مللت من الوحدة والروتين القاتل

ياجماعة انا مشكلتي أغلبكن بعاني منها بعرف بس لازم يكون في أمل انو الله بيوم رح يسخرلنا الاشياء او الناس لحتى نحقق مرادنا وانا عندي أمل بصراحة انا مليت من الروتين الممل يلي مالو نهاية مليت من الوحدة انا وولادي مافي مجال لشي ابدا لا طلعة ولافوتي وجوزي يلا يلحق ع شغلو ونحنا عطول بلبيت ما حدا بيقلنا مرحبا وانا متابعة الصفحة وبحاول استفاد من النصائح بس ما عم تزبط بضل بذكر الله بحاول اقرأ بحاول لعب ولادي انشغل بشغل البيت بس مافي نفس لشي احلامي عم تروح مني كنت بنت كتير طموحة وبراسي ألف شغلة بس الحياة ومشاغلها الفاضية قتلت كل شي انا جواتي في وحدة تانية ماعم اقدر طلعها بحب الاجواء الحلوة بحب الناس بحب الشغل والتعب بحب اعمل رياضة بحب كون أم وزوجة مثالية ساعد زوجي وولادي بس ماعم اقدر حاولت دور ع شغل بس لان مافي خبرة الراتب مابجيب حضانة ولادي وما زبطت  حاولت اتعرف عالناس كمان ما زبطت كلو مشغول وانا حابة كون مشغولة وكتييير انا مليت وعندي أمل لهيك عم احكيلكن .