعة من الدخول ، و دخلت فعلا و قعدت معاهم على وفس الكراسي كل الفرق اني ما كنتش لابسة الروب زيهم ، و طبعا سمعت منهم كل الكلام الي اكيد جه في دماغك دلوقتي ، ا نتي ممنوع تقعدي هنا ، ايه الي جابك و غيره كتييير ، كنت بس عايزة احضر ، عايزة اشوف الحفلة ، عايزة اشوف الروب ، قلت معلش برضو هستنى لما النتيجة تطلع و ساعتها هحتفل انا بنفسي و هحيب انا روب لنفسي ، النتيجة جت و لقيتني جايبة حاجة اسمها ungraded و الي هيا في المنهج بتاعنا البريطاني CAMBRIDGE معناها حاجة من اتنين ، يا اما انا سيبت الورقة فاضية ، ياما ما قدمتش الورق في المعاد الي المفروض اقدم الورق فيه ، وانا طبعا واحدة بقالها ١٢ سنة بتقفل المواد بتاعتها و كنت باخد النتيجة احطها بالظرف بتاعها في الشنطة ما افتحهاش ابدا ، لاني متاكدة انا ذاكرت ازاي و حليت ازاي ، معقول هسيب الوقة فاضية برضو ؟ مستحيل ، دانا كتبت زيادة عن الي المفروض يتكتب و متاكدة ٢٠٠ مليون في المية من ده ، ازاي اجيب ungraded في كل المواد ؟ ازاي ؟ يعني ايه بعد كل الضغط ده افشل ؟ ازاي ينتصرو هما عليا ؟ بعد كل التنمر ده الي كان بيوصل ساعات انهم ممكن يرمو حاجات عليا و منهم ( و دي حصلت كتير ) كانو بياكلو و يمسحو ايديهم في الضهري وانا قاعدة على الدسك بتاعي minding my own business و ساعات بيفتحو عليا باب الحمام و يقفو يضحكو و يهزرو و طبعا بلغت اكتر من مرة ، بس واحد منهم كان ابن المدير و كان بيطلع من كل حاجة و اي حاجة ، verbal bullying كتييير اوي على شكلي و على جسمي و على النضارة و بقيت كل يوم الصبح وانا داخلة الصف بتاعي الاقيهم بيقولولي " ييييييه ايه الي جابك النهاردة ، مش عايزين قرف بقى ، ما تروحي احسن مش ناقصين قرف " بعد كل ده ، فشلت ، مع اني عملت كل الي عليا ، انا عمري ما قالولي في البيت ذاكري او قومي راجعي لاني كنت بقوم من نفسي ، و دايما براجع دروسي و عمري ما اخدت درس في اي مادة ابدا علما ان الCAMBRIDGE صعب جدا ، خسرت قدام نفسي و قدامهم و اتقهرت اوي و لغاية دلوقتي مش عارفة اعدي الفكرة دي ، انا بالمناسبة مخلصة مدرسة صغيرة ١٦ سنة من ساعتها الا يومنا هذا اي حاجة تحصل بترجعني للفترة دي و بلاقي نفسي بعيط عياط بحرقة على الموضوع ده لاني فعلا مش عارفة حصل ازاي ؟ ازاي افشل فشل زي ده وانا عاملة الي عليا و زيادة !! طب و بعدين ؟ مافيش كلية ؟ مافيش سفر ؟ هما كسبو كدا خلاص في كل حاجة ؟ من الصدمة الي حصلتلي دخلت في حالة اني بقيت مش فاكرة الي حصل في الكام دقيقة الي فاتو دول ، يعني الي خلاني الاحظ الموضوع ده ، اني كنت واقفة في المطبخ بعصر لمون ، العصارة بتاعة اللمون دي حديد ، و تقيلة اوي و عندنا بقالها كتييير اوي ،المهم انا واقفة بعصر لمون في كوباية عادي ، و بعدين فاجاءة لقيت صبعاي بينزل دم و العصارة مكسورة ، العصارة الحديد ، وانا ما اعرفش اتكسرت ازاي ، ولا صباعي اتعور ازاي و ماكنتش حاسة بوجع صباعي لحد ما استوعبت انه بينزل دم ، بعدها بقى اكتر من موقف اني ابقى بغسل سناني مثلا الاقي نفسي تحت الدش مرة واحدة بهدومي ، ما اعرفش جيت هنا ازاي ولا وقفة تحت الدش ليه ؟ كان اللقطة بتتشال من استعابي و بترجع بعد كام ثانية ، مثلا رحنا نزور ناس و روحنا ، بعد ما روحنا ببص في تلفوني لقيت صور وانا مش فاكرة اني اتصورت او صورت حد او اني فتحت تلفوني لاي غرد اصلا ، و رحت لدكتور و قالي كل ده حالة نفسية من الضغط الي كنتي فيه ، طيب انا هعمل ايه دلوقتي ؟ هكمل تعليم ازاي ؟ اقترحت اني اقدم بشهادة ال IGCSE الي هيا السنة الي قبل ١٢ على طول لجامعات برة - زي ما اخويا الي اكبر مني بسنة عمل - و رفضو رفض تام لصغر سني واني ما خرجتش قبل كدا لوحدي كتير بالتالي مش هعرف اتعامل ، مع العلم انه كان حلمي اقدم في الUAL لاني بحب الفنون جدا و رسامة شاطرة اوي ، بس الفكرة كانت مرفوضة، و بالتالي الحل الوحيد كان اني اخش مدرسة تاني اعيد السنة الاخبرة دي عشان اعرف اخد شهادة ادخل بيها جامعة ، و دخلت مدرسة حكومي ، وانا عمري ما درست حرف بالعربي ولا درست عربي اصلا ، و كمان العربي بتاعي مش حلو لاني نطقت انجلش الاول وانا صغيرة و بعدين اتعلمت العربي ، و كانت مدرسة وحشة اوي اوي الناس من بيئة منحضرة و طريقة كلامهم و تعاملهم بشعة ، مش تكبر مني بس هما كانو vulgar اوي و برضو طبعا تنمرو عليا كتير لاني معظم مصطلحاتي انجلش و عشان مصرية وسطهم (خلايجة) و عشان انا ما درستش عربي والدي اقترحت اني ارجع سنة كمان عشان اعرف اجيب مجموع كويس و دخلت المدرسة من صف ١١ ، تاني خلصت السنتين وانا محطمة نفسيا ، كارهة نفسي و مش عارفة افسر اي حاجة بتحصل ، ليه كل ده ؟ ليه وانا عملت الي عليا ؟ لا و اكتر كمان ، ليه انا الي افشل اوي كدا و هما ينجحو و كل واحد يروح الجامعة الي تعجبو ؟ ليه و هما ناس موذية ؟ يستاهلو الحرق ، خلصت بمجموع ٩٢،٧ ٪؜ و دخلت جامعة هناك تخصص انا بكره ، بس عشان ادبي و ما عنديش اي حل تاني ، الحاجة و الوحيدة الي كانت حلوة في الفترة دي اني لقيت مرسم ، و بقيت بروح معاهم دايما كل جمعة و اتطورت في المستوى بتاعي اوي و تخصصت في التصوير الزيتي ، و بقو هما دول شلتي ، و اصاحبي ، كلهم اكبر مني ٣٠ و ٢٩ و ٣٥ و الاعمار دي ، انا اصغر واحدة ، تقبلوني زي مانا عمرهم ما تنمرو عليا ولا حسسوني اني محتاجة اي حاجة زيادة ، لا انا كنت معاهم بحس اني كاملة من كل حاجة وان شكلي حلو و روحي حلوة و بعرف ابقى نفسي معاهم من قلبي ، بدات الدراسة في الجامعة و خلصنا الترم الاول و جينا في نص السنة والدتي تعبت جدا و لان معظم الدكاترة في الخليج مش شاطرين ، قررت ننزل مصر نهائيا ، و نزلنا و دخلت كلية اوحش ، في مكان اوحش ، رحت السن كفر الشيخ ، و خلاص ما بقيتش بحب المذاكرة ولا بقيت بطيق افتح كتاب ولا براجع ولا بشارك في المحاضرات الا قلييييييل اوي ، كدا انا الحاجة الوحيدة الي كنت بلاقي نفسي فيها و اخيرا بقى عندي صحاب فيها ، المرسم ، اتشالت مني لاننا نزلنا مصر ، و بقيت في كلية و تخصص انا بكره ، دي اكتر كلية كنت مستبعداها ، و اكتر كلية كنت بقول للناس الي هيدخلها بيضع سنين كلية ممكن كان درس فيها حاجة تانية مفيدة اكتر ، ليه اضيع اربع سنين بدرس لغة ؟ حرام والله ، سنة اولى اتعرفت على بنت من حتة بيئة اوي اوي ، و قررت اني مش هبص للناس باصلهم و اني هتعامل معاهم على انهم بشر لان ده الصح ، و فعلا بقينا انا و هيا قريبين جدا مع الوقت لقيتها برضو بتاعة مصلحتها و بتخبي عني الاخبار لحد ما تطلع هيا و تسبق عشان تبقى هيا الاولى و الاحسن ، قررت اواجها و اعاتبها اتهمتني اني بغير منها و اني مش بدعمها باي طريقة ،، المهم اني في سنة تانية نقلت معاها في نفس السكن عشان نكون مع بعض بس دي حاجة زودت المشاكل اكتر ما قللتهاش ، و بعدين السنادي نقلت في شقة و اكتشفت انها واخدة معايا في نفس الشقة و نفس الاوضة ، قلت عادي و اتعاملت بطريقة فرفوشة و كان ما حصلش بينا اي مشاكل ، بس المشاكل زادت و بقت الشلة كلها ما بتحبش تقعد معايا ولا طايقني ، لدرجة ان لو قاعدة في الاوضة ممكن تطلع برا و لو طلعت تدخل هيا جوا ، و ما يشاركونيش اي حاجة خالص ، حاليا انا في تالتة جامعة و لوحدي ،تاني ، و مش عارفة اتحرك ، ما رسمتش حاجة ولا ايدي لمست الفرش من اكتر من سنة تقريبا ، و مش عارفة انجز اي حاجة ، اي مشروع جامعي بسيبه لااااخر لحظة عشان اعمله ، بقيت كارهة نفسي و شايفة اني ماليش لازمة و كارهة شكلي و مش عارفة ارجع اتعامل مع اي حد بطبيعتي الي ما بقتش عارفها انا هيا كانت ايه ولا عاملة ازاي ، ما عنديش ثقة في نفسي اطلاقا و مش شايفة اي فايدة من اي حاجة بتحصل حواليا ، بقى بيجيلي anxiety attacks بشكل مستمر ، و بدون مبررات او سبب ، و في اي وقت او مكان، عادي تحصل في نص المحاضرة ، و بضطر اكتمها و ما ابينش حاجة عشان مش هستحمل حد يتريق عليا باي كلام سخيف ، و break downs كتير اوي الفترة الي فاتت دي و مازلت ، انا تعبت من نفسي و مع الاسف مش عارفة اروح لدكتور نفسي دلوقتي خالص ، حد يساعدني اعرف اساعد نفسي ارجوكم

