أمي كثيرة الكلام والشكوى وتشعرني دائماً بالنقص

فقدت حبيبي في بدايه سنه ٢٠١٣ وفي نهايتها انفصل عنا ابي نهائي وما ادراك ما اقربهم لقلبي ولايوجد سواهم به ولكن السنين منستنيش واشعر بالوحده والوجع والتعاسه والنقص وربما سلبيه امي لها دور بذلك فهي كثيره الشكوي والكلام اللي مالوش فائدة زي دي قالت ودي عملت وجارتنا سوت وحاجات لا تسبب لي سوي الخنقه والمشاكل الكثيره معها رغم اننا ميسورين الحال الا انها دائما تشعرني بنقص الاب والمال والزاد وتضعف شخصيتي وتقول لي دائما انتي منفوخه ع ايه احنا حيلتنا حاجه ولما اقولها ودا ذنبنا تقولي دا انتوا عايشين في خيري!!! انا حقيقي مخنوقه وكارهه كل الناس وبعدت عن كل اصحابي ومش عايزه اتعامل مع حد ولا ليا نفس اعمل اي حاجه سوي النوم والاكل ودائما عصبيه ومتضايقه ومعنديش صبر وبخلي الناس تكرهني عن قصد انا مش عارفه الحل ايه غير اني استقل بحياتي بس لسه فاضلي سنتين فالكليه ومش هقدر ارجوكم ساعدوني