سلفتي تكبرني ب10 سنوات لكنها تتصرف كالمراهقات

Question

السلام عليكم انا متضايقة من شغلات حابب افضض واحكيها وايش بتنصحوني اعمل أنا متزوجة ولما تزوجت ماهمني حد من اهل زوجي وكان كل اهتمامي بزوجي دخلت ع عائلتهم مايعرف شي اخوان زوجي ٤ في ٢ساكنين بعمارة والباقي بعاد عنا نحنا ساكنين انا وسلفتي كل وحدة بشقة قبال بعض بفصل بينا الدرج من حد ما تزوجت واحسها بدها تقهرني مو عارف ليش وكل مرة اطنش واحكي معلش وهلأ عم بتقلدني بكل اشي حتى غيرت لبسها وموديلو وصارت تلبس متلي بالضبط وانا صراحة مابحب حدا يقلدني وبضل ع طول تسمع فيني حكي انو قبل ما انا اتزوج كانت تطلع قدام زوجي بشعرها وانو شعرها كان طويل وحلو واحلى من شعري بس بعدين قصته عاد انا شعري كمان طويل وناعم وتحكيلي بكرة مارح يضل هيك رح تقصيه وانها كانت تطلع بلبس مو متحجبة ومكياج انا اضل ساكت وما احكي شي بس صراحة من جواتي مقهورة ومرة كنا قاعدين قدام بيتنا تطلع وتحكي مرحبا كيفكم وهي مو لابسة ع راسها تتعمد بعدين تحكيي يييي وضل فايتة بس هيك أحسهابدها تقهرني ا وكل مانكون مجتمعين ببيت العيلة بتتعمد تحرجني بتصير تحكي شو سمعت ببيتنا سمعتكن حكيتو هيك قلتو هيك لدرجة مرة جوزي كان قاعد ونازلة تحكي سمعت حكيتو كذا اجا حكالا انت شكلك بتحطي سمعاعة طبيب وبتتصنتي والله صرت احكي بالهمس بالبيت سلفي مرة كان عم بدور ع عروس اجت بتحكيلي مهما جابو سلافات انا رح اضلني احلى وحدة مهما دارو ولفو رح اضل انا الحلوة وماحد متلي بينكم كلكم وهي كتير متكبرة وانا طبعا ساكت مو عارف ايش احكي لان هيك حكي عيب ينحكى وفي تجريح للطرف الآخر مهما كان وايش قصص والله اجو ناس يخطبوني فكروني ب العشرين ودايما بتعايرني انو هي كل ولادتها قيصري وانا طبيعي وانا صراحة ماكنت فاهم لبش بعدين عرفت قال عشان الحياة الزوجية واضل ساكت واحكي حياتي الزوجية ممتازة الحمد لله ليش هالحكي والله عيب للعلم بيني وبينها١٠سنين فرق عمر وهي علاقتها مع زوجها دائما مشاكل وكتير هيك مواقف معي ادا سبغت شعري تروح تسبغ ادا شريت شي لبيتي تروح تشتري متلو وتطلب اغراضي الشخصية متل الكحلة المسكارى كريم الاساس حتى العدسات العيون دائما من اول ما تزوجت توخد وماترجع واستحي ارجع اطلبهم واخر اشي صررت احكيلهاا ما عندي الله يسامحني مهو لانها ما بترجع وهاي شغلات شخصية مابتنطلب ودايما مراقبتنا والله مو عارف كيف ملحقة نفسي اطلع من البيت وماتشوفني حتى من جديد صرت اي شي بدي اعملو أتجنب احكي فيه يعني ادا شريت اواعي مستحيل احكيلها شريت كذا وكذا سبغت شعري وماورجيتها وادا بدها شي اغطي ع راسي عشان ماتشوف وتروح تعمل متلو وصرت أتجنب اشوفها من ورى حكيها اللي بلا طعمة بس بسم البدن والمشكلة مابعرف ااجاوب بالمرة وهي حكيها ع راس لسانها وللي قاهرني لما تصير تحكي انا حلوة وشعري وكنت اطلع قدام جوزك بس تشوفيه ادبحيه عشاني واضل ساكت عنجد مش عارف ايش بدي اسويلها لدرجة مرة كنت بخطط اجاوبها شو يعني منتي اكبر مني ومنو بس بعدين حكيت لا مابصير عيب هالأخلاق تطلع مني احترت من مغايظتها الي وليش هيك بتعمل ع شو شو بيني وبينها عشان كل هالحكي افيدوني يجزيكم ربنا كل خير