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • الدكتورة سناء مصطفى عبده اهلا بك يا ابنتي واعتقد انك تعيشين في متاهة وضعت نفسك بها وشعرت وانت تسردين كل حرف وكل موقف وكأنك مستمتعة بهذا الدور انك ضحية ورغم انك ذكية جدا الا انك اخطأت في مواقف كثيرة ولكن نصيحتي لك ان تتركي كل هذه الامور جانبا كلها وتركزي في نقطة واحدة بعد ان تحذفي كل الماضي وكل ما حدث وكل ما فيه لأن بعض منها احداث وبعض منها ربما اغلوطة التهويل، يجب ان تحذفي كل هذا وتهتمي بنقطة واحدة فقط الان وهي ستحل لك معظم مشاكلك وهي مظهرك وشكلك ونظرتك الذاتية، لا نريد طبيب نفسي ولا شهادات نريد ان تكوني في حالة سلام وقبول وحب لذاتك وفقط ان تشعري بنفسك وبقيمتك وتوقفي التنمر عليك، وبما ان وضعكم المادي جيد اذهبي لاطباء تغذية واعملي بنرامج تغذية ليزيد وزنك اعملي فحص لهرمونات الغدة الدرقية فربما عندك فرط افراز فيها هو سبب كل هذا النحول عندك، اهتمي بشعرك بجمالك بمنظرك اذهبي الى طبيب اسنان وجملي اسنانك واهتمي ببشرتك ركزي في ان ترين نفسك جميلة والبسي براند حلو والبس باناقة واظهري بصورة مفاجئة للجميع وارفعي من ثقتك بنفسك وبعد ان تشعري بقيمتك وتنسي كل ما حصل تفكري في امر الدراسة وكيف ستنتقلين للمرحلة التالية هذه نصيحتي لك فاهتمي بها واي مساعدة انا بالخدمة وربي يوفقك
  • صورة علم Bahrain
    صورة علم Bahrain
    من مجهول

