مشكلتي اني كتيرة الخوف على مستقبل أولادي فماذا أفعل؟

قضايا نفسية
animate

مرحبا...اسمحولي افضفضلكم الي بقلبي..من بعد انقطاع طويل عنكم...لاني كتبر برتاح لما اكتب لموقع حلوها...بداية موضوعي كتيير سابق لأوانه وبكير كتير اني افكر فيه ...بس بصراحه كتير مأرقني ...انا عندي 3 بنات متل الملائكه على الرغم من كتير مشاكل بعانبها معهم الا انهم احلى اشي صارلي بحياتي.....مشكلتي اني كتير بخاف عليهم من المستقبل. .كتير بفكر فيهم لما يكبروا كيف رح يكون نصيبهم. .دراستهم،، شغلهم،، حتى زواجهم ...مع انهم ما تجاوز عمر الكبيره فيهم 8 سنوات...بصراحه هم شخصياتهم مو هلئد قويه ..طبعا بحاول بكل الطرق انمي شخصياتهم بس بعد التجربه والي بشوفه صرت متاكده انه كل انسان مهما كان عندو تجارب ومهما كان يبدو عليه انه انسان متميز ومختلف .....الا انه بيضل فيو نقاط ضعف، للاسف تظهر أمام الاشخاص الخطا الي يستغلوه ويستغلوا سذاجته..لتحقيق مطامعهم...وهاد الاشي تاكدت منه باقرب الناس الي وهم خواتي....وغير خواتي،،، صرت لما اسمع عن قصص بنات وستات واعرف معاناتهم ..كتيير بخاف انو بناتي هيك يصير معهم...بصراحه في براسي افكار كتبر مو قادره ارتبها. ...بخاف عليهم من رفيقات السوء. .ومن الي مابيعرفوا الله....وبخاف على مستقبلهم الدراسي...وشغلهم وحتى الزواح والنصيب..بعرف انو كل ام بتفكر بكل هالشي ...بس انا صار عندي هاجس التفكير بكيف رح يكون نصيبهم وبخاف عليهم يصير فيهم متل الي صاير بخواتي...في الي اخت كنت اتمنى بس يكبروا بناتي يكونوا متلها...وكنت كتير انبسط لما ماما تحكي انهم نفس شخصيتها وهي صغيره..حتى تاريخ ميلاد اختي نفس تاريخ ميلاد بناتي التوأم ..بس لما تزوجت اختي !!!!! اتضح لنا انها ساااااذجه . وصرت اخاااف بناتي يصيروا متلها.....بعرف اني خربطتكم بس قد ما في بقلبي كلام ومخاوف... شكرا كتير على فرصة الفضفضه...وتحياتي للمستشارين واحترامي.....

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • الخبيرة النفسية د.سراء فاضل الأنصاري شكرا اختي لثقتك بنا. كل مخاوفك طبيعية ومن قلق الامهات وشعورهن بالمسؤولية ،،، الحياة وفي كل الحقب لم تكن سهلة لكل فترة صعوبتها وظروفها وهذه الفترة ايضا لها تعقيداتها وصعوباتها ولكنها لا تعني انها الاصعب وعندما تكبر بناتك باذن الله ستتغير بعض الظروف وقد تزول امور وتستجد امورا اخرى وهذه هي الحياة لا تسير على وتيرة واحدة او سهولة معينة ولكن كونك واعية لامور كثيرة استغلي وعيك وثقافتك لتوجيههن التوجيه الصحيح وتعريفهن بالواقع وكل شيء في اوانه لا تستبقي الاحداث ولكن في كل مرحلة اشرحي لهم الجيد والصعب وتجنبي الاصعب وبذلك تجعلي لهم جدارا من الوعي والحيطة والعلم الذي يساعدهم وكونهم اولاد زمانهم سيكونوا افضل منك بالتعامل مع الصعوبات التي تواجههن فعليك الان الاستمتاع بالخاضر ولتكوني واثقة انك قادرة على التعامل بالمستحدات في وقتها. بارك الله فيك
  • صورة علم
    صورة علم
    من مجهول
    في كل صلاة وفي كل يوم وفي كل ليلة ادعي رب العالمين يوقفلهم أولاد الحلال ويكون مستقبلهم أحسن من أيامنا هادي ، ودورك بعدها إنك تربيهم صح
  • animate

  • صورة علم
    صورة علم
    من مجهول
    مارسي دور الأمومة بكل ما تتطلبه هاي الصفة، ربي بناتك أحسن تربية، وعلميهم أحسن تعليم، والحقيهم بمراكز تدريب لتنمية قدراتهم ومواهبهم، وتأكدي إنه كل هاد رح يصقل شخصيتهم ويخليهم بنات قويات قادرات على مواجهة أي موقف في الحياة
  • صورة علم
    صورة علم
    من مجهول
    أكيد هاي مشاعر ومخاوف طبيعية، وتشعر بيها كل أم ، لكن لسة بدري عليها ، ما تخليها تسيطر عليك من الآن ، حتى ما تعيشي عمرك كله خايفة وقلقانة، وتفقدي طعم الحياة وحلاوتها
  • صورة علم
    صورة علم
    من مجهول
    (لاني كتبر برتاح لما اكتب لموقع حلوها.)الموقع في خدمتكم دائما وابدا ، ويسعد بتقديم المساعدة لكم، ويهمه راحتكم ويسعد لسعادتكم ويحزن لحزنكم

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