المدرب ماهر سلامة · Accepted Answer

سيدتي لا تدعيها تستلب حياتك بقصصها واهتماماتها التي تعبر عن نقص كبير في شخصيتها تريد تعويضه من خلال هذه الممارسات لا تدعيها تجرك الى منطقتها الجريحة الى منطقة آلامها العاجزة هي عن مداواتها تمني لها بالسلام مع نفسها واشفقي عليها ولكن من بعيد حصني بيتك وحياتك من ذبذباتها السلبية دعيها تفعل وتقول ما تشاء وأنت بكل برود تعاملي مع هذه الا شياء بعدم اهتمام ولا تسمعي لها واشغلي عقلك بشئ آخر أولوياتك كثيرة وليس لديك الوقت لذلك بالتوفيق

من مجهول · Answer

لا تعطيها أية اهميه على العكس وقبل ان تصبغي شعرك قولي لها إنك ناويه تصبغي إذا بتحب تصبغ وكلما اشتريتي شيءا قولي لها لكي تشتري وهكذا لحتى ترهقيها وعندما تشترين أدوات تجميل خليها تشتري مثلك لكي لا تتطلب منك حاجاتك المهم ان لا تعطي كلامها أية اهميه لانها تسعد اذا رأتك مغيوضه منها اما موضوع الولاده القيصرية من الواضح انها رغبة زوجها ان تنجب قيصريا لكي يبقى فرجها على طبيعته لان الولاده هذه الأيام تتم بعد شق الفرج بالمشرط فيتوسع الفرج ولا يعود كما كان وهذا عيب عليها ان تتحدث به خذيها على قد عقلها

من مجهول · Answer

هههه زكرتيني بسلفتي اخ ملا ايام كانت مع سلفتي نفس الشي كانت غيره مش طبيعيه بعدين ما وقفا عند حدا غير عمي قدامك خيارين او تختصري عالاخر معا او خديها لجهتك وسايريها وامدحي فيها وبجمالا وساعديها بس بدا تعمل صبغه باختيار اللون شاركيها بهالامور وهيك يعني

من مجهول · Answer

غيره ١٠٠٪ الاحسن انك ضلي ع الرسمي معها ولا تنزلي لمستوى الكلام معها

من مجهول · Answer

مختصر مفيد انها تغار منك لانك احسن منها اتركيها واهمليهاولا تجعليها تؤثر على حياتك اهتمي بزوجك واولادك ونفسك

من مجهول · Answer

لما تحكي في مواضيع تافهه بكل بساطه قومي من المكان اللي هي قاعده فيه وسيبيها تبرم لتزهق ولما تنقل كلام سمعته في بيتك جاوبيها ولا تسكتي ولو بسمخره هيك بتمل من كلامها التافه قدامك خصوصا لما تسيبيها تحكي وما تعبريها دوغري افتحي موضوع تاني مع ا ي حد جالس معاكم وإذا زعلت ردي عليها انه كلامك حفظناه ويمكن نحن لازم نسمعلك إياه واضحكي بعديها هي غيراااانه منك فلا تزعلي أبدا

من مجهول · Answer

اهتمي بحالك ولا تهتمي بما تقول او تفعل وامنعي اي سبيل للكلام بينكم ولا تعطيها اشيائك ولا تتحدثي معها علي الاطلاق فهي تغار منكي وانسانه غيورة وتافهة وعندما تتحدث عما بدور في بيتك قولي لها عيب ان تتصنت عليك وكل واحد حر في بيته ما دام لا يؤذي جاره وابتعدي عنها فهي حقودة اعاذك الله منها

من مجهول · Answer

طبيعي يا ابنتي ان تغار منك لانك اصغر منها ب 10 سنوات وهي لاتعترف بخطوط الزمن علي وجهها وتظن ان تقليدها لك يعود بها ل 10 سنوات للوراء وتلك شخصيه تستحق الشفقه ولا تضايقك سلوكياتها الطفوليه ولن تقلع عن افعالها معك لأنها تحفظ كتاب السلايف عن ظهر قلب وتسمع ابوابه معك باب باب اختصريها وقللي من جلساتك معها امام باب البيت