    من الخطا ان يحدد الانسان هدف لنفسه ليري الاخرين انه افضل منهم ...نحن في الدنيا كل شخص له ميزات وعيوب .وانت والحمدلله على قدر من الذكاء ولديك موهبة الرسم ولكنك جادة كثيرا وحصرت سعادتك في الدراسة ..الدراسة ليست كل شي ..ركزي على مظهرك لاجلك انت ..اعملي الاشياء لنفسك وليس لتري هذا وهذا انك افضل لان من يتنمر على الناس  لن يتوقف تنمره لانك افضل منه .على العكس اذا كان مصاب بعقد نقص فان تنمره يزيد غيرة منك ..لاتشغلي نفسك بهم هذا نصيبهم من الاحساس بالاخرين وهذه ليست عظمة فيهم هم ليسوا الاشخاص المناسبين لتقييمك ..كل منا له اخطاء والانسان يتعلم  .كل موقف كان درسا لك لتكوني اقوى .اشغلي نفسك بالعمل الخيري تطوعي في جمعيه سترين ان هناك من هم بحاجة للاحسان ولن ينظروا الى شكلك على العكس سيحبونك لانك مددت يد العون لهم وستجدين نفسك بعيدا عن الماضي وألمه ..اكثري من الدعاء ..ارجعي للرسم ..لديك نعمه كبيرة وهي الرسم اشتركي في المعارض ..ارسمي لعمل خيري ..زوري الاطفال المرضى في المستشفى اذهبي الى دار المسنين ..واتركي من تنمر عليك سياتي يوم ويتنمر عليهم اشخاص وربما هم يعانون مشاكل لاتعلمينها ويظهرونها بالازدراء من الاخرين ..تعلمي وضع المكياج انت رسامة سيكون سهل عليك .تعلمي تسريحات اهتمي بنفسك بملابسك ..وستتغير الامور للافضل ..

