صورة علم Saudi Arabia
من مجهول
منذ شهر 10 إجابات
0 0 0 0

أهل زوجي يروا الناس بعين الحقد والكره فكيف أحمي نفسي من شرّهم؟

انا حكايتي مع اهل زوجي ،متزوجته ٦ سنين وعندي ولد،وساكنين بعمارة وحده،من يوم دخلت عليه واهله يتدخلون بكل شيء، لدرجه ولادتي بولدي ماوافق زوجي قيصريه، قال ياطبيعي ولا طالق، واكتشفت بعدين انها امه قالت له وسمع كلامها ، ويوم فاتحتها في الموضوع بكل ادب قالت مافيها شيء بنتي اجبرها زوجها تولد طبيعي،قلت وانا ايش لي من بنتك ،فوق هذا بعد كل فتره، يطلع علي يصيح ويقول انتي قلتي كذا وكذا اقول واللي يفقدني ولدي ماقلت، وتطلع امه قايله له، اي شيء اقوله يألفونه ويلفقونه حتى امي جابت لهم سطل عسل طبيعي، قالو عنها( تبغا تذلنا بفلوسها) حتى امي ماسلمت منهم، وسوو مصيبه بدال مايتشكرونها،وابوي قبل فتره شرى جوال لي ولزوجي وقالوا عنه يبغا يذلنا بفلوسه وحشو راس زوجي وجاء يقول ليش ابوك شرالي يبغا يذلني؟ ،تعبت معهم تعبت جابو لي نفسيه قلوبهم مريضه يشوفون الناس بنوايا جدا جدا سيئه بشكل مو طبيعي، قبل سنه سافر زوجي انتداب قالو تجين انتي وولدك تسكنين عندنا قلت لا انا تحتكم بالعماره وبيتكم كله اخوان زوجي ،، وبدأو يتدخلون بطلعتي ودخلتي(مع العلم عندهم بنتين مايتحجبون ويعسلون وبكيفهم يطلعون )ويسوون فيني اشياء تغيضني وانا اسوي نفسي مافهمت.. المصيبه كانت: دخلت عليهم صالتهم بعصريه محد وقف من اخواته وبنات اخواته( اصافحهم واسلم على عمتي على راسها ويدها كالعاده ) بعدها سوت مصيبه تقول ليه مانزلتي انحنيتي على بناتي؟ بالرغم انهم قدي واكبر بشوي،انا انجنيت هنا وقلت ما انحني لهم واحتد نقاشنا وصاحت علي وفتحت طاري كل شيء قالت على راسك رايحه جايه وزوجك خروف موافق ولا تستأذني مننا اصلك انتي منتي متربيه وقليله ادب وتفلت💔 عليت صوتي قلت كل اناء بما فيه ينضح ،وما اسمح لك تقولين ماني متربيه والخروف ولدك قبل يكون زوجي (فعلا وقتها انفجرت طلعت كل حق السنين) بكيت ونزلت بيتي وضغطت امه بعدها على زوجي يطلقني وطلع ضربني .. مارضت علي الا يوم سلمت على رجلها واعتذرت وتحاضنا،وقعدت تدق بالكلام في الواتس عن الذل والذليل، سرت بسببها اخذ حبوب نفسيه جابو لي نفسيه، بغيت انزل انفجر عليها واطلع الي بقلبي واتطلق وجاء زوجي بكى من قلبه عشان اسامحه على كل شيء بسببهم، ووعد ننقل من عندهم وهذا هو يشتغل عليها ،وهذا ولا شيء من اللي سووه فيني وخلاص صرت رسميه جدا وهم كمان صاروا رسميين ومحترمين لان زوجي قال لو ماتركتونا في حالنا باهرب وماتعرفون انا حي ولا ميت ،القهر اني مو راضيه انسى كيف ذلتني وتشمتت فيني، حتى ابوه يقول المفروض انحنيتي لهم والمفروض ماتردين على عمتك المفروض اني ضربتك انا وولدي، سؤالي في هذا كله : قهري منهم مو راضيه انساه وذلها لي وشماتتها وكل شيء كيف انسى؟.. وكيف اكفي نفسي من الحماه هذي الي ماتتعب من المشاكل ، احب زوجي وحياتنا مثاليه يقوم بواجباته واقوم بواجباتي وسعيدين لكن امه تعبتنا ، عمرها ٥٦ سنه مو كبيره ، كيف اكفي نفسي شرها!؟