أشعر بالفشل وبأني لا أستحق هذه الحياة، ساعدوني

من فترة كثير كبيرة اكثر من سنتين ونا كثير بديت اتغير بس خصوصا بآخر سنتين كثير صارت معي مشاكل اثرت بنفسيتي مع كل هيك كنت عادي بس كنت اعتزل الناس والطلعات وهيك يعني كانت فترات صغيرة وتمر وارجع عادي، بهاد الفترة الاشي زاد عن حده كثير! انا بطلت اتحمل نفسي من زمان كنت اقول لامي اروح عطبيب نفسي بس ماكانت تاخد الامر بجدية لانه محدا شايفني ولا شايف وضعي! ولا اي انسان بالدنيا فاهم حالتي! وانا اصلا بحكيش مع حدا تقريبا ٢٤ ساعة قاعدة لحالي بالغرفة واذا مكنتش مجبورة بطلعش، حتى الطلعات مع صاحباتي وبنات خالاتي كثير بتجنبها وبهرب منها بفضل اضل لحالي قاعدة بعيدة عن الناس والاصوات، حتى لما يكونوا اهلي واخوتي بالبيت كثير بنزعج ولما يطلعوا بنبسط! اه بنبسط لما اضل لحالي وكثير طلعات بطلعهاش مع العيلة، قبل فترة طلعوا يوم طويل مثلا مع العيلة بس مرحتش! فضلت اضل يوم كامل لحالي بعيد عن الناس والازعاج!عدا عن انه كل كلمة بتنحكى معي كثير بتاثر فيي عنجد كثير! خصوصا لما تكون من امي! احيانا بحس انه بدل ما تشجعني كثير بتحبطني ونا عارفة انه مش قصدها اه بس كثير بتذايق، صرت محكيش تقريبا اي حدا بحكي معي بناقشني او حتى ببهدلني يا بصير اصرخ يا بردش وبضل ساكتة ولما اصير لحالي كثير ببكي! طول حياتي ونا اقول لو الانتحار مش حرام زمان انتحرت، معتقدش عندي هاد الجرأة، بس من جديد بديت اجرح إدي اولها كثير كنت مترددة انه انا معنديش شجاعة ااذي نفسي بس بعدها صار الاشي كثير عادي عندي وكل ما حدا قريب عقلبي يحكيلي كلمة بتجرح لو مش عن قصد بروح اجرح ايدي، صراحة انا عنجد بطلت اتحمل هاي الفترة كثير كثير صعبة علي مش عارفة شو اعمل وبقدرش اقول لحدا هالحكي واصلا لو احكي لحدا يمكن ما يصدقني او نعارفة، المهم كمان كثير خايفة من حالي لقدام اذا ضليت هيك بعمل اي اشي عشان اشغل تفكيري عن هالشغلات بس عالفاضي دايما في عندي اعصاب لازم تطلع لازم اعمل اشي عشان اتريح عالاقل انسان واحد يصدقني يوثق فيي يساعدني، او حتى انسان غريب ما بعرفه احكيله كلشي وبعدها يختفي من حياتي، او يساعدني! اكثر انسان بعزه بالدنيا وبحبه وبوثق في حتى مش عارفة احكيله كل هالاشياء! كثير خايفة! انا كثير حاسة حالي انسان فاشل وانسان بستحقش هالحياة الي ربنا اعطاني ياها! الحمدلله عكلشي بس عنجد تعبت من حالتي هاي! (هاد اكيد مش كل اشي بس كثير طولت وكمان اسفة اني طولت بس فش حدا ثاني احكيله هيك) وشكرًا .