أرضي الناس على حساب نفسي

في عندي مشكلة مع الي بحبهم، دائما بهمني ارضيهم لاني بخاف اخسرهم ولو على حساب سعادتي او رضاي.. لانه حتى لو زعلت ما بهون علي زعلهم، بحس انه لازم ارضيهم عطول.. وهاد الاشي بيعطيهم ثقة زيادة انه انا دائمًا رح ارضى وما رح ازعل شو ما عملوا..وكمان اشي اني بحب اشوف حالي مثالية وقوية بعين نفسي.. يعني بدي دائما اكون الانسانة الي الكل بيجي يشكيلها وكتييير بحب اساعدهم وما عندي مشكلة بالموضوع، بس بحس حالي ما بحب حدا ينصحني او انه اكون ضعيفة قدام حدا واروح اشكيله او ابكيله مهما كان قريب على قلبي.. لهيك انا من الناس الي جدااا كتومين وبالعادة ازا حكيت بحس اشي غريب او بندم، لانه الموضوع حينحل عاجلا ام آجلا ومو ضروري كنت اشكي لحد ويشوفني بضعفي.. وهاي الاشياء بتضرني مرات وبتخليني انفجر او اتضاايق كتير.. وبنفس الوقت مو قادرة اتغير من هاي النواحي ومو زابط معي ! فشو اعمل؟ هل لازم اشوف حل ولا اضل زي ما انا واصبر على طبعي ؟