زوجي يخبر أهله بكل كبيرة وصغيرة

بعد ازنكوا انا محتارة ومش لافية حل وحسة طاقة تحملي نفدت مني بجد ارجوكم حد يقولي اعمل ايهانا متجوزة من 4سنين واهل جوزي دايما دايما يتدخلوا بحياتي وعايزين يعرفوا تفاصيل حياتنا الخاصة وانا مش بحب احرجهم لما بيسالوا برد عليهم عشان جوزي ميتخانقش معايا وكمان هما ميضيقوش مني لكني اتخنقت جوزي لازم لازم يحكيلهم كل حاجة تخصنا اي حاجة حتى لوصغيرة بحس مفيش خصوصية ليا او لبيتي كمان لما بضايق بيتخانق معايا ويزعل وهنا كمان بيزعلوا حتى لو عﻻف حاجة تخص اهلي بيحكيلهم عنها غير كده اي حاجة بيفكر فيها بيدخلوا ولازم ياخد رايهم هما وبعد مايقرروا ييجي يقولي من غير ماياخد رايي وده بيضايقني منه اوي واخته واخوه دايما يجرحوني بالكلام وانا مبردش وبعمل نفسي مش سامعة وجوزي لما بيسمعهم مبيعلقش ولا بيقولهم عيب ولا حتى بيني وبينه بيقولي معلش انا ساعات بتكلم معاه وبقوله مضايقة منهم في كزا يزعقلي ويشتمني ويقولي انتي بتتلككي وبيخلص الكلام على كده بس بجد انا تعبت اوي اوي بحسه سلبي اوي ادامهم ملوش شخصيةوياريت محدش يقولي اطلقي لان عندي ابن وكمان بحب جوزي جدا انا بس محتاجة حل عشان احس ان ليا بيت مستقل عنهم واسفة اني طولت عليكوا بس ارجوكم عايزة حل