صورة جنيني المتوفي لا تفارق خيالي ولا أستطيع النسيان ساعدوني

بطرح مشكلتى يمكن لاقى حل يريحنى ويهون علية لان مش قادرة انسي وكل الايام مابتمر كل تعبى وقهرى مابيزيد يمكن مشكلتى عند البعض تكون بسيطة لان دى اشأت الله وانا راضية بيها بس اللى جربها يعرف انها صعبة قوى انا عندى 33 سنة ومعاية 3 اولاد من تلت شهور ونص كنت حامل وقبل معاد الولادة باسبوع رحت لدكتور عشان يحدد معاد الولادة اتفجأة بدكتور بيقولى ان الجنين متوفى مع انى كنت متابعة مع دكتور دايما وباخد علاجى فى موعيده لانى انا عندى ضغط حمل بس كان مظبوط بالعلاج بس دى مشيئة الله ولا اعتراض بس الموقف كان مفاجئ وعملى صدمة خصوصا ان دة الابن التانى اللى يروح منى اعصابى تعبت وحسيت باحساس عمرى ماحسيتة قبل كدة وكل ماشوف طفل من سن ابنى قلبي بيتقطع وقول ابنى كان قدة مبقتش اخرج من البيت ولابشوف حد ولاعايزة حد يشفنى وكل مابسمع ان فى واحدة تعبانة فى حملها بدعو ربنا ان مفيش واحدة تحس بالى انا حسيت بية وشفتة ان عارفة ان دى مشيئت ربنا بس انا قلبي وجعنى قوى ومش قادرا انسا ابنى ولا شكلة الجميل وهو ميت وكانة نايم زى الملاك وصورتة مبتفرقنيش حاولت اخرج من اللى انا فية ومفكرش فية مش قادرة نفسي انسا وعيش حياتى زى الاول ومش عارفة اعمل اية