الرئيسية / قضايا اجتماعية / خجل خطيبتي يضايقني

السؤال

صورة علم Saudi Arabia
مجهول
قبل 7 شهر (9 اجابه)
9 اجابه

خجل خطيبتي يضايقني

أنا ملكت وصار لي تقريباً ٨ شهور ... بس زوجتي من النوع الخجول جداً جداً. كل ما أحاول أقرب منها أمسك يدها او اقبل خدها تصدني من زود الخجل، ممكن اتفهم الخجل في البداية بس احنا صار لنا ٨ شهور ولسا ما راح هالحاجز! ودايماً أكون انا المبادر بالكلام والرسايل والاتصالات ومع ذلك احس ببرود من جهتها وعدم اهتمام يعني كل رسالة ارسلها ترد علي بعد ساعة او نص ساعةواحيان ساعتين ، ودي يوم هي ترسل من نفسها او تسأل عني.. وأغلب الاوقات مشغولة بالزيارات العائلية و مع صاحبتها ومع اني صارحتها بهالكلام ووعدتني بتتغير بس للأسف ماشفت ولا تغيير بسيط للآن .. هي طبيعتها خجولة وكتومة وكلامها قليل وانا اعرف انها داخلها تحبني بس هي تجد صعوبة في التعبير وانا محتاج اكسر حاجز الخجل وبرودها الدايم واحساس عدم الاهتمام ... ساعدوني


قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

صورة علم Jordan
لبنى النعيمي مدربة العلاقات الاجتماعية
قبل 7 شهر

انت حكيم في التعامل مع خطيبتك. يمكن ان تحتاج خطيبتك لوقت أطول للتعود عليك، عليك ان تعاود الحديث معها باهمية الامور التي تضايقك وان تطلب منها بوضوح ما تتوقغه منها لبناء علاقتكم بشكل صحي وحميم.

صورة علم Saudi Arabia
مجهول
قبل 16 يوم

حبيبي دايم يطلب مني اقول كلام جريء مره وانا اخجل منه بقوه لانو بحياتي مانطقت كذا كلام وكل مااقول له استحي مااقدر لاتسوي فيني كذا يزعل ويقلب عليا وانا اكره لما يزعل وش اسوي طيب وربي استحي وكمان مااقدر اتحمل زعله مني وش الحل وش اسوي فهموني

صورة علم Saudi Arabia
مجهول
قبل 7 شهر

8 شهور خطوبه؟؟؟؟؟؟؟؟؟ هذا لو متزوجين فيها كان الشهر الجاي جبتو طفل ...... هي البنت حذره لانك للحين ماتقدمت خطوه تسارع بالزواج منها عشان تكسر الحاجز .. هي خايفه تتقرب لك وانتوا للحين مخطوبين بكرى لتزوجتها تنقلب الآيه .. بدل ماانت تسأل تصير هي اللي تدقق عليك وتزعجك ...... بس لاتتذمر من هالشيء لانك انت الان متمني هالشيء ......... ماتبادر الحين اذا لمستها لانك مطول بالخطوبه ياحبيبي وهي خايفه ع نفسها تاخذ اللي تبيه وتتركها قبل ماتدخل عليها ..... طبيعة خوها وخجلها منك طبيعيه .... مادري شالخطوبة اللي هالمده وفوقها تبي تتجاوز حدك معها ....... هي في بيت اهلها ودامها ببيت اهلها لاتفكر انها تبادر .. لانها البنت متربيه ومحافظه من الدرجة الاولى هنيالك .. واهلها ربوها على الثقل وعلى التربيه الحسنه لاتفكر انها فيها هالصفات .. ومره وحده تبيها تفصخ الحياء مره وحده وتنزعه منها ... البنت ماتصير جريئة الا بعد الزواج تكون راسك براسها ومافي احد ثالث .... بس مومنهو والطريق تبيها تصير جريئة وفاهمه ل قلة الادب ...... خل قلة الادب لبعد الزواج .. الحين الاهم بعلاقة الخطوبه انك تفهمها وتفهمك وشنو تحب وشنهي تحب وشنو انت تكرهه وهي شنو تكرهه .. وتختلفون مره وتتراضون الف مره .. الخطوبه مو استقال جسد واثبات رجوله ورمانسيه .... هذا كله خله بعد الزواج لانها مابتشوفه منك .. لانكم من تتزوجون ماتعرفون شيء رومانسيه .... ودامكم خلصتوا تفاهم بهالمده الطويله متى نفرح بعرسكم ؟

مجهول
7 شهر

فعلا 8 شهور مدة طويلة للخطوبة وربما بعد الزواج راح تتغير


مجهول
7 شهر

اخوي الفاضل انا ماابي اقذف في هذة البنت لكن لو كانت متربية ماكانت سمحت لنفسها انها تقابله او تجلس معه او حتى تكلمة مستحيل انة يبي يبوسها ومادري ايش قدام اهلها اكيد لوحدهم ولااحد يقول خطيبتة ومملكين وتعتبر زوجته لا ماتعتبر زوجتة الا بااشهار الزواج ووليمة عشاء وعرس وفرح لو كانت كذا ليش يوم ملك عليها مااخذها لبيتة انا لاني بنت اشوف غير كذا اشوفها ماتحمل لااخلاق ولاتربية حسنة بظل قصته اللي كتبها ولا انا لااعرفه ولااعرفها .عندك مثلا انا مخطوبة اقسم بالله لااعرف وجهه ولاشكله ولاسمعت صوتة ولاعندي رقمة قالوا كلمية تواصلي معه رفضت لاني انا وغيري من البنات ماعندنا هالسوالف واذا الله سبحانة وتعالى ذكر في موضوع الخطبة في سورة البقرة ( ولاجناح عليكم فيما عرضتم به من خطبة النساء او اكننتم في انفسكم علم الله انكم ستذكرونهن ولكن لاتواعدهن سرا الا ان تقولوا قول معروفا ) وتجي تقولي هالبنت اخلاق ومادري ايش هذة البنت اللي عندها مو رجال ولو كانوا رجال ماسمحو لها بالخلوة مع رجل ماصار زوجها وحتى هي ماعندها خوف من ربها لو كانت كذا لرفضت الامور من المكالمات وغير وغير وحتى صاحب القصه واقولها له انة هو ماعندة اخلاق ولاضمير ولاخوف من ربه لانة همه نفسة ويبي يتمتع بها عارف ان بعد الزواج تبي تبداء المشاكل بينهم وهو يبي متعه ويروح لبيتهم وهذولا شفهم بعد الزواج والله لتقلب حياتهم جحيم بسبب الشك لاهي ترتاح معه ولاهو كذلك لان كلن يبي يشك بالثاني علشان كذا نهانا الله عن هذة الامور قبل الزواج واثناء الخطبة


المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

 


احجز استشارة أونلاين

اختر الخبير الأنسب لك واحجز معه جلسة استشارية خاصة على الإنترنت في الوقت الذي يناسبك.

احجز الآن