  • animate

  • صورة علم
    صورة علم
    من مجهول

    ان كان هذا اللأمر أثر فيك عميقاً ان عليك أن تحاولي أن تستعيدي توازن نفسك و أن لا يكون كلام الناس له هذا التأثير عليك تعلمي أن لا يكون التقدير من داخلك تجاه نفسك ,, ان عليك أنت أن تقدري ذاتك لا أن تكوني كثرة الجلد لذاتك ان رأيتي أي تعليق سلبي من الآخرين

  • صورة علم
    صورة علم
    من مجهول

    ان عليك أن تؤمني دائما أن المشكلة لا تأتي من الخارج و تأثر فيك عميقاً الا اا كانت لديك أنت مشكلة من داخلك , ان عليك أن تحاولي أن تكوني أكثر حرص على أن تتعاملي مع الأمور على أنها تجارب و عليك أن تتعلمي منها ان من الافضل أن لا تكوني هشة الى هذا الحد ,,, الانسان بتجاربه و خبرته في الحياة

  • صورة علم
    صورة علم
    من مجهول

    ان ما تعاني منه انت الان يجب ان ينتهي لهذا من الافضل ان تذهبي الى طبيب نفسي لتتعالجي من ما مررتي به في الماضي ومن الصدمه نتيجه التنمر عليكي فيجب ان تفهمي خطئك وان تعلمي ان ضعفك غير مبرر فيجب ان تكوين قوية وان لا تسمحي لاحد من الان بان يقلل منك ايا كانت صفته

