بعد أن توفى والدي تغيرت كل حياتي

السلام عليكم ورحمة الله وبركاتههذي اول مره لي اطرح فيها عن مشكلتي وارجو منكم مساعدتي حدثت لي هذي المشكله بعد ماتوفى ابوي الله يرحمه ابوي رجال كبير بالعمر وتوفي لكثرة الامراض الي فيه المشكله انه لما توفي ورحت للجنازة ماحسيت شي حسيت بفراغ وانا انظر لأهلي كلهم يبكون الا انا مابكيت دفنا ابوي ورجعت للبيت طبعا اهلي كلهم يبكون ومره حزينين الا انا رحت لغرفتي واحس بفراغ وهنا بدت المشكله الحقيقيه : صرت كئيب مااخرج كثير من البيت اصحابي الي كنت اروح لهم ماصرت اروح لهم صرت بس اقابلهم على الانترنت او بالمدرسه اقاربي ماصرت ازورهم زي اول صرت منقطع عنهم وصاير انام كثير و افكر كثير صرت ابكي لاني ابغى حياه ثانيه غير الي انا فيها و الاشياء الي كنت احبها صارت شي عادي بالنسبه لي مرت ثلاث سنين وانا بنفس الحالهصرت اغيب عن المدرسه ومااهتم ودي انام واضلي نايم انا عارف اني فيني مرض الاكتئاب بس ماادري ايش اسوي اروح لمين؟ فيه اشياء كثيره فيني بس ماابي اطول عليكم للعلم: عمري كان16 لمى بدت معي هذي المشكله