تعبت ووصلت لمرحلة الاكتئاب من مقارنة أهلي بين زوجي وزوج أختي

انا عمدي مشكله على قدر ما حسيت فيها و حكيت عنها ماف احد فهمني ، انا عندي اخت اكبر مني بسبع سنوات ، علاقتي فيها ما مفهومه ابدا مره كويسه مره ما كويسه دتيمه الانتقاد لي ما عندها اي راي ايجابي عني و دايما تنتقدنس مع امي و امي دايما تلخد جهتها اذا هي قالت شي ايجابي تقول معاها و لو سلبي كمان تقول معاها هدا غير كلام الناس انها دايما الجميله الانيقه و انا دايما المبهدله في حسن اني ابدا ما كده يعني الناس اللي يعرفوني لحالي ناس جامعتي زمان و كده دايما يقولو عني جميله ز يشكرو لبسي و اهتمامي بحالي ، اليوم انا متزوجه وهي كمان متزوجه انا تزوجت طبيب اكبر مني باربع سنوات و لسه في مرحله التخصص و هي اتزوجت شخص اكبر منها ب ١٤ سنه و خو طبيب استشاري ، اليوم صارت مرحله المقارنه اكتر بكتير صارت في مقارنه الازواج امو زوحها ايش يجبلها و ايش يسويلها و كيف يعاملها و انا زوجي ايش يسوي و كيف طريقه كلامه و كيف و كيف ، انا زوجي شخص عقوي يحب الضحك و الهظار و الونسه و هي زوجها شخص اكتر على هادئ ، تعبت من مقارناتهم ببعض و امي تقول كلام تحت تحت عن زوجها و تشكره و تفعل و تسوي و اما زوجي انا ماف اي تقدير حتى اذا مثلا رحنا السوق و هي عندنا بالبيت بتهلي زوجي يحمل الاشياء كلها من دون مجامله اما زوج اختي لا بتصر انتحمل معاه!، هاد غير انتقادات الاسر و القبايل عشان انا زوجي من قبيله غير قبيلتنا و انتقاد امه و اهله و تشكير اهل زوج اختي طول الوقت !!! انا متزوجه لي سنه بس! و تعبت من كتر الانتقادات عن زوجي و خايفه هاد الشي ينعكس على اطفالي بعدين لدرجه اني فكرت في الطلاق بس عشان اخلص من هاد الكلام و الغيره اللي دخلوها فيني لدرجه صرت انا كمان احسد و اقارن بنفسي و اقعد افكر ليش هاد يسوي كده و هاد ما يسوي و اروح انتقد زوجي ، ياخي انا زوجي امامه اختبارات تخصص و اشياء يسوي فيها و اختبارات بره بتكلف و انا امي بتحب المظاهر انا ما عاجباها عشان ما شايفه مني الفشخرات و الاشياء اللي شايفاها عند اختي لا و غير كده اختي كمان زايده علي الموضوع تعاملها معي دايما بافتراء و دايما اني هبله و ما بعرف شي و دايما غلط و صرت افكر انو ايوه صاح انا هبله و انا ماني واعيه عشان كده اتزوجت شخص لسه بيتخصص و صار تفكيري غريب لدرجه انا كمان صرت انتقد نفسي و ثقتي بنفسي انهزت و صرت اخاف اظهر زوجي لاشخاص هو يقابلهم اول مره عشان بس اخاف يقولو اني اتزوجت شخص اكبر مني باربع سنوات لسه بيبدا طريقه و قدامه كم خطوه و ان اختي المنجزه الكده الكده الكده ... يا ريت لو شخص مختص يوريني كيف اتصرف و ايش اسوي لاني تعبت و نفسياتي في الارض و خفت من المستقبل و صرت اضغط على زوجي ان يتطور و صار بيناتنا مشاكل و انا نفسيتي زي الزفت و مره فكرت انتحر و صرت مكتئبه ارجوكم