من مجهول · Answer

حاولي ما تعبري كلامها التوافه كثيره بالحياه

من مجهول · Answer

انا برأي اختي انك تعملي على تطنيشها ولماذا لاتكسبيها لطرفك ادعيها على شرب القهوة وماشابه ولاتبيني لها انك متضايقة من تعاليقها مصيرها تمل وبالحسني تسطيعي التجاوز والابتعاد قدر المستطاع عن ذكر الاشياءالايجابية بحايتك امامها فهذا يزيد من المشاحنات والعزم بالامور على الكتمان المثل مركب الضراير سار ومركب السلايف غار هذه الواضح انها غيرة واعرفي انو نقطة قوة الانسان هي نقطة ضعفه لهذا السبب بتتصرف معك بالاسلوب جربي رأيي الابتسامة والوجه الحسن مفعول السحر على العلاقات

من مجهول · Answer

بدك الصراحة بدون مجاملة ولا لف ولا دوران إنت المكيودة منها مش هي لا تزعلي بس لازم الحق يقال

من مجهول · Answer

انت وسلفتك ناقصكم شئ مش موفى ليكم العيب في ازواجكن مو فيكن

من مجهول · Answer

احرجيها بالكلام وحسسبها انها تافهة ومراهقة

من مجهول · Answer

البيت وقولي في وجهها ماشاء الله يمكن تستحي وتحس

من مجهول · Answer

انت شخصيتك ضعيفة لازم تقوبها اذا كانت سلفتك تعمل كيفك هذا باين انو ذوقك رفيع ممكن انت لي تهزيلها شخصيتها اعملياها ملاحظة كلما تعمل كيفك قوليلها عجبتك تسريحة شعري رخت عملت كيفها المفروض انت تبهدليها مش هي لكن الواضح انو هي غيرانة منك لكن شخصيتها قوية

من مجهول · Answer

طيب شو دور حماتك او زوجها بالموضوع لازم يعرفو انها مسببة الك مشكلة وبتتدخل في كل شيء حطي حدود لها قبل ما تتمكن منك وتصيري ما تعرفي تتخلصي منها تجاهلي ولا تخليها تفرض رايها ابدا

من مجهول · Answer

اسمعي وطنشي لا تخلي كلامها يأثر فيكي ابدا خلي ثقتك بنفسك وفي زوجك كبيرة ولا حد يهزها لا تعطيها مجال تتدخل في خصوصياتك ولا في بيتك خلي كل شيء بحدود

من مجهول · Answer

طيب ما حاولتي انك تكسبيها لطرفك يعني تستضيفيها او تطلعي انتي وياها تحكي معها انو كلامها بيجرح وانها لازم تنتقي ألفاظها لانو هيا كبيرة وكلامها محسوب عليها

من مجهول · Answer

لازم يكون لزوجك موقف بالموضوع خلي يحكيلها انو مش كل شيء بينحكى وانها زودتها لما تشوف زوجك انو معك وبيدافع عنك بتزيد غيظها

من مجهول · Answer

أفضل حل لك ولها كما حكيتي انك لا تقابليها واذا تم وقابلتيها حاولي لا تتكلمي معها وتخففي علاقتك يمكن تفهم وتبطل سخافتها

سلفتي تكبرني ب10 سنوات لكنها تتصرف كالمراهقات

شارك في الاجابة على السؤال

شارك في الاجابة على السؤال

احدث الوصفات

طريقة عمل مهلبية الجيلي

طريقة عمل كاسات تشيز كيك

طريقة عمل كاسات اللوتس

طريقة عمل عصير فيمتو

طريقة عمل الموهيتو الصيفي

طريقة عمل عصير المالديف الأزرق

مقالات ذات صلة

مراحل نمو الطفل منذ الحمل وحتى 5 سنوات

إجابة سؤال مقابلة العمل أين ترى نفسك بعد 5 سنوات

جدول التغذية السليمة للأطفال من عمر 9 إلى 11 سنة

ابني يعضني! كيف تمنع طفلك من العض؟

علاج عادة وضع الأصابع في الفم "مص الأصبع" عند الأطفال

7 نصائح لتربية طفل عبقري في إدارة المال

فيديوهات ذات صلة

أسئلة ذات صلة

مقالات ذات صلة

احدث مقالات قضايا اجتماعية

احدث الوصفات

طريقة عمل حلى كرات الشعيرية السهل والسريع

طريقة عمل كيكة الجيلي الباردة

طريقة عمل حلويات سهلة بدون فرن وبثلاث مكونات

طريقة عمل آيس كريم بدون سكر

احدث اسئلة قضايا اجتماعية

اسئلة من بلدك

احجز استشارة اونلاين

شارك في اخر الاختبارات

اختبار الشخصية المرحة "خفة الظل وروح الدعابة"

اختبار الزواج المثالي: هل تستطيع بناء زواج سعيد؟