صورة علم Iraq
من مجهول
منذ سنتان 6 إجابات
1 0 0 1

أصبت بالقولون العصبي بسبب معاملة أمي القاسية

سلام عليكم انا عمري 21 سنه مشاكلي صحيه ونفسيه ومن وانه صغيره الدنيه معوكسه وياي ماشفت راحد ابد ولا حسيت بشي اسمه طفوله عانيت الحرمان ماديا وعاطفيا ودراسيا عشت باسره جوها مكهرب من وانا طفله حسستني امي بالتفرقه كانت تفضل اخواني عليه بكلشي كانت تهتم بيهم اكثر توفر الهم احتياجاتهم حاطتهم نصب عينيها خصوصا اخي الاكبر باعتبارهم ولد بيهم الفائده والبنت بدون فائدة كانت تقولي انا ماردت احمل بيك اريد اكبر اخوك الاكبر واهتم بصحته انتي اجيتي بالغلط لو ماصايره احسن


القصه بداخل صدري حزينه اكثر من الحروف الي جاي اكتبها كانت ماتخلي اختي الكبيرة تدرسني فقط مكرس الوقت لخدمه اخواني وتلبه احتياجاتهم محد درسني من صف ثالث ابتدائي تقريبا بدت المعاناه وياي اروح للمدرسه بدون دراسه وانضرب على الواجبات يوميا بالمد سه ملابسي انا اغسلهم من صف رابع ابتدائي واستمريت على هالحال انا ادرس وكلشي انا اسوي النفسي وحته من انجح ماطلب شي واخواني الا الهديه الكذا ويوفروها الهم ومشه الحال تازم الوضع اكثر بمرحله المراهقه صارت عليه واجبات بالبيت صرت انا المسؤوله عن تنضيف الييت كله واطبخ بالعطله ويبجوني على الطبخ يعيبون عليه وانا ماجان عندي مشكله بتعلم الطبخ احب اشتغل بس سووه بيه عقده من يعيبون خلتني اترك الطبخ كلش ولا شي ادبره بحدي صارت عندي عصبيه من المطبخ كلش اضوج من الطبخ بيضه ماعرف ادبرها واحس بالفشل وبدأ الاخو الاكبر مني المراهق ايضا يضربني وياذيني بحجه الشقه واستمر الحال لسنتين هيج اخوي مأذيني يضربني هواي وانا اضل ابجي وانتضر جيه ابوي حته اشتكيله من يجي ابوي واشتكيله تنكلب السالفه عليه وامي تدافع الاخوي حتى ماينضرب وطلع انا الغلطانه مره من المرات كتلها شلون انتحر جاوبتني برود انتحري وكانت كله كلمات مو حلوه تسمعني دائما تكلي بره برعه نفسيتي ابدمايوم استقرت وانا عندي واهس للدراسه وطموح قوي بس جنت اواجه صعوبات بدراستي رسبت سنه بالمتوسطه وعبرتها واخواني مامشو بدراستهم ضلو يتمادون ويدلعون ويتحجون على دراسه بقو بالمتوسطه وتغير عليع الحال نوعا ما من وصلت للاعداديه لان صرت انا الاحسن باعتبار وصل خيري شويه صار نوعا من الاهتمام بس ما اجه بعيني لان فهمت القضيه من البدايه اهتمام مصلحه بقت نفسيتي متازمه وموزينه صارت نفسيتي جدا عصبيه وبسرعه ابجي مراره الطفوله والمراهقه والكلمات القاسيه والتفرقه ما انساها صار حاجب وبعد عاطفي وبيني وبين امي والي الان وكل ماتصير مشكله اروح اذكرها بكلمات الطفوله هيج كلتيلي وهيج اتصرفتي وياي بالرغم انا شخصيه عاطفيه وحنونه وقلبي رقيق وا حب المشاكل احب الهدوء بس ما اكدر انسى بقت نفسيتي نتاذيه وتخرجت من الثانويه معدل ناصي مو الي جنت اطمح بي وكملت دراستي وتخرجت بس ضليت اتمرض هواي وبكثره دائما ابد مجاي اشوف صحه تمرضت بالقولون بسبب مشكله صارت بالبيت بس مو وياي و دائما يخربطلي مزاجي ومشاكل صحيه متكرره ارجو مساعده وشكراً

أضف إجابتك

صورة علم United States
السؤال التالي