ذكريات الطفوله جعلتني اطلب الطلاق

السلام عليكم ... انا يوم كنت صغيره تعرضت للتحرش من اولاد الأقارب وتزوجت وعمري ١٨ سنه زواج تقليدي وماكنت متحمسه مثل اي بنت للزواج ، بعد الزواج ماحسيت بشعور المتزوجه حتى البيت لنا ملك وربي ماحسيت انو لي اوفرحت فيه اوحتى شفت اثاثه ولافكرت اعدل او ابدل فيه ولاحسيت ذا الشخص ك زوج لي والعلاقه بينا من ناحيتي ميته كأني جماد. بلا مشاعر واتقزز منها بشكل فضيع حاولت اضغط ع نفسي ما اقدر ظلمت الشخص معي اتهرب منه وانا مالي حق حتى جلست مع نفسي وفكرت بوضعي وطلبت الطلاق طبعاً اكيد امور ومشاكل طلعت لي لأن ماكملنا السنه متزوجين ،، والحمد الله اهلي اقتنعو وتم الطلاق وجابو لي شيخ قال فيني مس عاشق لكن بصراحه ماني مقتنعه !! لما اشوف اولاد وبنات صغار يلعبون مع بعض خاصه فيه تلامس جسدي بينهم بصراحه اتقزز واتذكر طفولتي اصرخ عليهم وافرقهم عن بعض !! الأن مشكلتي شي نفسي يتعلق بالماضي ؟! او كما قال الراقي واستمر بالرقيه ؟! خايفه من التجربه وخايفه يستمر الوضع مستقبلاً انا صغيره بالعمر ابي اعيش حياتي مثل غيري من البنات أسس لي حياه وانجب لي اطفال ،، جُزيتم خيراً ..