صورة علم Jordan
من مجهول
منذ 6 شهور 9 إجابات
0 0 0 0

الجو العائلي السيء أثر على حياتي

السلام عليكم مشكلتي في عيلتي... من وانا صغيرة ابوي وامي كانوا موظفين.. وكانت امي تتركني عند حاضنة قريبة لبيتنا ..وتربيت عندها من وانا عمر ٤ أشهر لل٦ سنوات وبعدها رحلنا لمنطقة ثانية .. ورجعت لحضن عيلتي الأصلي.. بس امي وأبي كانوا جدا مقصرين في تربايتنا.. وكبرت ولما وصلت لسن المراهقة كان جواتي فجوة كبيرة.. لا أمي كانت تحضني ولا كانت تهتم لتفاصيلي ولا حتى بذكائي.. كنت بنت مُهملة وأدور على حنان من أي حدا من برا ... بعدها أبوي توفى ... والعيلة تقريباً تفرقت... سوء ترباية أخواني صارت تطلع هسا ، عاقّين لأمي بشكل كبير..عنيدين وبعملوا كل اشي براسهم وما بهتموا لأمي... واختي الكبيرة مثل امي تماما مهملة جدا في ترباية اولادها.. الوضع جدا كئيب في البيت ..ما بقدر اقعد فيه كم ساعة على بعضها... لساتني طالبة جامعية ضايلي سنتين لأتخرج بفكر كثير انه اترك البيت واروح على سكن طالبات.. وبرضه بفكر كثير بالارتباط بأي شب بيجي بتقدملي ليعوضني عن كل اشي فقدته من طفولتي ويسندني لأنه فعليا بحس حالي بلا سند.. جد بنفسي حدا يهتم لتفاصيلي يهتم لمواهبي يهتم لمشاعري لكل اشي فيي .. يهتم لنجاحاتي وتفوقي بالجامعة بحس بيئة عيلتي قاتلة للطموح بائسة سلبية .. وانا مو قادرة استحمل