صورة علم United States
من Belal
منذ 11 شهر 9 إجابات
1 0 0 1
  • لا شيء في حياتي كما أريد لذلك قررت الانتحار

    السلام عليكم .. انا بعد تفكير طويل طويل طويل قررت الانتحار بكرة او الي بعده والمشكلة خايف على زعل اهلي انا الحياة بطلت تفرق معي من جميع النواحي .. احس مافي داعي اعيش ابدا ما احب اطلع من البيت ما احب اكلم حد ما احب اطلع مع اصحابي نفس زمان ونسهر وننبسط مافي شي ابدا صار يعجبني حتى بطلت اتمنى شي .. بطلت اتمنى يكون عندي شغلة معينة او طلعة حلوة او اتزوج او اي اي اي شي يعني مافي شي ابدا ابدا اتمناه.. كنت خايف من الله سبحانه وتعالى حاولت اصلي ودعيت وبكيت بالصلاة انه يا الله خدني اليك وطولت جدا بصلاتي.. كنت صادق بالدعاء ماكنت مقرر اموت نفسي حكيت لو الله اخدني واستجاب دعائي ما بكون مذنب انشاء الله .. بس مانفعت 🙈 حتى حاولت استعين بالصلاة انه ربي يساعدني ويسر امري بس عشان اكون صريح معاك ما قدرت التزم بالصلاة وبعرف انه ممكن سبب تعاستي انه بعيد عن ربنا لكن مو قادر التزم ابدا يعني ما احس بالذنب لما باذن وما اقوم تضلي استغفر الله العظيم بعرف عيب وحرام الي اقوله بس هذا بالفعل الي يصير معاي.. مافي شي في حياتي ابدا ابدا اوكي.. عندي صديقي دايما كان يزورني وينام عندي يومين ثلاثة وبعد فترة سمعت امي عن طريق عالصدفة تقول لاهلي الكبير انه حاسة صديقي ينام معي 😅 تخيل امي تقول هذا الكلام وطبعا كلامها مبني على انها تشوف عندي محارم  فيها الله يعزك مني .. طبعا هذا بسبب احيانا امارس العادة السرية.. الفكرة انه ليش امي لتفتش شوفي في المحارم ؟ طبعا هذا بسبب من مليون سبب اني افضل الموت احسن .. مديون جدا جدا شغلي اخر فترة جدا تعبان انا اشتغل شغل خاص.. والي احبها تركتني مع انها تحبني بس لاني كثير عصبي ملت وحكت الحياة معك رح تكون صعبة لو تزوجنا وانا احبها كثير لانها الوحيدة بالحياة الي تحبني .. طبعا هاي مشكلتي بشكل مختصر جدا جدا ويمكن تحكي انها مشاكل تافهة .. بس لانه ما اقدر اكتب كل شي واشرح كل شي .. مختصر الموضوع مافي اي اي اي شي في حياتي زابط ماقاعد اشعر انه نفسي اعيش ابدا .. كل يوم كل يوم اتمنى الموت بس خايف انتحر وما اموت واعيش بعاهة.. بس قرات بالنت اذا اخذت كمية كبيرة حبوب منومة رح انام وما اصحى وهاي اسهل طريقة وعجبتني ورح اطبقها بدون اي تردد بس تقريبا قلت اجرب اتكلم مع حد قبل ما اموت يمكن يعطيني حل واقعي وملموس.. لانه حاولت طرق كثيرة اني احب الحياة.. ما قدرت حاولت اغصب نفسي على الطلعة برة البيت مع الشباب ماحبيت حاولت اصلي ماقدرت قصيت شعري صفر عشان اسوي تغيير وجبت عدة تمرين عشان الصبح اصحى افطر واتمرن واطلع اتمشى شوي برة اكسر الروتين وابدا يومي بسعادة كمان مانفع جربت كم يوم لسا نفس الشعور .. كاره وجودي فس الحياة اتمنى من كل قلبي الموت واقول ان الله غفور رحيم انشاء الله رح يسامحني لانه يعؤف شو في داخلي... حياتي جدا زفت مافيها شي يستاهل اعيش عشانه كل يوم مشاكل وملاحقة دين ومسؤلية حياتي كتير كتير تافهة ومافيها احسن ابدا


أسئلة ذات علاقة