قسوة أخي وضربه المستمر لي جعلني أفكر بالانتحار

قضايا نفسية
animate

مشان الله عنجد مليت وتعبت اخوي مرضني نفسيا ما بفكر الا كيف انتحر بس انا صارلي 5 سنين ما بحكي معه بضلو يضربني على شي وعلى ولا شي لحد ما بيوم فليت من البيت وشكيت عليه بس اسقطت شكوه ما هانت علي احبسو ..وارجعت ع بيت وضربني بسلك الكهربا علم على جسمي وسكتت مشان امي بس .. وهو بكبرني ب 4 سنين امجنني وجنن امي كان جامعه وحول لدبلوم وضلو اربع سنين بل كليه وبضلو يغير تخصصات وهلا هو لا شغله ولا عمله الا فيه وقاعد لا شغله ولا عمله وبوخد مصروفه من امي ... كان لازم انا سنه ثانيه جامعه بس لساتني فصل بجامعه اتاخرت لانو منعني اقدم للتوجيهي برغم من هاد كلو قدمت بسر وانجحت وسجلت بجامعه ...صار يحسبلي كم ساعه بضل بل محاضره وكم دقيقه لاصل الباصات واروح ويا ويلي اذا اتاخرت عنجد مليت انا برغم من هاد كلو بحط الحق على ابوي الي تركني وراح لانو هو المفروض يكون سندي ويحميني اذا ما في اب في اخ بس للاسف الكل بستقوى علي وامي رجعت فينا لعند بيت اهلها اخلصت من اخوانها الي هما اخوالي ل يجيني اخوي والله كان عمري 11 سنه و10 الا اخوالي كانو يضربوني بزنار ليش بلعب ب الحاره مع انو بناتهم كانو يلعبو عادي بس الا انا لانو ما الي ضهر سند يسندني ..وهو طالعلهم وكل ما بجوني عرسان بسير يحكيلهم ما بدنا منك اشي بس خدوها وهما اكيد بعد هيك ما راح يرجعو وما حدا برجع لانو اي حدا بفكرني معيوبه بس انا والله مش هيك هو بضلو يطلع فيه اشياء غلط دتيما عشان يعملي مشكله ليش حواجبك هيك وليش جلبابك من فوق ضيق ممنوع تلبسي تشيرت قدامنا الا بدشداش ممنوع يجو صحباتي عندي ولا اجي على صحباتي ممنوع اطلع الا بس على جامعه ممنوع يكون الي راي باشي بل بيت عنجد مليت حاولت انتحر مليون مره الا انو الله بعطيني فرص ليكون عندي امل بس تعبت بامن انا انو بعد ما انتحر ما راح استفيد لا دنيا ولا اخره بس صعب تضلك عايش وانت منبوذ في يوم بيجي بتنفجر فيه ويمكن تخسر كل اشي وانا خايفه بس اخسر امي لانها تعبت عشاني وضحت بس ما بتحكي معو اشي كلشي ماشي بسير الي بدك ياه وبتعرف انو هو غلط بس عنجد اما اذا بيوم اتجوزت وشاف علامات ضرب شو احكيلو بنفيس الوقت بخاف الي راح يسير جوزي هو يستقوى علي ويتركني زي ما تركنا ابوي مش عارفه شو احكي اعتبرها فشت غل

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • الخبيرة النفسية د.سراء فاضل الأنصاري مع الاسف هذه بعض من مجتماعتنا والاستقواء على الفتاة من قبل الاب او الاخ ،،، عليك بالصبر وان تجعلي هدفك انهاء جامعتك ودراستك والالتزام لاقواله وطلباته اعتبري نفسك في سجن موقت ولكن لديك هدف ان اكملت الدراسة سيخف عنك وحاولي ان تعملي بعدها ايضا قبل ان تفكري بالزواج فالمرأة العاملة اقوى ولن يستطع الرجل التحكم فيها ،، ليس امامك الا الصبر والانحناء للعاصفة لان بوقوفك امامها قد تكسري
  • صورة علم Jordan
    صورة علم Jordan
    من مجهول

    يا روحي يا اختي الله راح يعوضك حسبي الله ونعم الوكيل 

  • animate

  • صورة علم Jordan
    صورة علم Jordan
    من مجهول
    الله يخلصك منه وتنهي جامعتك وتشتغلي وتتخلصي من تسلطه ويبعث له ربنا شيء يلهيه عنك هالمتخلف الفارغ عقليا وعاطفيا
  • صورة علم Jordan
    صورة علم Jordan
    من مجهول
    الله يصبرك يا اختي وادعي الله بقلب صافي يفرج عنك هالغمه وما في شي يضل للأبد الا ما يجي يوم ويسير كل اللي حكتيه ذكرى بس الك قولي حسبي الله ونعم الوكيل
  • صورة علم Saudi Arabia
    صورة علم Saudi Arabia
    من مجهول
    ليش مبترسلي لوالدك وتحكيله ليغيثك من القهر هدا كان الله في عونك
  • صورة علم Jordan
    صورة علم Jordan
    من مجهول
    اصبري حتى تخلصي دراستك وتشتغلي وتصبحي مستقله ماديا وكل هذا بصير ماضي واخوك حاولي تسايريه وتداريه ما في غير هيك حل الله يفرجها عليك
  • صورة علم Jordan
    صورة علم Jordan
    من مجهول
    ما اعتقد انو عنا زي هيك بالأردن هاد الحكي كان زمان وكمان ممكن في مبالغه نوعا ما
  • صورة علم Syrian Arab Republic
    صورة علم Syrian Arab Republic
    من مجهول
    زي ماقالتلك الخبيرة..لاتقفي بوجه العاصفة..حولي من جامعتك نقطة قوة الك..كملي دراساتك وتفوقي بها لتصبحي سيدة في المجتمع..امامك الحياة باكملها
  • صورة علم Syrian Arab Republic
    صورة علم Syrian Arab Republic
    من مجهول
    الله يكون بعونك صلي وادعي الله يهديه ويبعتلو بنت الحلال هيك بيلتهي فيها وبخف عنك شوي
  • صورة علم Jordan
    صورة علم Jordan
    من مجهول
    حسبي الله فيه مريض نفسي
  • صورة علم Turkey
    صورة علم Turkey
    من مجهول
    الله يهديه و يختارلك احسن عبيدة ليكون زوجك و يقدرك و بعوضك خير ...
  • صورة علم Algeria
    صورة علم Algeria
    من مجهول
    هناك سوء تفاهم مع اخوك عزيزتيي اوعك تنتحري اوعك نصيحة مني كاخت انا ايضا اخي يعملي هيك تعرفي ليش لانو بخاف عليكي من الوقوع في المحرمات وغيرها لدرجة انو اثر فيك كثير لابد على اخيك انو يتفهم هالشي لانو مبالغ فيه طيب الحل هو انك تجربي تحاوريه ...................
  • صورة علم
    صورة علم
    من مجهول
    اخوكي مريض نفسي بحاجة الى علاج
  • صورة علم
    صورة علم
    من مجهول
    لا تسكتي و افعلي كل ما بوسعك ليبطل هذه الافعال
  • صورة علم
    صورة علم
    من مجهول
    وين عائلتك ؟وين كبير العائلة؟ روحي اشكيله
  • صورة علم
    صورة علم
    من مجهول
    ما تكوني ضعيفة وتستسلمي للأمر الواقع صدقيني لو انسجن يوم واحد حيفكر الف مرة قبل ان يمد يده عليكي

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