منذ الصغر للآن أتعامل وكأني الأم والأب والأخ لنفسي

قضايا نفسية
animate

السلام عليكم عندي مشكلتين الأولى انه كنت في بداية حياتي متل اي طفلة ما عندها المسؤوليه لانه اهلي كانوا مو مهتمين أو لأنهم ما عندهم تجارب في الحياة ومع السنين حسيت انه لازم اهتم بنفسي وبعمري ومستقبلي واهتم في دراستي وفعلا بلشت حياتي من تحت الصفر لانه ما كان حدااا جنبي ابداااا وحتى لو اعملت شي منيح ما حدا بهتم لأمري وبلشت اجتهد في حياتي من تنظيم وترتيب ومسؤوله عن كل شي وكأني الأم والأب والأخ والأخت لنفسي وبصراحه كنت مبسوطه كتيييير لاني كنت بنجح في نظري واني كنت مسيطره على حياتي ومركزه في مستقبلي وشوي شوي صار عندي طموح وامل ومتفائلة كتير في الحياة مع انه اهلي ابدا مو معي وكانوا يأمروني بالاشي البسيط والاسهل بس هاد الاشي ما كان يقنعني وضليت اتميز في حياتي وكان عندي ناس في حياتي بس ما كان حدا بعرف انه انا هالقد تعبانه بسبب أفكار اهلي بس حكيت معلش هيك اهلي وعمري ما رح احكي عن اهلي شي عاطل ومشيت الأمور وانا كلي أمل بس فجأة اتغيرت فجأة صرت بكره الحياة وكل شي راح من أيدي املي وطموحي ونجاحي انا صح في الجامعه هلا وفي التخصص الي بدي اياه بس المشكله ما عندي امل ولا طموح ولا حتى اراده ابدااااا وبحاول اغير من أفكاري واعمل نفس الخطوات الي استخدمتها زمان انه اردد كلمات التفاؤل بس بدون فايده وكنت زمااان احب ادرس وبحب يكون عندي هوايه أما من 6 سنين فجأه ما بعرف شو صار فيني كل حياتي نوووم كل حياتي اكل وشرب وطلعات بلا فايده وحتى وانا طالعه ما بحس بطعم الحياة ولو اسافر حتى على البلد الي احبه ولا كأني رايحه مكان ونفسي اتغير وبعرف انه النجاح إصرار متل ما كنت مصره اول مره في حياتي بس مو عارفه ليه هيك صرت حتى في الجامعه دايما بغيب عن المحاضرات وانا الي كنت ايام المدرسة مستحييييل اغيب وكنت اصحى من صلاة الفجر ادرس وهلا بس علاماتي 7 او 8 وبحكي لازم ادرس اكتر لازم اجتهد ولما أقرر خلص بحس الدنيا بتخنوقني والله ضايعه وعندي أمل اتغير وكل يوم بحكي اليوم بدي ابدا من اول وجديد بس للاسف على الفاضي ولساته عمري 23 يعني هاد الاشي من لما كان عمري 18 وانا الحسرة في قلبي على حلمي الي تعبت علشانه سنين وأيام وليالي وهاد كله ابداااااا ما ببين على شكلي الخارجي ولو حدا يسمع هاد الحكي مستحيل يصدقوا من الي حولي لانه هاد شي فيني من جوا وما حدا بحس اصلا فيني من زماااان كيف اتغير نفسي أنجح في حياتي نفسي ارجع اكون احسن من الاول ......والمشكله التانيه هي بصراحه مو كتير مشكله بس بفكر بالموضوع انه انا الحمد لله رب العالمين أكرمني بالجمال والمشكله هي اعجابات الشباب الي في الجامعه او في اي مكان بس حاليا الأهم في الجامعة لانه اكتر شي بتكرر معي وهو أنه متلا بلاحظ اكتر من شب بكونوا بطلعوا علي وانا بكون عادي ما عندي زماله أو صداقه وبس ارفع عيوني يعني عادي هما على طووول بشيلوا عيونهم وكأنهم ما بدهم اياني اشوف اهتمامهم وحتى دكتوري امبارح اتصرف معي نفس التصرف وانا ما بفكر بحدا اصلاا حاليا ولا حتى بعطي مجال لحدا في هاد الموضوع بس انا طالبة وهما طلاب وهو دكتوري يعني ما في داعي لهاد الاشي وانا لو اتعامل مع اي حدا منهم بكل احترام ومو الكل بتعامل معهم اصلاااا بس مو فاهمه تصرفهم ولا عارفه متلا متل دكتوري اتجاهل وأضل مو مهتمه بكل الموضوع .