  • صورة علم
    صورة علم
    من مجهول

    كوني قوية يا عزيزتي ولا تتركي نفسك للمتنمرين ليتحكموا بكي فانتي امامك الكثير من الفؤص وهناك الكثير من المجالات التي يمكنك ان تتقدمي بها واهمها الرسم فعليكس ان تركزي عليه وتتقدمي فيه فهناك الكثير من الفرص امامك لهذا لا تتركي نفسك للياس ليتحكم بكي ابدا فلابد لكي من ان تكوين قوية وان تفعلي ما تحبي وستجدي العديد من الفئات مثلك يمكنك ان تجتمعي معه وتكوني معهم صداقات

  • صورة علم
    صورة علم
    من مجهول

    ارى ان افضل الحلول هو ان تنشى كل ما حدث وان تبدئي حياتك من جديد فتخرجي كل من لا تحبيه من حياتك وتبدئي بالرسم وفعل كل ما تحبيه والتواجد حول من تحبيهم فقط فانتي في مكان جديد بعيد تماما عن كل من اذاك لهذا اخرجي من تلك الحاله في اسىع وقت ممكن وابدئي من جديد

  • صورة علم
    صورة علم
    من مجهول

    لا داع لان تكرهي نفسك ولا لان تفكري في الامر كثيرا فما حدث قد حدث وانتهى ولا يجب ان تفكري فيه على الاطلاق فلابد لكي من ان تكوني اقوى وان تخرجي من هذه الحاله في اسرع وقت ممكن فالامر بين يديك فعليكي ان تعودي للرسم مره اخرى وان تتقدمي فيه شيئا فشيئا حتى تحققي اهدافك وتصلي لما تريدي

  • صورة علم
    صورة علم
    من مجهول

    كان الله في عونك على التعامل مع هذه الحاله فالتنمر يعتبر من اسوء الاشياؤ التي يمكن ان تحدث لاي انسان لكن عليكي ان تخرجي من تلك الحاله وان تعلمي انها ليست النهايه فيمكنك ان تعودي للرسم وان تذهبي الى الكورسات الخاصه به وتدرسيه وتطوري من نفسك حتى تجدي هوايتك الحقيقيه وتتمكني من الخروج من تلك الحاله

  • صورة علم
    صورة علم
    من مجهول

    يا صغيرتي عليكي ان تعودي للرشم وتمارسي هواياتك ولا تفكري في ان تتركي الامر ابدا حتى تتمكني من انهاء المشكلة وحتى تتمكني من الخروج من تلك الحاله فانتي لا تحتاجي لاحد على الاطلاق لهذا انسي الامر وابدئي في التاقلم مع حياتك الجديده لان هذا هو كل ما يمكنك فعله الان

  • صورة علم
    صورة علم
    من مجهول

    يا عزيزتى حاولى أن تذهبى الى الطبيب النفسى بأى شكل من الأشكال فهذا الحل الوحيد لمشكلتك فالمرض النفسى مثل المرض العضوى فى حاجة إلى طبيب و علاج فلا تتهاونى بالأمر حتى لا تتطور معك المشكله أكثر من ذلك بالأمراض النفسيه تتطور كلما تركت بدون علاج.

  • صورة علم
    صورة علم
    من مجهول

    يا ابنتى الفاضله جميع من تعرفتى عليهم اتفقوا على أمر واحد و هو الابتعاد عنك فهل تعتقدى أن هذا من دون سبب و انك مظلومه ! بالطبع لا يا عزيزتى و لذلك أنصحك بأن تجلسى مع نفسك في جلسة مصارحه و تراجع نفسك حتى تستطيعى التوصل إلى سبب تعامل الآخرين معك بهذه الطريقه و تتخلصى من المشكله

  • صورة علم Saudi Arabia
    صورة علم Saudi Arabia
    من مجهول

    أنصحك بترديد اذكار الصباح والمساء والاكثار والمداومة على لاحول ولاقوة الا بالله ولا تتركيها ابدا وسترين عجبًا في تغير حياتك للأفضل 

  • صورة علم
    صورة علم
    من مجهول

    التنمر من اصعب المشاكل التي قد يواجهها الفرد في حياته ، و لكن عليك بان تكوني قويه و لا تستسلمي لما يحدث معك ، و تذكري أن من يتنمر يسلط الله عليه من يتنمر عليه، ويجني ثمار تمرده كرها بين الناس وفشلا وخللا، و انصحك بكثره اللجوء الي الله و طلب العون منه ، و السعي في تقوية إرادتك ونفسيتك بتجريد التوحيد لله ، ومن خاف الله أخاف الله منه كل شيء.

