صورة علم Saudi Arabia
من مجهول
منذ سنتان 5 إجابات
2 0 0 2

أريد طبيب نفسي ليمنعني من العلاقات مع الشباب(3)

السلام عليكم ..سبق ان طرحت مشكلتي وهي علاقتي الغير شرعيه مع الشباب عبر مواقع التواصل .. والتي استمرت 4 سنين اكتشفني اهلي فيها كثير ولم اتب للاسف .. انا الان اطرح لكم مشكلتي .. الحمد لله ان الله من علي من بعد 4 سنين ضلاله ان الله هداني واصبحت عقلانيه وضميري اشتغل ونصيحة لكل بنت مرت او تمر بعلاقه غير مشروعه تفكر .. هل اهلي يستاهلو ؟ هل انا استاهل انهان وتنهان كرامتي تنفقد ثقة اهلي فيني عشان شباب كذابين يبون يشبعون رغباتهم وبس .. انا الحمد لله تبت لله توبه نصوح وقمت اتقرب له بالصلاه والدعاء والاستغفار دايما لكن عندي مشكله هم اهلي .. اهلي مو مصدقين اني تغيرت واني فعلا تبت وكرهت درب الشباب .. انا اعذرهم لاني كل مره فالاربع سنين الي مضو كنت اكذب واوعدهم اني بتغير وماتغير .. بس حاليا والله اني كرهت هالدرب وتركته ودايما لساني يلهج اللهم قربني منك وبعدني عن معصيتك بس اهلي مايصدقوني .. انا عمري 19 سنه .. احتاج وبقوه لاصدقاء قريبين لي ل اهلي .. صديقتي الوحيده ملتزمه احيانا حتاج افضفض لها همومي اقولها عن مشاكلي بس اخاف تنفر مني وتضن اني لازلت مستمره بالمعاصي .. ياجماعه امي ماتكلمني بتكمل شهر كامل ماتكلمني ارسلت لها الرسائل اعتذر ولاقيت رفض وعدم تصديق .. خواتي يرمو علي كلام يجرح وامي تضل ترسل كلام ضربات لي ف قروبات الوتتس اب .. انا تعبت جدا ماحد يحترمني فالبيت حتى اخواني الصغار .. ماحد يكلمني فالبيت وانا والله العظيم بطلت هالطبع وكرهته وتبت لله بس ماحد بيصدقني ابدا .. مادري وش اسوي والله اني اكتب لكم ودموعي تنهمر واشعر بالغصه .. ادري كل الي اعانيه صنع يدي بس الشيطان كان مسيطر علي وانا تبت لله واستغفرت .. كيف اتعامل مع الوضع فالبيت انا حاليا دايما ادعي بصلاتي ان الله يريح قلوبهم تجاهي ويسعدهم سعاده تنسيهم الحزن وبعد مارفضت رسائلي امي مارسلت شي صرت اقوم بواجباتي فالبيت وما اتكلم على امل ان قلب الام دليلها وانها بتحس من حالها اني تغيرت وبيني وبينكم انا ماعندي جرأه اكلم امي بوجهها او اكرر باعتذاري لاني اخاف الصد واخاف اواجه وماعرف وش اقول خصوصا اني استهلكت فالاربع سنين كل الاعذار وماحسها بتصدقني ف شي .. عندي عملية بعد كم يوم للغده ل الغده الدرقيه واخاف اسويها وامي مو راضيه علي واكيد احتاج حنان امي بمرضي .. دعواتكم لي ومشورتكم علي #