كذب وإنكار خطيبي لمرضه سبب لي المشاكل

خطيبى مريض بالصرع انا مخطوبة من اربع شهور وخطيبي شغله بعيد فى محافظة تانيه وبيركب مواصلات لمدة طويلة المهم فى يوم كنا خارجين كلنا فى العيد والخروجة دى كانت فى مكان بعيد والمواصلاتكانت طويله والجو كان شديد الحرارة وهوكان منامش بقاله ثلاثة أيامولما روحنا كان الوقت متأخر قلناله يبات عندنا علشان مش هيلاقى مواصلات فى الوقت ده وبعد مانام بييجي ساعتين اخويه سمع صوت وحس بحركة ودخل يطمن عليه لقى عنده حالة صرع راح ينادي على باباولما راحوا لقيوه فاق ونايم وبعدها بييجي ساعة ونص حصلت مرة تانيةوبابا واخويه فوقوه ونام على طول وبعدماصحى وقضى يومه معانا ماما قالتلي على اللي بابا واخويه شافوه وبابا كلم والده قاله هو عنده صرعاوحاجة لانه حصله كذا كذا والده قال لبابا لأ مش تعبان و لا حاجة ودىاول مرة تحصله وكان مستغرب وانا بكلمه فى التليفون كنت مترددة انىاكلمه فى الموضوع ده علشان مايتصدمش بس انا لازم اقوله علشان يكشفويطمن على نفسه واطمن انا كمان قولت له انت بتأخد علاج اعصاب اوعلاج لاى حاجة قالى لأ قولتله قل لي الحقيقة والصراحة قالى يعنى اكدب عليكي و اقولك انا تعبان وخلاص قولتله ولاحتى اصحابك الليمعاك فى الشغل قالولك انك بتتعب وبيحصلك حاجة وانت نايم قالى لأقولت له انا هاقولك على حاجة بابا واخويا قالوا انت جاتلك نوبة صرعمرتين وانت نايم عندنا وانت لازم تروح لدكتور مخ وأعصاب على تطمنعلى نفسك قالى هي حصلت مخ واعصاب قولت له عادي هى فيها حاجةلما حد يروح لدكتور مخ واعصاب أو دكتور نفساني هي ليه الناس بتبصلهاكدة يعنى اقولك روح لدكتور باطنة اوانف واذن قولتله بس انت بجد مفيش حد من صحابك قالك إنك بيحصلك حاجة علشان خاطري قول ليالحقيقة بأمانة وبصراحة قالى انا هاقولك الحقيقة واللي انتى عيزاه هاعملهولك قالى انا لما كنت صغير كانت الحالة دى بتجيلى بطريقة فظيعةبس الحمدلله دلوقتي مماعدتش بتيجي ومجتليش من ست شهور ولما بتيجي بتبقى خفيفة كأنها كابوس وابوكى واخوكى شافوا قولتله ماقولتولناش من الأول ليه وكنتوا مستنيين ايه دا احنا عرفنا بالصدفةوبابا سال بباك قال لأة وانت كنت بتحاول تنكر يعني ما قولتوش ولما سألناانكرتوا قال كنا خايفين لحسن تخافوا واحنا ماقولناش علشان انا معادتشبتيجي وابويا ماقلش لبباكى علشان كانوا عايزينى انا اللي اقول واحنا كدة كدة كنا هانقولكم .انا زعلانة اوي من الكدب والانكار ومش عارفه اعمل ايه ارجوالمساعدة