أشعر بالضياع والتشتت بعد الزواج (2)

add_commentأضف إجابتك

thumb_downلم يعجبني0

يعطيكم العافية،،، هاي ثالث مرة بكتب هون عن مشكلتي اني حاسس بتوتر و تشتت بعد الزواج،،، حبيت ارجع اكتب لاني شفت ردود كثير وانتقادات، بشكر كل واحد رد و حاول يساعد و كل واحد انتقد ولو حتى بطريقة جارحة ان صح التعبير،،، لما الواحد بطرح مشكلته بكون هدفه يشوف تجارب الناس و نصائحهم و كمان يمكن شخص واقع بمشكلة مثل مشكلته يستفيد و يتجاوزها باقل الاضرار،،،،مثل ما بحكوا اسال مجرب و لا تسال خبير،،،بكون هدفه يفضفض و يرح حاله شوي،، لانه قد ما تكون قوي بتمر عليك مواقف بتضعفك و لو لفترة،،،ومثل ما بحكوا غلطة الشاطر بألف،،، لما حكيت انه خوفي على زوجتي نساني حالي كان قصدي اني كل ما كنت افكر بالانفصال بخاف عليها و على ردة فعلها و انها ما تسامحني او اكون ظلمتها و ارتكبت اثم ،،،وهذا الشيء نساني حالي لاني ما انبسطت و لا حسيت براحة طوال هالفترة،،وحتى الي انتقدوا اني مادي فبحكي لو كنت مادي ما كنت دفعت بدون مقابل بس الواحد ظروف الحياة بتجبره يحسب حسابه من كل النواحي و من ضمنها المادية لانه بحتاج لوقت حتى يرجع مثل ما كان،،،، وعن موضوع انه نسايبي ماديين كان القصد انهم بطلبوا و ما بقدموا، يمكن هيك الناس كل واحد طبعه ووضعه المادي غير عن الثاني،،، بس الانسان بطبيعته بحب يشوف تقدير و خاصة انه مش مقصر،،، والبعض بنتقد اني كنت اعطي اهلي مجال يتدخلوا و يقنعوني بالنهاية الواحد بحاول قدر الامكان ما يزعل اهله و لو انه كان لازم يكون فيه حد للتدخل، والامور بتمشي بطريقة ما كان الواحد متوقعها، هيك الحياة مرات كثير بتفكر باشياء ما بتصدق انك عملتها او كيف عملتها،،، بالنهاية شكرا الكم على ردودكم وعذرا على الاطالة،،واعتبروها فضفضة،،،، ادعولنا الله يختار الافضل و يهدي البال
add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • الخبيرة النفسية سراء الأنصاري
    الخبيرة النفسية سراء الأنصاري verified_userشكرا لتفهمك وتقديرك للردود فهي حتى لو كانت انتقادا هدفها مساعدتك والناس وانا منهم اعطيناك وجهة نظرنا وانت من حقك ان تاخذها او تفكر فيها او ترفضها ويبقى القرار الاخير لك. نشكر ثقتك بنا وبجمهور هذا الموقع والذي عموما يحاول ان يخفف عن السائل وان يتعاطف معه ولو بدا احيانا هناك بعض القسوة ولنتمنى ان يهديك الله لما فيه صالحكما
  • صورة علم Saudi Arabia
    صورة علم Saudi Arabia
    مجهول
    الله يختارلك اللي فيه الخير
  • صورة علم Jordan
    صورة علم Jordan
    مجهول
    انت مملكتك او بيتك عامله مثل بيت العنكبوت(وان اوهن البيوت لبيت العنكبوت) انتبه يا اخ لمستقبل العلاقه لازم تعطيها حقها كامل ولا تخونها بحجه انك مش مرتاح مثل معظم الرجال يمكن انت الان بتقول لا انا ما بخون وما بعملها بس والله الرجل منا لو كان مش مرتاح بيبحث عن اقرب متنفس .حاول تحل المشاكل
  • صورة علم Jordan
    صورة علم Jordan
    مجهول
