فقدت الثقة بزوجي ولا أستطيع عيش حياتي طبيعية!

انا مشكلتي اني فقدت الثقة في زوجي لكثرة علاقاته بالنساء حتى قبل زواجنا انا اتخطبت حوالي سنه ونص وكان كتب كتاب مش خطوبه بس وصارحني انه غلك كتير في حياته وانه تاب وبيتمنى ربنا يسامحه وان الموضوع خلص وانا صدقته وقلت ان الله غفور رحيم وبعد جوازنا بعدة اشهر اكتشفت انه لسه على علاقه بكذا بنت والموضوع كان في فترة الخطوبه كمان انا سبت بيتي وطلبت الطلاق وهو جالي واعترف بغلطه ورجعني بس المشكله اني بقيت عايشه حياتي كلها في شك ومش قادره اثق فيه تاني ومش قادره اعيش حياتي طبيعيه حتى لما بفكر اعمل حاجه علشانه بفتكر انه حتى ما ادانيش فرصه ولا ادى لنفسه فرصه يشوف حياته بعد الجواز هتبقى عامله ازاي انا حتى لما بخرج معاه ببقى بشك في اي واحده يبصلها او يسلم عليها انه يكون يعرفها قبل كده واللي وصلني لده انه حصل قبل كدا وعرفني على زوجة شخص يعرفه وعرفت منه انه كان على علاقه بيها قبل جوازها من الشخص التاني انا مابقتش عارفه اعمل ايه مع العلم اني عندي طفلين ومتعلمه تعليم عالي والحمدلله مقبوله شكلا وعمري مافكرت اخونه وربي يعلم اني اصونه في غيابه وحضوره