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • الخبيرة النفسية د.سراء فاضل الأنصاري حدث تشويش في حياتك أولوياتك أعيدي تنظيم اهتماماتك الانسان يتغير وربما تغيرت اهتماماتك اولا ضعي اهتماماتك على ورقة جانبك ثم ضعي أهدافك السابقة وحدي ايجابيات وسلبيات كل واحدة على حدة وقررت أيها الأفضل لك بعد وضع أهداف مستقبلية حددي لك أوقات للعمل وأوقات للهو متمسكين بها ما يحصل في الجامعة امر طبيعي سيري بدرب افضل والذي يريدك حقا سيتقدم او يتعرف عليك وإلا العجاب ليس بفلوس كله يعجب المهم من هو الأكثر ومن هو القادر على الالتزام
  • صورة علم
    صورة علم
    من مجهول
    ضعي خطه ليومك قراءه القران والعبي رياضه واخرجي خارج المنزل لمده ساعه في مكان هادئ مع صديقاتك ولا تحبسي نفسك وبالنسبة لمشكلة نظرات الشباب فهذا بيحدث معك من زمان لكن انتي من جديد تلاحظيه
  • animate

  • صورة علم
    صورة علم
    من مجهول
    قصتك درس كبير لكل شخص بيمر بلحظات يأس .لكن يا اختي من لا يصعد الجبال او لا يحاول الصعود الى الجبال لا يسقط ولا ينكسر ولا يفشل .. كل طريق كل هدف كل شيء تريد تحقيقه سوف تتعرض لفشل و هنا الفرق بين الانسان الناجح والانسان الفاشل
  • صورة علم
    صورة علم
    من مجهول
    العظماء في الحياه مروا جميعهم في مواقف صعبه جدا وفي لحظات فشل وانكسار لكن القدره والمهاره والفرق بين الانسان العظيم والانسان العادي هو ان يستطيع الوقوف من هذا السقوط وان يكمل المشوار
  • صورة علم
    صورة علم
    من مجهول
    لا تتعاملي مع النظرات من الشباب باهمية كبيرة لانها طريقة ابدا مش صحيحة لبناء اي علاقة .. التزمي مكانك ومن يريدك سوف يأتي لك
  • صورة علم
    صورة علم
    من مجهول
    المسألة لا تتعلق بكمية اللكمات التي توجهها لهذه الحياة، بل تتعلق بصمودك لكمية الضربات ، كلنا نتعرض لمحطات صعبة، المهم وقوفك من جديد واثبات انك قادرة
  • صورة علم
    صورة علم
    من مجهول
    عملية اصلاح وتغيير الذات مسألة تحتاج لارادة، وانك اعترفتي بمشكلتك فهذه مبادرة رائعة واختصرنا نصف الطريق، حاولي تختلطي مع اشخاص اذكياء وعندهم شخصية قوية عشان تتحسن نفسيتك كمان وكمان
  • صورة علم
    صورة علم
    من مجهول
    لا تعتقدي ان مجرد نظرات من الشباب يعني ان هذا شيء كبير وعميق . انا شب وبعرف الشباب .. بنحب نشوف كل وجه البنات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