    ما راح اقولك حبها لانو موضوع الحب والانسجام والراحه مو بيدنا والله يعينك شو بيقهر تعيش مع شخص مو راغبه وبقولك لا تطلق خلص حرام خليها عندك وممكن بعد كم سنه تتزوج واحده ثانيه و نسايبك بخزوا وطماعين حارتنا ضيقه وبنعرف بعض وبالاردن الاهل اللي بدهم السترة بخففوا وبساعدوا هاد اللي بدو السترة طبعا وحتى لو بقدموا وبقدروا بالاردن معروف وضع الشباب مهما كانت وظيفته وراتبه عالي فالحياه بالاردن اغلى من راتبه ولازم نساعد العرسان . وانت بخيل جدا كمان بدليل انك مو منزل مشكلتك عشان تاخد حل وتجاربنا انت للاسف اخدت قرارك وحسمته وغالبا اللي متل حالتكم صعب كتير يستمروا وانت حابس البنت عندك وبتضيع بعمرها و بتفكر بالمصاري اللي حتدفعهم للطلاق وهيك البخيل بعذب نفسه عشان المصاري وانا متاكده لو انك رجال وفعلا على قد كلامك بتقدر تدبر المصاري من تحت الارض يعني انت خايف عالمصاري مو متل ما قلت خايف عمشاعر البنت لانو يبدو انك مو طايقها من البدايه حرام عليك تضيع سنين عمرها وانت بتفكر وفجاه تصدمها بعد سنين يا ابيض يا اسود وهي حقها تعيش وتشوف مستقبلها ارجوك فكر مرة تانيه بلكن وصلتوا لحل غير الطلاق مو طايق اسمع هالكلمه وبترجاك فكر مرة تانيه خلص انسى اهلها وتجنبهم وعيش انت واياها بعيد عنهم بتمنى تبشرنا المرة الجايه انك غيرت رايك ونسيت زفت الطلاق حتى لو شهور ولسسه ما تعلقتوا كتير ببعضكم وما في بينكم عشرة بس خلص مالو داعي الله يرضى عليك غير رايك ---
  • صورة علم Jordan
    صورة علم Jordan
    مجهول
    اااااااخ يا ولدي والله مش عارف انصحك لكن بقولك مرارة الانفصال من سنه الى سنه ونصف لكن افضل من العذاب المستمر لك ولها .وربنا يختار لك الخير
  • صورة علم Jordan
    صورة علم Jordan
    مجهول
    &الحياة لا تعلمك بالمجان فهي بقدر ما تعطيك تاخذمنك ولا تمنحك الصلابه الا حين تجعلك تمضي على اشواك الخيبه الاف المرات ولا تهديك الثبات الا حين تجلدك بسياط الصدمات & ليس المهم كم من الاعوام يسرق منا ولا كم تسلل وضاع منا وليس مهما ان تساقط من اغصان اعمارنا عام ولكن الاهم الا نجعل اعوامنا القادمه تمضي خلف افاق المجهول &
  • صورة علم Jordan
    صورة علم Jordan
    مجهول
    الله يختار لكم الخير ويوفقك """" انا ما بعرف قصتك من الاول لكن ***بتقول ثلاث مرات راسلتنا يعني ٣ اخصائيين ساعدوك والناس اقترحت حلول ولسه مو عارفه تاخد قرار***** لازم تحسموا امركم ما بصير تظلوا انت واياها بتتارجحوا يوم هيك ويوم هي""" هاي مو عيشه ولو شو ماكان القرار ايجابي او سلبي عالاقل الانسان يحدد مصيره ويعرف يخطط لمستقبله ويبدا حياه جديدة ومرة اخرى ربنا يختار لكم الخير **
  • صورة علم Jordan
    صورة علم Jordan
    مجهول
    قلنا لك طلاق لالالالا
  • صورة علم Jordan
    صورة علم Jordan
    مجهول
    انسى اللي دفعته معلش غلطه وصارت وابدا صفحه جديده وخلص خلينا نبارك لك بالصلح والف مبروك مني انبسط مع عروستك واترك النكد
  • صورة علم Jordan
    صورة علم Jordan
    مجهول
    لا تسال الناس عن تجاربهم بالزواج لان كل تجربه تختلف حسب شخصيات الزوجين وتقبلهم ويمكن يكون عندهم مشاكل زوجيه باول سنه وهاد ممكن يحصل انت اللي عندك عدم راحه وهاي مش محتاج كلام اخصائيين انت مثل واحد ما بحب اللون الاحمر وكل الناس بتحاول تقنعه انو لون حلو وهو بيعترف انه لون انيق لكن لا يحبه خلص قناعات ولا اكبر اخصائي راح يقنعك . خلص الله يرضى عليك كمل واستمر ولا تظل تنكش مشاكل وتكبر الامور الفاس وقعت بالراس ممكن ننزعها لكن بشويه الم خلص شو بدك بوجع الراس وقصص طلاق كمل بعين الله.
صورة علم United States
أضف إجابتك على السؤال هنا