  • صورة علم
    صورة علم
    من مجهول

    اختي العزيزه اعتقد انه يجب اللجوء الي طبيب نفسي مختص ، فمن الواضح ان ما تعرضتي له ترك لك الكثير من الاثار النفسيه السلبيه التي اثرت علي حالتك الصحيه و النفسيه و علي حياتك الاجتماعيه بشكل عام ، و لذلك التوجه الي الطبيب سوف يساعدك كثيرا وسوف ينقذ القادم في حياتك ايضا ، فلازالت بيدك الفرصه في التغيير من نفسك و من حياتك و من اسلوب حياتك بشكل عام ، و الطبيب سوف يضع لك خطه العلاج السلوكي و الدوائي التي سوف تساعدك انشاء الله

  • صورة علم
    صورة علم
    من مجهول

    يا عزيزتي عليك بالثقه بنفسك اكثر من ذلك ، فانت جميله و كل انسان و لديه بعض المميزات و بعض العيوب وًلا يوجد انسان كامل او خالي من العيوب ، فتأكدي ان كلام هذا الناس المحبطين غير سليم .. و قوي شخصيتك و اهتمي بحالتك الصحيه اكثر من ذلك و اهتمي بنفسك و بهواياتك و ثقي بنفسك و ابتعدي عن الاحباط و تأكدي ان القادم سوف يكون افضل انشاء الله مما فات

  • صورة علم
    صورة علم
    من مجهول

    اذا نظرتي الي من يتنمر عليك و الي من يحاول التقليل من عزيمتك و حبك لنفسك و يحاول احباطك ، سوف تري انه شخص يوجد به الكثير من العيوب ايضا ، و قد تكون عيوب اكبر من عيوبك ! لان تلك هي طبيعه البشر ، فلا يوجد شخص خالي من بعض القصور او السلبيات ، و لذلك ارجو منك عدم التهاون مع اي شخص يؤذيكي ، و يؤثر علي حالتك النفسيه ، فدافعي عن نفسك و حبي نفسك و حبي عيوبك قبل مميزاتك و صدقيني سوف تتغير نظره الناس لك بعد هذا الحب و التقدير .

  • صورة علم
    صورة علم
    من مجهول

    ابنتي الكريمه انصحك بان تحاولي التغيير من نفسك ، فبالتأكيد ابتعاد جميع الصديقات عنك لان هناك سبب لهذا الابتعاد ، و الامر ليس طبيعي فكوني اكثر صراحه و انظري الي تصرفاتك و طريقه تعاملك مع الناس من حولك ، و قيمي نفسك جيدا و اذا وجدتي بعض العيوب عليك بمعالجتها علي الفور حتي تستطعيي تكوين صداقات جديده و دائمه 

  • صورة علم
    صورة علم
    من مجهول

    انا أرى أن اصدقائك القدماء يتعاملون بطريقة طبيعيه فبالعكس انت من تتعاملى بطريقة غريبه فهم كانوا مراهقون و بالطبع سيهتموا بأمور المراهقه و بأن يكونوا محط انتباه و إعجاب و يهتموا بمظهرهم لذلك فلا تلوميهم و الأولى أن تصلحى من نفسك و من عيوبك لنفسك أولاً و لتتخلصى من التنمر.

  • صورة علم
    صورة علم
    من مجهول

    مما لا شك فيه أن تعرضك للتنمر والمعاملة السيئة يلعب دوراً كبيراً فيما يحصل معك الآن من توتر و رهاب اجتماعي و خوف و انعزال ، و للتغلب على هذه المصاعب التي تشعري بها الآن لن يتأتى إلا بالإرشاد النفسي، و تحتاج إلى إرشاد نفسي لمعاونتك في كيفية التغلب على هذه الأعراض التي تشعر بها وكيف تنظم حياتك من جديد و تواجه نفسك و تواجه مشاكلك

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