شعرت بالضعف بعد هذا الموقف ولكن ماذا سأفعل؟

انا بنت وعندى ١٨سنه خالتى قالتلى ان واحد من ولاد خالتى هيتقدملى وشوفى نفسك هتوافقى ولا لا بعدها بيومين كان ابن خالتى داخل الببت عندنا هو واهله وخالتى انا فكرت جاين يطلبوا ايدى وكنت طايرة من السعاده لكن اكتشفت انو خطب والكل كان بيتعامل معايا بكل برود وخالتى الى قالتلى اتضح ان هى الى جابتله العروسة حد يتخيل كده لما بنته و اخته يحصل معاها الموقف ده انا مش عارفه خالتى ازاى قدرت تعمل معايا كده انا كنت من شوية طايرة من الفرح وفجاة كل حاجه راحت مش عارفه مسكت نفسي ازاى يومها انا حسيت بخنقه جامده وبكيت جامد انا اللى جرحنى اكتر من انه خطب ان خالتى هى الى سرقت فرحتى انا عارفه ان كل حاجه ربنا بيعملها لسبب بس انا كرهت نفسي من وقتها وحاسه بالضعف جوايا ومش قادرة اعيط واقول لامى حتى وامى تقولى كله خير. ده مش من نصيبك انا عارفه بس مش قادرة اتخطى الموضوع